Gou han naeuz dwg ha, neix aiq dwg Yejmaj Cin baez daih’it miz cungj saeh neix ba, deng gou bungz daengz lo.

Mwngz haeujsim dihe, gaej ok gijmaz saeh. Daegnuengx gou doeklaeng naeuz.

Mwngz hix siujsim dihe, gaej ok gijmaz saeh. Gou naeuz. Gou couhcinj ok gijmaz saeh cungj dwg saeh’iq, daegnuengx gou ok gijmaz saeh, cungj aiq dwg saehhung.

Gou rox lo, gou mbouj lumj daxboh baenzneix law. De naeuz.

Caeuq daegnuengx gou doeng dienhvah le, ndawsim gou caemdingh haujlai, caeuq daegnuengx naeuz Giuh Yizswngh dang gou baenz Daegvaiz daeglwg de le, ciuqgoq Giuh Yizswngh couh bienqbaenz gienh saeh wngqcingz vunz le itdingh aeu banh ndei ndeu. Cungj roxnyinh neix geizheih raixcaix. Lumjnaeuz dwg vihliux daegnuengx gou, gou itdingh aeu guh ndei gienh saeh neix nei. Gizsaed daegnuengx gou caeuq gienh saeh neix mbouj miz saek di gvanhaeh. De youq Yinznanz, caemhcaiq guengz raixcaix.

Gou dauqma daengz henz daizhaeux, aeu diuz sujbaq ndeu bang Giuh Yizswngh uet bak.

Giuh Yizswngh naeuz, goenj raemx. Gou ngeizvaeg yaepyet, goenj raemx?

Cangh Genz naeuz, de siengj swiq ndang lo, de bang mwngz baenj haeuxngeuq, mwngz bang de swiq ndang, doenghbaez song bohlwg de ciengzseiz baenzneix guh. Gou dauqngeix lij iq seiz, youq henzdah yawjraen gij cingzgingj Giuh Yizswngh caeuq Daegvaiz doxbang cat ndang, Giuh Yizswngh youh dauqma daengz gaxgonq dahraix lo.

Mbwn baenz nit, ndaej swiq ndang ha? Gou naeuz.

De baenzlawz naeuz mwngz couh baenzlawz guh ba, mboujnex de couh nauh mbouj dingz. Cangh Genz naeuz.

Gou youq gwnzcauq gaq aen gudiet goenj raemx. Gij raemx ndawgu ndat le, gou dawz sojmiz dou ndawranz cungj gven ndaet bae, lij youq henz diencingj caux dong feizdanq ndeu, yienghneix, hawj Giuh Yizswngh swiq ndang seiz, de couh mbouj roxnyinh nit lo.

Fou gyaeuj gonq, geu buh nanwtnwt lij daenj youq gwnzndang, Giuh Yizswngh naengh youq gwnz daengqgeg ngaem gyaeuj dwk, gou sawq raemx ndat caep ngamq hab. Rwed raemx hwnj gwnzgyaeuj de bae, youq gwnzfwngz gou sien cat genjrang, menhmenh cat aen gyaeuj de. Aen gyaeuj Giuh Yizswngh ngauzyebyeb, yienghceij gig cwxcaih. Swiq gyaeuj ndei le, cat hawq, vaiqvid daenj mauh hawj de.

Gou bang Giuh Yizswngh geu riengz geu duet buhvaq. De daengx ndang naeng nyaeuqnyapnyap, deng fwiraemx duk dawz, gij fwngz gou youq gwnzde cu bae cu dauq, couh lumj cu gij nywjgyo deng mbaeq raemx nei, ndawranz fwi heiqndat gienj- foenfoen, gou doq cu Giuh Yizswngh doq naeuz ndei. Gou dwg baez daih’it bang vunz swiq ndang, gaxgonq raen vunz bang lwgnyez swiq ndang, gou yousim raixcaix, saeklaeuq deng raemx haeuj ndaeng ne, yaek baenzlawz guh ha.

Daenj buhvaq seuq hawj Giuh Yizswngh le, gij nditndat banringzgvaq ndonj gvaq diencingj, saj youq gwnzndang de. Gij nditndat raeujrubrub seizdoeng neix, danghnaeuz dwg cuengq youq ndaw sawcuenh, couh dwg yawhbauq yaek miz vunz youqgaenj okciengz lo. Laj nditndat Giuh Yizswngh daengx naj hoengzfetfet, couh lumj boux cawjbang daengx ndang rox goengfou nei.

Cangh Genz naeuz, ngoenzneix de cwxcaih raixcaix lo.

Gou daekeiq raixcaix, roxnyinh youq ciuqgoq Giuh Yizswngh fuengmienh, bonjfaenh beij gyoengqvunz Yejmaj Cin haenx cungj lij guh ndaej lai.

