4 nyied 14 hauh, aen yizsiz hainduj angqhoh Yanghgangj gvidauq guekcoj 25 hopbi “sam nyied sam Bouxcuengh” byaij haeuj Gangj Au baenzroix hozdung, youq Gvangjsih caeuq Yanghgangj song dieg doeng- gvaq sibinz doxlienz banh baenz. Daengx guek Cwnghez fucujsiz Liengz Cinyingh、Yanghgangj Daegbied Hingzcwnggih hingzcwng cangjgvanh Linzcwng Yezngoz guh bouxhek hozdung, doenggvaq lienz sibinz vih hozdung gangjvah; Swcigih Dangjveij Cangzveij、Dungjcanbu bucangj Nungz Swnghvwnz camgya aen cawjhoih- ciengz Gvangjsih caemhcaiq gangjvah.

Liengz Cinyingh youq ndaw sibinz gangjvah naeuz, vwnzva Gvangjsih daegbied dwg vwnzva Bouxcuengh dij ndaej youq Yangh- gangj doigvangq dangqmaz, dij ndaej baengzyoux gak hangz Yanghgangj daegbied dwg bouxcoz nyezrauh lai roxnaj, Gvangjsih Yanghgangj song dieg daj vwnzva hainduj, ndaej doxgap gya’gvangq daengz gijwnq. Liengz Cinyingh maqmuengh binghraq sinhgvanh feiyenz gatsat le, miz engqlai siminz Yanghgangj ndaej daengz Gvangjsih youzcet yawjngonz, daejniemh gij vwnzva minzcuz lai yiengj, caezcaemh doidoengh Yangh- gangj caeuq Gvangjsih doxgap caeuq doxgyau dohdaengz.

Linzcwng Yezngoz youq ndaw sibinz gangjvah naeuz, baez hozdung neix ndaej hawj siminz daengx Yanghgangj roxnaj “sam nyied sam Bouxcuengh” yiengh feihvuzciz vwnz- va yizcanj guekgya gaep neix. Linz- cwng Yezngoz gyo’mbaiq Gvangj- sih Bouxcuengh Swcigih Dangjveij、Cwngfuj giensoengq doxgaiq hoenx binghraq hawj Yanghgangj、bangrengz Yanghgangj hoenx binghraq. De naeuz, baez hozdung neix cawz gyalai roxnaj vwnzva Gvangjsih, hix ndaej gietcomz naengzliengh ndei, vih Yanghgangj caenqheiq.

Nungz Swnghvwnz naeuz, banh “sam nyied sam Bouxcuengh” byaij haeuj Gangj Au baenzroix hozdung, muzdiz dwg hawj “sam nyied sam Bouxcuengh” byaij haeuj Gangj Au, langhbaij gij vwnzva minzcuz rongh- sien lai yiengh Gvangjsih, angqhoh Yanghgangj gvidauq guekcoj 25 hopbi. De maqmuengh, doenggvaq baez hozdung neix, cienz vwnzva minzcuz, gangj ndei gojgaeq Gvangj- sih, hawj Gvangjsih Yanghgangj doxgap hwngfat coh dieg engq gvangq、caengz engq sang bae.

Ciuq cam rox, Gvangjsih baez nduj banh “sam nyied sam Boux- cuengh” byaij haeuj Gangj Au baenz- roix hozdung, baugvat yawj vwnzva minzcuz Gvangjsih、langhbaij vwnzva minzcuz Bouxcuengh、“Yanghgangj yaenqsiengq·Gvangjsih gyaeundei” ingjsiengq doxdax, caeuq gij gingj- gyaeu Gvangjsih haeuj segih、haeuj deihdiet Yanghgangj daengj neiyungz. Hozdung ndaej Guekgya Vwnzva Caeuq Lijyouz Bu haeujcoengh, caemhcaiq gvihaeuj gij gvaengxlaengx hozdung angqhoh gvidauq Yanghgangj Dwzgih Cwngfuj, dwg ciengz hozdung nduj angqhoh Yanghgangj gvidauq guekcoj 25 hopbi youz diegndaw caeuq Yanghgangj caezcaemh banh.

(Liuz Li)