5 nyied 25 hauh, Gungcinghdonz Gvangjsih Gihveij、Swcigih Minz- cunghveij、Swcigih Gyauyuzdingh、Swcigih Gvanhgunghveij、Gvangjsih Saugunghveij、Gvangjsih Cinghgihvei caeuq Sinhgyangh、Sihcang song dieg gungcinghdonz caeuq sausenhdui cujciz lienzhab banh aen doihhoih gwnz muengx sausenhdui sam dieg bi 2022 Gvangjsih、Sinhgyangh、Sihcang “ngveihsigloux ranz caen ndeu”, aeu cukmaenh gij eiqsik caezcaemh Cunghvaz Minzcuz ung haeuj sim bouxcoz nyezrauh gak cuz bae. Gvangjsih hoihciengz laeb youq Nanzningz Si Roenminzcuj Siujyoz Gyauyuz Cizdonz Fuzswjlingj Yaugih, Sinhgyangh、Sihcang faenbied laeb hoihciengz, sam dieg 4000 lai boux sausenh duiyenz doxcomz gwnz muengx, doxsoengq huqlaex, dox- soengq hohfuk, cienzndenq caencingz, caez angqhoh ciet lwgnyez gozci “roek·it”.

Hozdung yienhciengz, dangzgoq cawjdaez neiyungz dwg cukmaenh gij eiqsik caezcaemh Cunghvaz Minzcuz haenx, daiq gyoengq sausenh duiyenz caez hag gij cihsiz mizgven 56 aen minzcuz, sonyinx gyoengq duiyenz lai ung gij cingz “Cunghvaz Minzcuz ranz caen ndeu”, hawj caezgya lai huzndei caemhyouq. Sausenh duiyenz lij yungh “hungzlingjginh ciengj- cangh”“aenyaenq vasigloux” guh sienqmeh, doenggvaq gijgwn ndei minzcuz、gofoux minzcuz、ndangdaenj minzcuz、sawveh minzcuz、dijyuz minzcuz daengj hanghmoeg doxgyau lai, caezcaemh guhsat roek gaiq minzcuz vwnzva gyoebdoz ngveih- sigloux, youq mwh hag guh ndaej yiengjsouh minzcuz vwnzva, yungh doxgiet doxbang ciengqgok yaem- wenq gyaeundei, gij heiqfaenh bouxcoz nyezrauh gak cuz doxgyau engqgya noengznwd.

Ciuq cam rox, Gvangjsih laebdaeb guh aen hozdung “vasigloux hai ranz caen ndeu” caeuq bouxcoz nyezrauh dieg bien’gyaiq “fwngz doxdaz”, daj bi 2021 doxdaeuj, Gvangjsih sausenh duiyenz caeuq Sinhgyangh、Sihcang sausenh duiyenz lai baez guh hozdung sawsaenq “fwngz doxdaz”, gaenq cujciz 115 aen hagdangz 568 aen doih 12700 lai boux sausenh duiyenz caeuq sausenh duiyenz Sinhgyangh、Sih- cang gapdoih baenz bouxdoih “fwngz doxdaz”, doenggvaq banh aen doih- hoih cawjdaez、doxfak saenq、banh “caez ciengq hot go ndeu, caez hwnj dangz goq ndeu” daengj hozdung doxgyau ndei, giet roengz cingzngeih naekna.

(Vangz Yinz)