Giuh Yizswngh youq laj baengzvaih rag dawz fwngz gou. Gou ndoj fwngz gvaq baihhenz cix mbouj gib, deng Giuh Yizswngh gaem ndaej ndaet- ndwtndwt. Seizneix, gou sawqmwh siengj daengz daxboh gou. Mwh lij iq, gij saeh gou ceiq yiengjsouh couhdwg seizdoeng caeuq daxboh youq henz batfeiz byoq feiz lo. Doeklaeng gig sawqmwh, gou cungj yawj mbouj raen daxboh gou, gou caeuq daxmeh yienq naeuz daxboh dwg mbouj dwg mbouj gyaez raeuz la. Seizhaenx gou ngamqngamq haengjheiq yawj saw, cijmiz gij vunz haengjheiq yawj saw haenx, cij rox baenzneix cam. Gij lwgnyez gizyawz Yejmaj Cin, niemh daxboh seiz cij rox daej aeu.

Mwngz baenzlawz gangj byaij couh byaij deuz ne? Hix mbouj cajcaj gou. De naeuz. Neix dwg doiq Daegvaiz daeglwg de naeuz.

Gou yaek baenzlawz dap vah ne, gou caeuq Giuh Yizswngh doxgek cien gyae fanh gyae. Gou mbouj rox, Daegvaiz danghnaeuz seizneix caen youq dangqnaj Giuh Yizswngh, de yaek baenzlawz caeuq Giuh Yizswngh gangj vah ne.

Gou naeuz, gou mbouj bae gizlawz law, daxboh, gou seizneix mbouj dwg caeuq mwngz caemh byoq feiz ha.

Gou 70 lo, gou lau ciuqgoq mbouj ndaej mwngz. Giuh Yizswngh naeuz, lwgda de sawqmwh yap rongh hwnjdaeuj. Gou yungh fwngz uet lwgda Giuh Yizswngh. Gij fwngz gou mbaeq raemx lo. Laxlawz Giuh Yizswngh daej dwg lau bonjfaenh geq le, ciuqgoq mbouj ndaej Daegvaiz daeglwg de. Gvaengzda gou yaepyet hix fat ndat lo. Gou siengj daengz daxboh gou, daxboh yaek deng gaj seiz dou bae yawj de, song lwgda de haep ndaej gaenjndwtndwt, mbouj caeuq dou gangj saek gawq vah. Seizhaenx daxmeh mbouj dingz mbouj duenh dwk caeuq de gangj vah. Caiq yawjyawj song daeglwg mwngz, daxboh cungj mbouj leixlangh saek di. Seizhaenx gou naemj, daxboh gou caen dwg sim geng lumj diet nei. Yaek dai lo cungj mbouj yawj daeglwg saek da. Gizsaed, lajmbwn daxboh cungj doxlumj, seizneix gou sawqmwh couh roxyiuj daxboh gou lo, daxboh mbouj dwg mbouj gyaez dou, youq ndaw lwgda haep ndaej gaenjndwtndwt de dwg geijlai sij mbouj ndaej ha. Daxboh dwg lau dou yawjraen gij raemxda de ho. Gou baenzneix naemj le, raemxda gou hix lae roengzdaeuj lo.

Gou 70 lo, gou dwg lau ciuqgoq mbouj ndaej mwngz ho. Giuh Yizswngh youh naeuz baez dem. Gij vah de rag gou dauqma lo. Gou naemj, lai bi gaxgonq, Giuh Yizswngh haengjdingh miz haemh ndeu caeuq Daegvaiz baenzneix lwnh goj, haemh- neix gou yaek guh gij saeh haenx, couhdwg roengzrengz dang ndei Daegvaiz daeglwg Giuh Yizswngh.

Daxboh, seizneix gou dwg daeuj ciuqgoq mwngz. Gou naeuz.

Ciuqgoq gou, ciuqgoq gou…… Giuh Yizswngh daej lo. Dwg gou nyoengx mwngz roengz dah bae, dwg gou nyoengx mwngz roengz dah bae. De doq daej doq nam. Gou sikhaek couh vueng lo.

Daxboh, mwngz gaej daej, mwngz gaej daej. De daej ndaej geijlai siengsim ho.

Gou siengj dauqhoiz song bohlwg de lai bi gaxgonq gangj gij vah haenx, yawj hwnjdaeuj dwg mbouj ndaej lo. Seizneix dwg bohlwg dauq doxcomz ho. Ndawsim gou naemj, danghnaeuz gou caen dwg Daegvaiz, gou seizneix wnggai baenzlawz guh ne.

