Mboengqneix, Swcigih Gyauyuz- dingh lwnh vunzlai rox, Gvangjsih yaek guh hong gapdoih bangfuz gyauyuz dieg bien’gyaiq 3 bi, youz Gvangjsih Swhfan Dayoz、Nanzningz Swhfan Dayoz、Gvangjsih Minzcuz Swhfan Yozyen、Bwzswz Yozyen daengj 4 aen hagdangz yiendaeuz. Doenggvaq bang- fuz 6 aen fuengmienh, daengz 2025 nienz, hawj hagdangz dieg bien’gyaiq gyauyuz gyauyoz caetliengh daezswng yienhda, doidoengh dieg bien’gyaiq gyauyuz rox gag hwngfat.

Gvangjsih daj daengx gih senjleh ok 40 aen youwzyenz ndei caeuq 160 aen cungh siuj hagdangz ndei guh- baenz rengz bangfuz, gapdoih bangfuz 40 aen youwzyenz caeuq 160 aen cungh siuj hagdangz dieg bien’gyaiq. Ndawde, Gvangjsih Swhfan Dayoz bangfuz Fangzcwngzgangj Si Fangz- cwngz Gih、Dunghhingh Si caeuq youwzyenz gyauyuz dieg bien’gyaiq, Nanzningz Swhfan Dayoz bangfuz Dasinh Yen、Ningzmingz Yen, Bwzswz Yozyen bangfuz Nazboh Yen、Cingsih Si, Gvangjsih Minzcuz Swhfan Yozyen bangfuz Lungzcouh Yen、Bingzsiengz Si. Doenggvaq dangciengz yawjduenh、cunzdauq ceijyinx、ciendaez gyangj- co、soengq hag roengzmbanj、doxlwnz gangjvei、gaenban hagsib、cizdij bwhgo、gyauyenz caezyiengj daengj bangfuz hingzsik, bang cungh siuj hagdangz(youwzyenz) dieg bien’gyaiq Gvangjsih youq hagdangz guenjleix suijbingz、ndawhag vwnzva hwnqguh、gyauyuz gyauyoz caetliengh、lauxsae gohyenz naengzlig daengj fuengmienh miz daezswng yienhda.

Hong bangfuz cujyau daj baihlaj 6 aen fuengmienh guh: Bang hagdangz gapdoih ra cinj hwngfat dinghvih, leixseuq banhhag lohnaemj, dingh ciengzgeiz hwngfat moegbiu caeuq gviveh; aeu cukmaenh gij eiqsik caezcaemh Cunghvaz Minzcuz guh sienqmeh, giethab minzcuz vwnzva、saekhoengz vwnzva、bien’gvan vwnzva dieg bien’gyaiq, dajcauh ndawhag vwnzva miz daegsaek; ceijyinx hag- dangz gapdoih ciuq gvidingh hai gocwngz caez、hai dangzgoq gaeuq, biensij sawsonhag hagdangz bonj- faenh, hailaeb dangzgoq hagdangz bonjfaenh, hai dangzgoq saenqsik gisuz ndei bae, gyagiengz hwnqguh yozgoh mbangnyieg caeuq funghsaed- niemh、funghgoengnaengz、funghsaw- doz, senjbaij lauxsae bang son caemh- caiq ciepsouh lauxsae hagdangz gapdoih daeuj hagsib caeuq sonlienh; bang hagdangz gapdoih dingh gviveh hwngfat caeuq sonlienh dajveh hwnq- guh aen doih lauxsae, cingjhab son- lienh yozgoh gyauyoz naengzlig, hwnqguh swhdwz swhfungh, cujciz lauxsae maenhndei、lauxsae guzgan bae hagdangz gapdoih guh ceijyinx hingzsik lai yiengh; dinghgeiz guh ciendaez gyangjco caeuq gak loih gyauyuz gyauyenz yenzdauj hozdung, sonyinx lauxsae hagdangz gapdoih lawhmoq gyauyuz gvanhnen, gaijgwz gyauyoz fuengfap, mboujduenh daez- sang gyauyuz gyauyoz caetliengh; ciuq cingzgvang bae guh, yungh banhfap bangfuz guh ndaej daengz, bang hagdangz gapdoih gaijndei banhhag diuzgienh, giensoengq gyauyuz gyau- yoz sezbei gicaiz、saw, guh hozdung gvansim lwgnyez hojndoq bien’gyaiq、ceijyinx gyadingz gyauyuz daengj.

(Hih Cinhaij)