Geij bi neix doxdaeuj, Ningzmingz Yen aeu “dingq、naeuz、doeg、sij、ciengq、yienj” roek bouhloh doidoengh hongsaeh cukmaenh gij eiqsik caezcaemh Cunghvaz Minzcuz. Lumjbaenz guh gvangjbo lanzmoeg Bouxcuengh, caenhrengz henhoh、haivat vwnzva minzcuz; laebbaenz gak aen doih lwnhgangj, lwnh gij cwngcwz fapgvi minzcuz cunghgyau, dauqcawq guh hozdung son’gyauq langhbaij minzcuz doxgiet; baengh gak danhvei hwnqguh ranzsaw，haenh bouxguhyiengh minzcuz doxgiet guh ndaej ndei, gangj ndei gij goj henzguek hwnghoengh onjdingh Ningzmingz; gyoebcomz gij fwen gvendaengz gunggeng duetgungz、hoh Dangj laebbaenz 100 hopbi、fuengzre binghraq daengj; biujyienj cezmuz vwnzyi, heuh vunzlai gak minzcuz daengx yienh doxcaez cukmaenh gij eiqsik caezcaemh Cunghvaz Minzcuz, haenqrengz saedyienh aen loqsiengj Cungguek Cunghvaz Minzcuz fukhwng hung- mbwk.(Hij Yinzbingz /许云萍)