Gou sawqmwh miz aen siengjfap ndeu, Giuh Yizswngh gawqyienz dawz gou dangguh Daegvaiz daeglwg de, gou hixnaengz dangq de baenz Lij Yungjgiengz daxboh gou, gou doq haeujsim dingq de gangj vah, doq sing sang dwk caeuq daxboh gou gangj vah. Haemhneix mbouj dwg doiq bohlwg ndeu dauq doxcomz, dwg song doiq bohlwg doxcomz. Mboujnex gou caen mbouj rox yaek baenzlawz guh cij ndei lo.

Giuh Yizswngh naeuz, Daegvaiz, raq fwn neix naemq lai ho, raemxdah rim mbouj caengz. Mwngz baenzlawz bae baenz nanz cij dauqma.

Gou naeuz, boh ya, daegnuengx youq Yinznanz, de gvaq ndaej ndei raixcaix, daxmeh riengz de bae gizhaenx, ngoenzngoenz gwn raetndoeng, byoem gyaeuj dauq bienq ndaem lo.

Giuh Yizswngh naeuz, Daegvaiz, mwngz mbouj saenq gou ndaej ciuqgoq mwngz, gou dwg ndaej ciuqgoq mwngz bw. Seizneix mbouj ndaej lo, gou 70 lo.

Gou naeuz, daxboh mwngz hix gaej yousim gou, gou lij miz haujlai haujlai cienz, cijaeu miz cienz, gijmaz cungj mbouj lau lo.

Giuh Yizswngh naeuz, gyoengqde, gyoengqde, doiq gou mbouj ndei, gou ngoenzngoenz cungj siengj mwngz ho.

Gou naeuz, daxboh, gaxgonq Yejmaj Cin miz haujlai vunz cungj haemz mwngz, seizneix gyoengqde mbouj haemz lo. Mwngz couh cuengqsim ba.

Giuh Yizswngh naeuz, hix miz boux ndei de, Cangh Genz, Daegginj, Daegliengq, dwg baengzyoux ndei gou, mwngz ndaej saenq gyoengqde.

Gou naeuz, daxboh, gou seizneix youh lai boux daxboh ndeu lo, de dwg Giuh bohgeq, gou daeuj ciuqgoq de, de dawz gou dangguh Daegvaiz daeglwg de lo.

Giuh Yizswngh naeuz, Daegvaiz, Yejmaj Cin mbwn nit lo, mwngz youq ndaw raemx nit mbouj nit ya.

Gou naeuz, daxboh, gou seizneix couh youq ndawranz Giuh Yizswngh, caeuq de caez byoq feiz ne.

Giuh Yizswngh naeuz, Daegvaiz, gij buhvaq mwngz youq ndawloengx gwnzlaeuz, cuengq naed cawhaeu lo(cungj naed canghnauj yw fuengz non ndeu, gyoengq vunz Yejmaj Cin heuh de guh naed cawhaeu), non mbouj haeb law.

Gou naeuz, daxboh, ngoenzneix gou bang Giuh Yizswngh swiq ndang lo, lij cawj haeuxhaeuxyangz hawj de, haeuxhaeuxyangz rang dangqmaz, baez- laeng dwk moh, gou dawz bae caeq mwngz.

Giuh Yizswngh naeuz, Daegvaiz, baezlaeng miz gijmaz saeh, mwngz aeu baengh bonjfaenh lo. Gangj sat gawq vah neix le, Giuh Yizswngh youh iet fwngz okdaeuj lumh baj naj gou.

Gou naeuz, daxboh, de seizneix aeu fwngz daeuj lumh baj naj gou ne.

Giuh Yizswngh naeuz, miz daengngoenz hix aeu baengh bonjfaenh.

Gou naeuz, daxboh, Giuh bohgeq naeuz miz daengngoenz hix aeu baengh bonjfaenh.

Giuh Yizswngh naeuz, fwn doek hix aeu baengh bonjfaenh.

Daxboh, Giuh bohgeq naeuz fwn doek hix aeu baengh bonjfaenh.

Giuh Yizswngh naeuz, gijmaz cungj aeu baengh bonjfaenh.

Gou naeuz, daxboh, Giuh bohgeq naeuz gijmaz cungj aeu baengh bonjfaenh.

Giuh Yizswngh naeuz, dai hix aeu baengh bonjfaenh.

