4 nyied 15 hauh, aen yizsiz hainduj“Angqcoux Ngeihcib Daih Dangj·Seizdaih Moq Duh Raeuz” Gaiq Daihseiq “Sam Nyied Sam” Sibinz Dinj Gwnzmuengx Doxdax youq Namzningz banh, baez doxdax neix ok ngaenzcienz hawj cozbinj maenhndei lai daengz 50 fanh maenz, dwg banh doxdax daeuj gaiq ceiq lai. Daengz- seiz, daxdax yaek bingzok cozbinj daegdaengj 5 aen、cozbinj itdaengj 10 aen、cozbinj ngeihdaengj 21 aen、cozbinj samdaengj 30 aen、cozbinj maenhndei 45 aen、danhvei iucomz maenhndei 20 aen.

“Angqcoux Ngeihcib Daih Dangj·Seizdaih Moq Duh Raeuz” Gaiq Daihseiq “Sam Nyied Sam” Sibinz Dinj Gwnzmuengx Doxdax youz Guek- gya Gvangjbo Densi Cungjgiz Vangjloz Sidingh Cezmuz Gvanjlijswh vixyinx, danhvei haeujcoengh dwg Gvangjsih Bouxcuengh Swcigih Dangjveij Senh- conzbu, Gvangjsih、Neimungzguj、Sihcang、Ningzya、Sinhgyangh haj aen swcigih gvangjbo densigiz caeuq Gvangjsih Bouxcuengh Swcigih Dangjveij Vangjsinban，Gvangjsih Bouxcuengh Swcigih Minzcunghveij、Sanghvudingh、Vwnzva Caeuq Lijyouz Dingh、Yanghcunh Cinhingh Giz daengj danhvei caezcaemh banh, aen cawjdaez dwg “angqcoux Ngeihcib Daih Dangj·seizdaih moq duh raeuz”, ca dawz ngoenzciet minzcuz cienz- doengj “sam nyied sam Bouxcuengh”, hopheux “minzcuz doxgiet cib bi neix、Cungguek gyaeundei cib bi neix、lajmbanj saenqhwng fukveh moq、cingzngeih Dunghmungz cib bi neix” seiq aen banjgvai, haenqrengz danq- haenh gwnz roen moq seizdaih moq dangj doxgiet daiqlingx beksingq aeundaej cingzcik ronghsag, cungfaen langhbaij gij cingzcik fungfouq ndaw hwnqguh sevei cujyi miz Cungguek daegsaek seizdaih moq.

Ciuq cam rox, “sam nyied sam” sibinz dinj gwnzmuengx doxdax daj 2019 nienz hainduj bi banh gaiq ndeu, seizneix gaenq banh gvaq sam gaiq, bineix dwg gaiq daihseiq. Daj gaiq daihsam hainduj, daxdax gveihgwz gveihmoz cugyamq daezswng, menh- menh baenz gij hozdung binjbaiz swngj（swcigih） hamj gizdieg doxgap, doi- doengh cauhmoq cauhndei cezmuz yawj dingq gwnzmuengx rengzrwd, hawj cezmuz yawj dingq gwnzmuengx bienq lai.(Coz Yiz)