Cungjsuenq anbaiz ndei Giuh Yizswngh lo, Cangh Genz cuengqsim byaij baema. Yaek okdou seiz, Cangh Genz naeuz, song bohlwg sou biek nanz dauq doxraen, ndeindei doxcomz ba, gou bae guhhong gonq. Cangh Genz youh dandog doiq gou naeuz, geiqmaenh nw, mwngz seizneix dwg Daegvaiz bw.

Daegvaiz couh Daegvaiz ba. Daegvaiz. Giuh Yizswngh heuh sing ndeu. Gou dapwngq sing ndeu.

Mwngz mbouj rox deuz ba. Giuh Yizswngh naeuz.

Mbouj deuz law, neix dwg ranz gou. Gou dwg Daegvaiz.

Gou 70 bi lo. Daegvaiz. De naeuz.

Giuh Yizswngh lij dingzyouq gij ndwenngoenz Daegvaiz dai bae haenx. Ndawuk gou vaiqvid cimhra doenghgij saeh Daegvaiz haenx: Daegvaiz fwngz gaem haeuxngeuq youq gwnzgai byaij bae byaij dauq, de youq henzdah bang daxboh cat ndang, miz di mwnh he, bouxlawz aeu de daeuj loengh riu, de cungj mbouj rox hujheiq. Gou siengj hag Daegvaiz, cix fatyienh bonjfaenh caen mbouj rox doenghgij saeh Daegvaiz geijlai.

Daeng, diemj daeng. Giuh Yizswngh naeuz.

Diemj daeng. Aen daeng mbouj dwg cingq ronghsagsag ha. Aen daengdiuz fatok gij rongh youh hau youh caepcatcat, ciuq rongh song boux vunz godog neix. Dwg ha, godog, youq ndawranz Giuh Yizswngh, gou sawqmwh roxnyinh godog raixcaix, dwg gaxgonq coengzlaiz mboujcaengz miz gvaq. Mboujdan dwg godog, gou lij roxnyinh dwglau, aenvih mboujguenj baenzlawz yiengh, gou seizneix dwg aeu gij ndangfaenh bouxdai haenx lix dwk.

Rumznit daj gwnz diencingj bongj roengzdaeuj, gizgyae miz sing ma raeuq, doenghbaez gou cungj mbouj leixlangh gij sing rumz bongj caeuq sing ma raeuq, hoeng haemh neix, gou roxnyinh doenghgij sing neix coeg rwz raixcaix.

Daeng, diemj daeng. Giuh Yizswngh youh naeuz.

Mwngz yawj ndaej raen gou lwi? Daeng ronghsagsag. Bohgeq.

Mwngz naeuz gijmaz?

O, daxboh. Aen daeng mbouj dwg ronghsagsag ha. Gou naeuz. Gou yienznaeuz dwg heuh Giuh Yizswngh guh daxboh, hoeng gou roxnyinh caeuq de doxliz ndaej lumj cien bya fanh raemx nei.

Giuh Yizswngh gaem dawz diuz faexdwngx henzndang, vix coh saenzdaiz. Moix ranz Yejmaj Cin cungj miz aen saenzdaiz ndeu, daengz ciet cungj siu yieng hawj cojcoeng. O, laxlawz Giuh Yizswngh dwg heuh gou diemj daeng’youz.

Gou byaij daengz henz saenzdaiz dawz hwnj aen daeng’youz, diq feiz diemj dawz.

Gven, gven. Giuh Yizswngh vix aen daengdiuz.

Bada. Gou gven bae daengdiuz, gyanghaemh ndawranz Giuh Yizswngh deng gij ronghduemh daeng’youz cengqhai, sikhaek, aen ranz geizheih ndeu, youq miz song boux vunz geizheih.

Gou roxyiuj de vihmaz baenzneix guh lo, daeng’youz haengjdingh youh dwg gij moegngeg youqgaenj doenghbaez Giuh Yizswngh dauq ra ndaej ndeu, aen seizdaih daeng’youz gaenq gvaqbae haujlai nanz lo, aiq dwg Giuh Yizswngh nyinhnaeuz gij rongh neix cij hab de caeuq Daegvaiz doxcomz ba.

Caen dahraix, Giuh Yizswngh naeuz, Daegvaiz, gou youh yawjraen mwngz lo. Daeuj, mwngz gvaq- daeuj.

Gou byaij gvaqbae.

Byoq feiz, byoq feiz.

