5 nyied 28 hauh, Swcigih Dangjveij suhgi、Swcigih Yinzda Cangzveijvei cujyin Liuz Ningz bae Laizbinh Yinhcwngz Yen、Hozsanh Si genjcaz cijdauj hong fuengz raemx- rongz gouqcai, caemhcaiq diuyenz ginghci yinhhengz、canjnieb hwngfat daengj dem, giengzdiuh aeu haeujlaeg roxyiuj gij yiyi gietdingh “song aen dinghlaeb”, guh daengz “song aen henhoh”, gaengaenj bouxlingxdaeuz fukhwng hungmbwk caensaed buek- guh, haeujlaeg gvancez gij cingsaenz gangjvah youqgaenj “4·27” Siz Gin- bingz cungjsuhgi cazyawj Gvangjsih caeuq baenzroix iugouz cijsi youq- gaenj naeuz hong Gvangjsih, doek- saed gij iugouz youqgaenj “binghraq aeu fuengz ndaej、ginghci aeu onj ndaej、hwngfat aeu ancienz”, dingj- maenh beksingq guhdaeuz, dungjcouz hwngfat caeuq ancienz, daezsingj hingzsik cujyi, haenqrengz guhndei hong ginghci, caezhoz comz rengz hwnqguh aen Gvangjsih gyaeundei sevei cujyi miz daegsaek Cungguek seizdaih moq, yungh hengzdoengh saedsaeh ciepcoux Ngeihcib Daih Dangj hai ndaej baenz.

5 nyied 27 hauh banhaet, youq henzgyawj Yinhcwngz Yen Dadangz Cin Dadangz Segih Muzlinzau, aenvih fwnhung raemx lai 3 boux hagseng deng raemxrongz cung bae. Dangdieg gungh’anh、siuhfangz、veigen daengj bouhmonz ciep ndaej baugingj le doq bae yienhciengz gouq, gouq ndaej boux ndeu, 2 boux ginggvaq ciengj- gouq mbouj ndaej dai bae. Liuz Ningz yawjnaek gij neix dangqmaz, roxnaj doq guh bae, iugouz giengzvaq senhconz gyauyuz fuengz raemxrongz gouqcai, gemjnoix vunz sieng vunz dai. 28 hauh banhaet, Liuz Ningz youh ganj bae dieg yienhciengz saehhux, ciengzsaeq roxyiuj saehhux mizgven cingzgvang, daengz dieg genjcaz cijdauj hong fuengz raemxrongz gouqcai. Liuz Ningz giengzdiuh, seizneix gih raeuz gaenq daengz mwh youqgaenj fuengz raemxrongz, daengx gih gak gaep gak bouhmonz aeu haeujlaeg gvancez doeksaed gij iugouz cijsi youqgaenj mizgven hong fuengz raemxrongz gouqcai Siz Ginbingz cungjsuhgi, itloh aeu baujcang beksingq sengmingh cienzcaiz ancienz baij youq baihdaeuz, yiemzgek doeksaed aen cwzyinci fuengz raemx- rongz, hopheux haenz dah、raengz- romraemx、dieggvangq、hawsingz raemxdumh ndaw caeuq dieg heih deng raemxrongz daengj dieg youqgaenj, ca ndei baizcaz huxndumj caeuq son’gyauq yienjlienh, guh ndei gak hangh fuengzre caeuq caepcawq wngqgip. Liuz Ningz lij bae daengz Yinhcwngz Yen Sihlen Cin Sizlungz Cunh, ciengzsaeq roxyiuj gij cingz- gvang reihnaz deng raemxdumh caeuq nungzyez swnghcanj deng yingjyangj baenzlawz yiengh, iugouz dangdieg gaenxmaenx cujciz rengz fuengz raemxrongz gouqcai, caenh rengz hung gemjnoix caihaih sonjsaet, yiemz- fuengz baenz caihaih baez moq, dauqfuk swnghcanj swnghhoz vaiq di.

Youq Dadangz Gveigvan Hoz- sanh Sinhnwngzyenz Youjhan Gungh- swh Liujvahlingj Gvanghfuz Hangh- moeg caeuq Gvangjsih Hozsanh Vazcinh Sinhcaizliu Youjhan Gungh- swh, Liuz Ningz ciengzsaeq roxyiuj Hozsanh dieggoek nwngzyenz cienz- doengj cienjhingz hwngfat ndei youh vaiq、dansonhgai canjnieb cienjhingz swnggaep caeuq giyez rauh iq guenj- guh ndei hwngfat onj daengj cingz- gvang. Liuz Ningz giengzdiuh, Dangj- cunghyangh、Gozvuyen doiq gij hoj- nanz caeuq vwndiz doedok seizneix ginghci hwngfat bungz daengz, okdaiz baenzroix guhfap cwngcwz youqgaenj. Aeu dingjmaenh gvancez leixniemh hwngfat moq, dungjcouz doinyoengx demmaj onj、diuz gezgou、bang gaij- gwz, fatok ndei gij cawjdaej cozyung giyez youq ndaw gohgi cauhmoq, giengzvaq gisuh cauhmoq、huq cauh- moq, gyavaiq doinyoengx canjnieb cienjhingz swnggaep, mboujduenh gyalai rengz gag hwngfat, doidoengh ginghci sevei hwngfat youh ndei youh vaiq.(Cinz Yizcwz)