Mboengqneix, 《Aen Fueng’anq Swcigih Caengzmienh Dungjcouz Doicaenh Hanghmoeg Hung Buek Daihngeih Bi 2022》（baihlaj genjdanh heuh 《Fueng’anq》) yaenqfat, 315 aen hanghmoeg hung liedhaeuj ndawde, gungh buedcienz 5741.7 ik maenz, bi dajveh buedcienz 230.4 ik maenz. Ndawde, Nanzningz Si 46 aen hangh- moeg ndaej haeuj 《Fueng’anq》, baugvat dajciengx doihduz、gaicawx、nwngzyenz moq、veiswngh saehnieb daengj, gungh buedcienz 746.3 ik maenz.

Bineix, Nanzningz Si hanghmoeg haihong moq 12 aen, ndawde, vei- swngh saehnieb hanghmoeg fueng- mienh siminz haeujrwz haenx, Nanzningz Si Gyanghnanz Gih Fuyou Baujgenyen hanghmoeg, ciemq naj- dieg 26815.20 bingzfanghmij bae- dauq, laeb diegninz 188 aen, dajveh youq bi 2024 ndaej yungh; Nanzningz Si Liengzging Gih Fuyou Baujgen Yihyen hanghmoeg, ciemq najdieg 35300 bingzfanghmij, laeb diegninz 300 aen, miz mwnzcinjbu、cuyenbu daengj, dajveh youq bi 2023 ndaej yungh; Nanzningz Si Liengzging Gih Cunghyih Yihyen hanghmoeg, ciemq najdieg 23200 bingzfanghmij, laeb diegninz 250 aen, dajveh bi 2023 ndaej yungh.

Linghvaih, Aen Cungsim Comz Huq Daegsaek Cungguek—Dungh- mungz（geiz nduj） gviveh hwnqguh Cungguek Guenj、Dunghmungz cib aen guekgya cawjdaezguenj、 soqcih mouyi cunghabguenj daengj doengh gij guenj langhbaij， dajveh youq bi 2022 ndwen 9 mboengq guh Gaiq Daih 19 Dunghbozvei cingqsik yungh.

(Luz Yingz)