5 nyied 12 hauh, Swcigih Dangj- veij youq Nanzningz hai Aenhoih Naenghdamz Hagsib Gvancez Gij Cingsaenz Gangjvah Youqgaenj Siz Ginbingz Cungjsuhgi Youq Aenhoih Angqhoh Cungguek Gungcanj Cujyi Cinghnenzdonz Laebbaenz 100 Hopbi, haeujlaeg hagsib gij cingsaenz gangj- vah youqgaenj Siz Ginbingz cungj- suhgi, caenh’itbouh gikcoi gyoengq donzyenz bouxcoz daengx gih yaengx sang fangeiz riengz dangj byaij, fatok gij cozyung bingrengzak caeuq doih- doedgung, vih roen moq haenqguh baenaj、seizdaih moq laebgoeng comz rengz hauxseng hungmbwk. Swcigih Dangjveij suhgi、Swcigih Yinzda Cangzveijvei cujyin Liuz Ningz youq gwnz aenhoih gangjvah, giengzdiuh aeu haeujlaeg roxyiuj gij yiyi gien- dingh “song aen dinghlaeb”, giengiet guh daengz “song aen henhoh”, engqgya gaenjndaet doxgiet youq seiqhenz Dangjcunghyangh aeu Siz Ginbingz dungzci guh vaedsim haenx, geiqmaenh vahdaengq Siz Ginbingz cungjsuhgi, netsaed guh ndei hong gungcinghdonz caeuq bouxcoz daengx gih, caenh’itbouh doxgiet daiqlingx gyoengq bouxcoz daengx gih haenqguh baenaj、caenguh mbouj dingz, youq mwh caezhoz comz rengz hwnqguh aen Gvangjsih gyaeundei sevei cujyi miz daegsaek Cungguek seizdaih moq rap hwnj cwzyin seizdaih、ok rengz bouxcoz, aeu hengzdoengh saedsaeh ciepcoux Ngeihcib Daih Dangj hai ndaej baenz. Swcigih Dangjveij fusuhgi、Swcigih cujsiz Lanz Denhliz cujciz aenhoih.

Aenhoih naenghdamz doenggvaq densi denva hai, gak si、yen(si、gih) laeb faenhoihciengz, boux daibyauj bouxcoz nyezrauh maenhndei、boux- guhhong bouxcoz nyezrauh gak cuz gak hangz daengx gih faenbied youq Nanzningz cawjhoihciengz caeuq gak si、yen(si、gih) faenhoihciengz camgya aenhoih. Youq Nanzningz cawjhoih- ciengz, Nanzningz Siveij fucwz dungzci、Gungcinghdonz Gvangjsih Gihveij cujyau fucwz dungzci faenbied gangjvah, Swcigih Cungjgunghvei fucwz dungzci daibyauj ginzdonz cujciz gangjvah, cukhoh daengx gih gak gaep gungcinghdonz cujciz caeuq gyoengq donzyenz bouxcoz. Liujcouh Si Yungzsuij Myauzcuz Swciyen Anh- cuiz yangh Gyanghmwnz Cunh Dangj- cungjcih suhgi、Cunhveijvei cujyin Yangz Ningz, Gvangjsih Liujgungh Gihgai Gujfwn Youjhan Gunghswh Cenzgiuz Yenzfaz Cunghsinh Dangj- cungjcih fusuhgi、saedniemh gisuz cungjgenh Vangz Sui, Gvangjsih Minzcuz Dayoz 2019 gaep hingzcwng gvanjlij conhyez hagseng bonjgo Cwngh Yungjgen, guh boux daibyauj bouxcoz maenhndei daengx gih faenbied guh doxgyau gangjvah. Caezgya gangjvah cungj naeuz vih Siz Ginbingz cungjsuhgi gaem fueng- yiengq daiqlingx roxnyinh miznaj, vih miz gij swhsiengj sevei cujyi miz daegsaek Cungguek seizdaih moq Siz Ginbingz dazyinx roxnyinh gagsaenq, vih seng bungz biengz hoengh、guekgya akgiengz, miz seizgeiz engq lai laebgoeng laebnieb、ciuhvunz okyiengh roxnyinh miznaj, gangjok le gij gietsim giendingh buekguh baenaj、gaengaenj bouxlingxdaeuz fukhwng hungmbwk haenqguh baenaj.

(Vei Hwngz)