Gou naeuz, daxboh, Giuh bohgeq naeuz dai hix aeu baengh bonjfaenh. Daxboh, mwngz dai gaxgonq vihmaz mbouj yawj gou baez ndeu ne, vih gijmaz ne. Gou sawqmwh couh daej ok sing daeuj, mbouj roxnyinh couh ing haeuj gwnzndang Giuh Yizswngh bae……

他在破布下拉我的手。我的手本能地躲他的手，没有躲开，被他死死握住。这个时候，我突然想起我爸爸。小时候，我最享受的就是冬天的时候跟我爸爸在火盆边烤火了。后来很突然地，我老是见不到我爸爸，我曾经跟我的妈妈抱怨说爸爸是不是不爱我们。那时候我刚喜欢看书，只有喜欢看书的人才会那样问。野马镇其他的孩子，想爸爸时就会哭。

你怎么说走就走呢？也不等等我。他说。这是对他儿子阿牛说的。

我该怎么回答呢，我和他隔着万水千山。我不知道阿牛如果真的出现在他面前该怎么跟他说话。

我说，我没有去哪里啊，爸爸，我现在不是跟你烤火吗。

我70了，我怕我照顾不了你啊。他说，眼睛突然闪亮起来。我用手抹他的眼睛。我的手湿漉漉的。原来他哭是怕自己年岁太高照顾不了他的儿子阿牛。我的眼眶一下子就发热了。我想起我爸被枪毙前我们去看他的情景，他双眼紧闭，一句话都没有跟我们说。当时我妈一个劲地跟他说，再看一看你的两个仔，他毫不理会。当时我想，我爸真是铁石心肠啊。临死前都不看一眼他的儿子。其实天下的父亲都是一样的，我突然就理解了我爸爸，他未必不爱我们，他紧闭的双眼下面肯定有浓重的不舍。他是怕我们看见啊。这么一想，我的眼泪也流下来了。

我70了，我是怕我照顾不了你啊。他又说了一遍。他的话把我拉回来。我想，多年以前他和阿牛肯定有这么一个夜晚这么一场对话，这个夜晚我要做的是努力当好他的儿子阿牛。

爸爸，现在是我来照顾你啊。我说。

照顾我，照顾我……邱一声哭了起来。是我把你推下河，是我把你推下河。他边哭边念叨。我一下子就慌了。

爸爸，你不要哭，你不要哭。他哭得多么伤心啊。

我想还原多年前父子俩之间到底都说了些什么，看来是不可能了。现在是父子重逢啊。我心里想如果我真的是阿牛现在我该怎么办呢。

我突然有一个念头，他既然把我当成他的儿子阿牛，那我干脆就把他当成我的爸爸李永强，我在倾听的同时，大声地跟我爸爸说话。今夜不是一对父子重逢，是两对父子相聚。要不然我真的不知道怎么办才好。

他说，阿牛，这场雨真大呀，河水满了没有。你怎么去这么久才回来。

我说，爸呀，弟弟在云南，他过得很好，妈去那边跟他，天天吃野生菌，头发变黑了。

他说，阿牛，你不相信我能照顾你，我是能照顾你的。现在不行了，我70了。

我说，爸爸你也不要担心我，我还有好多好多钱，只要有钱，什么都不怕。

他说，他们，他们，对我不好，我天天都在想你啊。

我说，爸爸，野马镇以前很多人恨你，现在他们不恨你了。你就放心吧。

他说，也有好的，张权，阿锦，阿亮，是我的好朋友，你可以相信他们。

我说，爸爸，我现在又多了一个爸爸，他是邱老爹，我来照顾他，他把我当成他的儿子阿牛了。

他说，阿牛，野马镇天冷了，你在水里冷不冷啊。

我说，爸爸，我现在就在他家里，跟他一起烤火呢。

他说，阿牛，你的衣服在楼上的箱子里，放了臭珠(一种防虫用的樟脑丸，野马镇的人称之为臭珠)，虫不会咬的。

我说，爸爸，今天我给他洗澡了，还煮了玉米饭，玉米饭很香，下次上坟，我拿去供你。

他说，阿牛，以后有什么事，你要靠自己了。说完这句话，邱一声又拿手来摸我的脸。

我说，爸爸，他现在拿手摸我的脸呢。

他说，有太阳也要靠自己。

我说，爸爸，邱老爹说有太阳也要靠自己。

他说，下雨也要靠自己。

爸爸，邱老爹说下雨也要靠自己。

他说，什么都要靠自己。

我说，爸爸，邱老爹说什么都要靠自己。

他说，死也要靠自己。

我说，爸爸，邱老爹说死也要靠自己。爸爸，你死前为什么不看我一眼啊，为什么。我突然就哭出声来，不知不觉就往邱一声身上靠…… （16）