Sinhvazse Sinjyangz 6 nyied 5 hauh dienh Hozdung cawjciengz guekgya ngoenz vanzging roek haj bi 2022 5 hauh youq Liuzningz Swngj Sinjyangz Si banh. Cunghgung Cunghyangh cungjsuhgi、guekgya cujsiz、Cunghyangh Ginhveij cujsiz Siz Ginbingz fak saenq cukhoh banh baenz hozdung.

Siz Ginbingz youq ndaw saenq naeuz, swnghdai vanzging dwg gij giek vunz senglix caeuq hwngfat, bauj- maenh swnghdai vanzging ndei dwg gij simmuengh caezcaemh beksingq gak guek. Cibbet Daih Dangj doxdaeuj, raeuz aeu hwnqguh swnghdai vwnz- mingz dangguh gij giva gaenbonj nangqdaengz Cunghvaz Minzcuz ciengxlwenx hwngfat, dingjmaenh gij leixniemh bya heu raemx saw couhdwg byagim bya’ngaenz, guh baenzroix hong miz goekgaen、miz haicauh、ndaej hwngfat, hwnqguh aen Cung- guek gyaeundei hamjok yamqdin youqgaenj, doidoengh swnghdai vanz- ging baujhoh guek raeuz doenghbaez caengz raen gvaq、ndaej cienjbienq、daengx buenz miz bienqvaq.

Siz Ginbingz giengzdiuh, roen moq cienzmienh hwnqguh sevei cujyi yendaiva guekgya, daengx dangj daengx guek aeu baujmaenh gij rengzmaenh canloz gyagiengz hwnq- guh swnghdai vwnzmingz, haenqrengz doidoengh ginghci hwngfat cienzmienh cienjhingz saekheu, dungjcouz ceih- leix uqlah、baujhoh swnghdai、wngq- doiq dienheiq bienqvaq, roengzrengz hwnqguh aen Cungguek gyaeundei vunz caeuq swhyienz huzndei caemh- youq, vih caez hwnq aen seiqgyaiq gyaeundei seuqcingh lai ok rengz dem! Maqmuengh daengx biengz guh hwnjdaeuj, guh boux cienzboq gaenx- maenx caeuq boux hengzguh yiengh- ndei leixniemh swnghdai vwnzmingz, roengzrengz hengzguh、caen ca caen guh, louz aen gyaranz gyaeundei mbwn lamz、dieg heu、raemx saw hawj daih lwg daih lan.

Cunghgung Cunghyangh Cwng- cigiz cangzveij、Gozvuyen fujcungjlij Hanz Cwng youq hozdung hainduj doeg fung saenq cukhoh Siz Ginbingz caemhcaiq gangjvah dem. De naeuz, Siz Ginbingz cungjsuhgi cienmonz fak saenq daeuj cukhoh, neix dwg naeuz Dangjcunghyangh yawjnaek hozdung cawjciengz guekgya ngoenz vanzging roek haj dangqmaz. Digiuz dwg aen gyaranz dandog vunz ndaej senglix, hwnqguh aen seiqgyaiq gyaeundei seuqcingh vunz caeuq swhyienz huz- ndei caemhyouq, dwg gij cwzyin caezcaemh vunz daengx biengz. Cib- bet Daih Dangj doxdaeuj, Dangj- cunghyangh aeu Siz Ginbingz dungzci guh vaedsim haenx aeu hwnqguh swnghdai vwnzmingz baijyouq dieg youqgaenj hong daengx buenz, doi- doengh swnghdai vanzging baujhoh guek raeuz doenghbaez caengz raen gvaq、ndaej cienjbienq、daengx buenz miz bienqvaq. Roen moq cienzmienh hwnqguh sevei cujyi yendaiva guek- gya, aeu dingjmaenh yungh gij swhsiengj swnghdai vwnzmingz Siz Ginbingz guh vixyinx, caezcienz、cinjdeng、cienzmienh gvancez leix- niemh hwngfat moq, gyavaiq hwnqguh aen Cungguek gyaeundei.