5 nyied 6 hauh banhaet, Swcigih Dangjveij Cangzveij、Dungjcanbu bucangj Vangz Sinhfu daengz Swcigih Minzcunghveij guh diuyenz hong hwnqguh aen gih yienghndei cuk- maenh gij eiqsik caezcaemh Cunghvaz Minzcuz、guh ndei hong minzcuz cunghgyau seizdaih moq. Swcigih Dangjveij Dungjcanbu cangzvu fubu- cangj、Swcigih Gyauzban cujyin Linz Vaizyungj buenx diuyenz.

Vangz Sinhfu daengz dieg cazyawj le aen dingh langhbaij saw vah caeuq sawgaeuq siujsoq minzcuz Gvangjsih, yawj le gij langhbaij cingzcik hong minzcuz, ciengzsaeq roxyiuj doigvangq cienzdoh saw vah guekgya doeng’yungh、gohyoz bauj- hoh saw vah gak minzcuz、soucomz cingjleix sawgaeuq minzcuz、baujhoh coih caeuq hwnqguh soqcihvaq、cingzcik hong minzcuz daengx gih daengj cingzgvang.

Riengzlaeng hai aen hoih naenghdamz, Vangz Sinhfu dingq le gij bauqlwnh cingzgvang hong minz- cuz cunghgyau gih raeuz, lij dingq le gij yigen genyi lauxhangz dieg yenzgiu minzcuz lijlun daengx gih, baugvat: Mizgven Gvangjsih hwnqguh aen gih yienghndei cukmaenh gij eiqsik caezcaemh Cunghvaz Minzcuz、hawj minzcuz vwnzva lijyouz hwngfat cangqheiq、gij cingzcik yenzgiu lijlun aen gyaranz cingsaenz caezcaemh gak minzcuz.

Vangz Sinhfu haengjdingh hong Swcigih Minzcunghveij dangqmaz, caemhcaiq daezok “caezcaemh”“dazyinx”“ancienz” sam aen swz youqgaenj. De naeuz, “caezcaemh” dwg aen swz vaedsim、aen swz youqgaenj caeuq aen swz yungh lai guh ndei hong minzcuz cunghgyau, hong minzcuz cunghgyau daengx gih aeu demgiengz gij caezcaemh、gij doxca aeueiq caeuq bauyungz lai roengzrengz, caezcaemh doxgiet baenaj, caezcaemh hwngfat mwn- hoengh. Seizneix sevei swhsiengj vwnzva miz gij byaijyiengq lai yiengh、lai bienq, hong minzcuz cunghgyau “dazyinx” aeu lai roengzrengz, laeb- daeb dazyinx vunzlai gak cuz laeb- maenh guekgya eiqsik、gunghminz eiqsik、fapceih eiqsik, cingqdeng bae roxnyinh guekgya、roxnyinh lizsij、roxnyinh minzcuz、roxnyinh vwnzva、roxnyinh cunghgyau, gietcomz doxrox, yungh gij sing’yaem daeuz yinxlingx gij sing’yaem lai yiengh, dingjmaenh mbouj soeng doidoengh gak minzcuz caezcaemh byaij coh sevei cujyi yendaiva. Doidoengh hong minzcuz cunghgyau seizdaih moq hwngfat youh ndei youh vaiq, “ancienz” aeu lai roengzrengz. Binghraq aeu fuengz- maenh、ginghci aeu onjmaenh、hwngfat aeu ancienz. Aeu guh ndei aen dijhi yawhgingj gamcaek caeuq yawh’anq cawqceq wngqgip nangq- daengz minzcuz cunghgyau yinhsu yizcingz caeuq saeh fwt fat, mbouj- duenh daezsang rengz wngqgip, yungh cingzcik maenhndei ciepcoux Ngeihcib Daih Dangj hai ndaej baenz.

(Vangz Ginhhaij Lij Yenh Liengz Cingz Vangz Yinz)