Mboengqneix， Cunghgung Cunghyangh Bangunghdingh、Goz- vuyen Bangunghdingh fatbouh 《Gij Yigen Mizgven Doinyoengx Hong Sawgaeuq Seizdaih Moq》(baihlaj heuh 《Yigen》), naeuz gij hwngfat fueng- yiengq hong sawgaeuq seizdaih moq guek raeuz, youq gizdieg guh hong oksaw sawgaeuq miz fanyiengj hoenghhwd. Gvangjsih Swhda Cuz- banjse geij ngoenz neix cujciz hai lai ciengz ciendaez hoih naenghdamz, hagsib gvancez gij cingsaenz 《Yigen》.

“2022 nienz, ‘gyagiengz baujhoh leihyungh vwnzvuz sawgaeuq’ baez nduj raiz haeuj cwngfuj gunghcoz baugau. 《Yigen》 fatbouh, neix dwg naeuz hong baujhoh、swnjcienz、hwngfat sawgaeuq miz hwngfat seiz- geiz moq.” Gvangjsih Swhda Cuz- banjse cizdonz dungjswcangj Vangz Senhcangh naeuz, “Gvangjsih Swhda Cuzbanjse yaek ca ndei seizndei hag- sib gvancez gij cingsaenz 《Yigen》, gyagiengz ciengjgouq baujhoh、cingj- leix yenzgiu caeuq oksaw leihyungh sawgaeuq, haeujlaeg doinyoengx cauhguh cienjvaq、 cauhmoq hwng- fat cienzdoengj vwnzva maenhndei Cunghvaz, haenqrengz raiz biencieng moq hong sawgaeuq seizdaih moq, vih cukmaenh gij giek vwnzva maenh- saed fukhwng hungmbwk Cunghvaz Minzcuz lai ok rengz.”

Ciuq cam rox, dangguh aen cwngzyenz danhvei Cungguek Banjhez Gujciz Cuzbanj Gunghcoz Veijyenzvei dandog Gvangjsih, 30 lai bi doxdaeuj, Gvangjsih Swhda Cuzbanjse dingj- maenh gij leixniemh ingjyaenq guh- daeuz、cienzmienh soucomz、habdoh cingjleix, lienzhab Bwzgingh Duz- suhgvanj、Meijgoz Hahfuz Dayoz Hahfuz Yenhgingh Duzsuhgvanj daengj vwnzva gihgou ndawguek rogguek, laebdaeb oksaw 580 lai cungj ca mbouj geijlai 40 fanh cek saw vwnzva sawgaeuq dijbauj, gonqlaeng ndaej 10 lai hangh ciengj oksaw guekgya gaep.

(Lij Gwngj Cinz Nen)