5 nyied 19 hauh, ngoenz bozvuzgvanj seiqgyaiq、ngoenz lij- youz Cungguek、ngoenz cienzdoh yisuz daengx biengz yaek daeuj daengz, Yungzsuij Myauzcuz Swciyen haiguh aen hozdung Bi 2022 Vwnzboz Lijyouz Yisuz Couh caeuq aen yizsiz hainduj lwnhgangj aen cawjdaez“giengz guek fukhwng miz gou”. Yienhciengz miz vwnzyi biujyienj、langhbaij feihyiz、lwnh cihsiz vwnzboz daengj, yinx daeuj haujlai vunz comzyawj. Aen yienh neix yaek laebdaeb yungh ndei gij lizsij vwnzva、minzsug vwnzva daengj dieg de, gyavaiq vwnzva yisuz caeuq lijyouz doxyungz, doidoengh saehnieb vwnzva lijyouz hwngfat ndaej caetliengh sang, coenghrengz hwng- hoengh lajmbanj.

（Lungz Dauh/龙 涛）