Youq mwh Siz Ginbingz cungj- suhgi cazyawj Gvangjsih ndaej hopbi, 4 nyied 27 hauh, Swcigih Dangjveij youq Namzningz hai Aen Hoih Naenghdamz Siz Ginbingz Cungjsuhgi Cazyawj Gvangjsih Gangjvah Youq- gaenj “4·27” Ndaej Hopbi, guh baij- bouh moq、doicaenh moq、doeksaed moq haeujlaeg hagsib gvancez gij cingsaenz gangjvah youqgaenj Siz Ginbingz cungjsuhgi cazyawj Gvangj- sih caeuq gij iugouz cijsi youqgaenj baenzroix naeuz hong Gvangjsih, roxyiuj gij yiyi naek “song aen laebdingh” laegdaeuq, giengiet guh daengz “song aen henhoh”, gyo- mbaiq haenqguh baenaj, gaenndaet bouxlingxdaeuz fukhwng hungmbwk haenqrengz saedguh, giet sim comz rengz cauhlaeb aen Gvangjsih gyaeu- ndei sevei cujyi miz daegsaek Cung- guek seizdaih moq, yungh hengz- doengh saed angqcoux Ngeihcib Daih Dangj hai ndaej baenz. Swcigih Dangjveij suhgi、Swcigih Yinzda Cangzveijvei cujyin Liuz Ningz cujciz aen hoih caemhcaiq gangjvah. Swcigih Dangjveij fusuhgi、Swcigih cujsiz Lanz Denhliz, Swcigih Cwnghez cujsiz Sunh Daveij daengj camgya hai hoih caemhcaiq gangjvah.

Aen hoih dauqcungz hagsib le gij gangjvah youqgaenj “4·27” Siz Gin- bingz cungjsuhgi cazyawj Gvangjsih, lwnh le gij cingzgvang daengx gih gvancez doeksaed gij cingsaenz gangjvah youqgaenj “4·27” Siz Gin- bingz cungjsuhgi cazyawj Gvangjsih caeuq gij iugouz cijsi youqgaenj baenzroix naeuz hong Gvangjsih. Daihgya cungj naeuz, Siz Ginbingz cungjsuhgi bi’gvaq cazyawj Gvangj- sih, cungfaen yienh’ok de lai yawj- naek dieg minzcuz bien’gyaiq、 dieg- laux gwzming, haeujsim ndiepgyaez beksingq gak cuz Mbanjcuengh, caen- sim maqmuengh Gvangjsih hwngfat. Daihgya cungj naeuz, aeu gaenndaet bouxlingxdaeuz fukhwng hungmbwk haenqrengz saedguh, laebdin gangjvei roengzrengz guhhong、ak ca doeksaed, youq gwnzroen moq vih saedyienh aen moegbiu hungmbwk cauhlaeb aen Gvangjsih gyaeundei ok rengz hung.

Swcigih seiq gya banhswj lingjdauj, swcigih song yen cujyau lingjdauj, gak laeb gih si dangjveij cujyau fucwz dungzci caeuq gihciz、cunghciz mizgven danhvei dangjcuj (dangjveij) cujyau fucwz dungzci, caeuq mbangj boux gihcwngz ganbu ginzcung、giyez daibyauj daengj camgya hai hoih.

(Cinz Yizcwz Vei Hwngz)