Sinhvazse Baekging 4 nyied 23 hauh dienh Aen Hoih Daengx Biengz Yawjdoeg Gaiq Nduj 23 hauh youq Baekging haimuq. Cunghgung Cunghyangh cungjsuhgi、guekgya cujsiz、 Cunghyangh Ginhveij cujsiz Siz Ginbingz faksaenq cukhoh.

Siz Ginbingz youq ndawsaenq naeuz, yawjdoeg dwg diuzroen youq- gaenj hawj vunz rox saw rox sa、demlai dungxcaiz、gungganq daudwz, ndaej hawj vunz daezsingj swhsiengj, laeb lijsiengj coengzsang, miz heiqcingq. Cunghvaz Minzcuz daj ciuhgeq iuheuh yawjdoeg, swnjcienz gij cing- saenz daih daih doxcienz, cauh gij binjgwz gagsaenq gaggiengz vunz Cungguek.

Siz Ginbingz maqmuengh gyoengq dangjyenz、ganbu daiqdaeuz doegsaw hagsib, lienh ndang ciengx ceiq, demgya dungxcaiz; maqmuengh gyoengq lwgnyez gvenq yawjdoeg, angqyangz yawjdoeg, cangqheiq maj- hung; maqmuengh daengx biengz cungj caeuqfaenh yawjdoeg, guhbaenz gij heiqfaenh noengznwd gyaez doeg- saw、doeg sawndei、ak doegsaw.

Gwnz haimuqsik, Cunghgung Cunghyangh Cwngcigiz veijyenz、Cunghsenhbu bucangj Vangz Gunh- mingz doeg gij saenq Siz Ginbingz caemhcaiq gangjvah. De naeuz, gij saenq Siz Ginbingz cungjsuhgi, cung- faen yienh’ok dangjcunghyangh lai yawjnaek doidoengh daengx biengz yawjdoeg、hwnqguh aen Cungguek homsaw. Aeu nyinhcaen habsib gvan- cez gij cingsaenz cijsi youqgaenj Siz Ginbingz cungjsuhgi, gyagiengz yinx- lingx yawjdoeg, ung funghsang yawj- doeg, cauhlaeb aen dijhi fugsaeh doigvangq yawjdoeg cwgoemq singz mbanj, doidoengh daengx biengz yawjdoeg gyalai cwgoemq、daezswng binjciz、demgya saedyauq, aeu hwnq- guh aen Cungguek homsaw coicaenh hwnqguh aen guek ak vwnzva, vih roen moq haenqguh、seizdaih moq laebgoeng gyahaeuj rengz cingsaenz hung’ak.

Aen Hoih Daengx Biengz Yawj- doeg Gaiq Nduj youz Cunghsenhbu（Guekgya Sinhvwnz Cuzbanjsuj）、Baekging Siveij、Baekging Sicwngfuj ceijyinx, Cunghsenhbu Cuzbanjgiz、Baekging Siveij Senhconzbu cawj- banh, cawjdaez dwg “seizdaih moq yawjdoeg、roen moq haenqguh”, baugvat baenzroix lundanz、langhbaij hawj vunz yawj、fatbouh caeuq cawjdaez hozdung daengj hothoh. Mizgven bouhmonz fucwz dungzci、cuzbanj fathengz danhvei caeuq sevei cujciz daibyauj、lauxhangz yozcej caeuq canghraiz bouxdoeg daibyauj daengj camgya aen hoih.