5 nyied 19 hauh, 2022 nienz Gveigangj Si “ngoenz gozci bozvuz- gvanj 5·18” “ngoenz lijyouz Cung- guek 5·19” “ndwen cienzdoh yisuz daengx biengz Gvangjsih 5·23” nem vunz Gvangjsih youz Gveigangj, coicaenh gak minzcuz doxgyau dox- baedauq doxyungz “sam hangh daj- veh” hozdung youq Gangjbwz Gih Gwnhcuz Cin aen suen vwnzcang rangh guhyiengh saenqhwng lajmbanj banh.

Ciuq cam rox, baez hozdung neix cujyau hopheux sam aen cawj- daez “rengz bozvuzgvanj” “roxnyinh Cunghvaz vwnzva yiengjsouh diuzroen gyaeundei” caeuq “roen moq haenq- guh baenaj”, haenqrengz cauh gij heiqfaenh naekna gak minzcuz caez- caemh buekguh、caezcaemh hwngfat mwnhoengh, cungfaen fatok vwnzva hawj naengzliengh、dijyuz vih bek- singq、lijyouz daiqdoengh cozyung, hengzguh vwnzva swnjcienz, fatyiengz seizdaih cingsaenz, cauhguh vwnzyi cozbinj maenhndei engq lai, daezhawj gunggungh vwnzva fuzvu engq cinj, doiok gij huq vwnzva dijyuz engq miz daegsaek, dajcauh lijyouz hwngfat yezdai yienghmoq.

Hozdung neiyungz lai、hingzsik lai, laeb miz bohlwg guh hozdung、ciet ndwenngoenz gyang doengh gyaeundei daengj banjgvai, gangjok gij cauhmoq、seizhwng、bouxcoz, langhbaij huq lijyouz、huq vwnzcang caeuq gijgwn ndei miz daegsaek, langhbaij gij gyaeundei lajmbanj Gwnhcuz Cin vwnzlij doxhab. Youq hozdung yienhciengz, gak siujsoq minzcuz ciengqgo diuqfoux, yienjok ndwenngoenz moq beksingq Gangjbwz Gih gyaeundei vuenyungz, hawj bouxyawj roxnyinh gij yinxdaeuz daegbied gagmiz minzcuz vwnzva.

Baez hozdung neix lij fatbouh le cwngcwz bienzngeiz vwnzlij Gveigangj Si, neiyungz miz gingjgih、nungz- gyahloz、diemqlaeuj daengj dieg banhfap bienzngeiz. Gveigangj Si gungh miz 11 aen gingjgih doiq hekyouz daengx guek mbangj giz mbouj soucienz roxnaeuz mbawfei ceiq daemq bienzngeiz 2.5 cingz, Gveibingz Si doiok giyez gijgwn dozninz hanhngeg doxhwnj、dieg heiqci lijyouz singgaep、nungzgyahloz seiq singgaep doxhwnj sawjcienz boujdiep cwngcwz, Gangjbwz Gih aeu baenzroix banhfap bienzngeiz hawj doengh aen diemq guh gijgwn caeuq dozninz, Bingznanz Yen doiok yungh mbawfei dij cienz hawj vunz bae diemq dozninz、gwnhaeux yungh, mbawfei gungh miz 25、30、50 maenz mbouj doxdoengz.

(Sinhvazse)