Gou rag batfeiz daengz henzndang Giuh Yizswngh bae, aeu loengzcuk goemq dawz batfeiz, gwnz loengzcuk goemq mbaw baengzvaih ndeu, youh goemq youq laj buenq ndang dou, sojmiz gij fwi heiqndat cungj deuz mbouj ndaej, aen ndang dou ndatfubfub.

我说是，这大概是野马镇第一回有这样的事吧，让我赶上了。

你悠着点，不要出什么事。我弟最后说。

你也小心点，不要出什么事。我说。我再出什么事都是小事，我弟出什么事，都会是大事。

知道了，我不会像爸那样的。他说。

跟我弟通了一个电话之后，我的心情平静了很多，跟他说邱一声把我当成他儿子阿牛之后，照顾邱一声就成了一件已经跟人许诺后必须要做好的事情。这种感觉非常奇怪。好像是为了我弟弟，我必须做好这件事情一样。其实我弟跟这事一点关系都没有。他在云南，还非常疯狂。

我回到饭桌边，拿一条毛巾给邱一声擦嘴。

他说，烧水。我一怔，烧水?

张权说，他想洗澡，他给你捏饭团，你帮他洗澡，以前他们两父子经常这样干。我想起小时候在河边看见邱一声和阿牛互相搓背的情景，邱一声真的又回到了从前。

天那么冷，行吗？我说。

他怎么说你就怎么做，不然他会闹。张权回答。

我往灶台上架上烧水的锅。水烧热后，把家中所有的门都关严了，还在天井旁边燃了一堆炭火，这样，给邱一声洗澡时，他不会觉得冷。

先洗头，厚厚的衣服仍然穿在身上，邱一声坐在小凳子上低着头，我试了试水温，刚合适。往他头上淋水，在手上抹香皂，轻轻搓他的头。他的头轻轻晃动，服服帖帖。洗好头，擦干，赶紧给他套上帽子。

我一件件帮他脱衣裤。满身皱纹，被水蒸气包裹，我的手在上面搓，像搓湿了的干草，家里热气腾腾，我一面搓，他一面说好。我这是第一次给人洗澡，以前看见有人给婴儿洗澡，我很担心，万一被水噎着了怎么办。

给邱一声穿上干净的衣服，午后的太阳光穿过天井，打在他身上。这冬天的暖阳，如果放到章回小说里，预示着重要人物将要出场。阳光下的邱一声满面红光，像身怀绝技的帮主。

张权说，他今天很舒服嘛。

我很得意，感觉在照顾邱一声方面，自己比野马镇的人做的都要多。

算是安顿下来，张权放心地离开。临走时他说，你们父子两人久别重逢，好好聚一聚，我干活去了。又单独对我说，记住，你现在是阿牛。

阿牛就阿牛吧。阿牛。邱一声喊。我应了一声。

你不会走吧。他说。

不走，这里是我家。我是阿牛。

我70了，阿牛。他说。

邱一声还停留在阿牛死去的岁月。我在脑中飞快地搜索有关阿牛的点点滴滴：他拿着饭团在大街上走,他在河边帮他爸爸搓背，有点痴呆，谁拿他开心他都不生气。我试图跟阿牛对上暗号，发现自己对阿牛知之甚少。

灯，点灯。邱一声说。

点灯。灯不是亮着吗。荧光灯发着惨白的光，照着两个孤单的人。是的，孤单，在邱一声家，我突然感到前所未有的孤单。不只是孤单，我还感到害怕，因为不管怎么样，我现在是以一个死人的身份活着。

冷风从天井上刮下来，远处有狗在叫，风声和狗叫声以前我是不理会的，但是这个夜晚，我觉得这些声音非常的刺耳。

灯，点灯。邱一声又说。

你看不见我吗？灯那么亮。老爹。

你说什么？

哦，爸爸。灯不是亮着吗。我说。我虽然叫他爸爸，但是我感觉我跟他隔着万水千山。

他拿起身边的拐棍，朝神台指。野马镇的每一户人家都有一个神台，逢年过节烧香给祖宗。哦，原来他叫我点煤油灯。

我走到神台拿过煤油灯，划上火柴点上。

关，关。他指着荧光灯。

啪嗒。我关掉荧光灯，邱一声家的夜晚被煤油灯微弱的光撑开，顿时，一所古怪的房子，住着两个古怪的人。

我知道他为什么这样做了，煤油灯肯定是他找回以前的又一个重要道具，煤油灯时代已经过去很久了，大概邱一声认为这样的光亮才适合与儿子阿牛重逢吧。

果然，他说，阿牛，我又看见你了。来，你来。

我走过去。

烤火，烤火。

我把火盆拉到他身边，一个竹笼罩住火盆，一张破布罩在竹笼上，罩着我们的半身，所有的热气都跑不掉了，我们的身体热气腾腾。 （15）