4 nyied 13 daengz 14 hauh, Swcigih Minzcunghveij fucujyin Veih Yungjhungz daiq doih daengz Sanhgyangh Dungcuz Swciyen gaujcaz gij cienzngaenz hwngfat siujsoq minzcuz yungh ndaej baenzyiengh caeuq gij mbanj miz daegsaek minzcuz guh ndaej baenzyiengh. Gyoengqde gonqlaeng bae daengz Linzhih Cin Mbanjbingzyenz caeuq Duzdung Cin Mbanjgauhding gaujcaz, cienzmienh diucaz le giz dieg sawq aeu gij mbanj miz daegsaek minzcuz caeuq lajmbanj lijyouz doxyungz hwngfat guh ndaej baenzyiengh, ndaej mbouj ndaej guh hung doigvangq, lij miz gijmaz vwndiz, baezlaeng yawjnaek dajcauh gizlawz daengj. Diuyenzcuj haenh aen yienh neix aeu gij cienzngaenz hwngfat siujsoq minzcuz guh ndei dou mbanj、coih aen heiqdaiz laeuzgyong daengj guh ndaej deng, caiq vixok aen yienh neix aeu hwngfat “swnghdai + lijyouz”daengj canjnieb miz daegsaek, doidoengh vwnzva caeuq lijyouz haeujlaeg doxyungz hwngfat, henhoh ndei gij ranz miz daegsaek, dazyinx beixnuengx gak minzcuz demsou baenzmiz, coicaenh gak minzcuz dox baedauq doxgyau doxyungz, cukmaenh gij eiqsik caezcaemh Cunghvaz Minzcuz.

（Sung Gunhyuz Yangz Nizcen /宋昆儒 杨妮倩）