Daegvaiz, Giuh Yizswngh naeuz.

Ai, gou han sing ndeu. Giuh Yizswngh seizneix cij daemh dwngx ngauznged byaij daengz henz aen daengq de, dinghswd naengh roengzdaeuj.

Gou rag hai aendou binghsiengh, ndawde bit gaeq noh bya rim raixcaix, gou cam, mwngz siengj gwn gijmaz? Daegvaiz cawj hawj mwngz.

Giuh Yizswngh naeuz, haeux haeuxyangz.

Haeuxyangz? Gou cam haeux haeuxyangz baenzlawz cawj? Ranz gou coengzlaiz caengz gwn gvaq haeux haeuxyangz, ndigah gou mbouj rox baenzlawz cawj.

Cangh Genz naeuz, gou son mwngz cawj, mwngz vaiq di bae caux feiz. Cangh Genz youq ndaw doxgaiq gaeuq haenx aeu aen gudiet ndeu okdaeuj, dawz daengz ndaw diencingj laj suijlungzdouz bae cat swiq. Caj gou caux feiz ndaej le, gudiet couh onjonj dangqdangq gaq youq gwnz cauq lo.

Feizdawz vuengh raixcaix, gij raemx ndaw gudiet yaepyet couh goenj lo. Cangh Genz song fwngz bungj gij mbahaeuxyangz saj roengzbae, gou gaem mbaenqfaex ndeu guh diuz faexndau mbouj dingz dwk ndau bae ndau dauq, mbahaeuxyangz yied saj yied lai, gij souh ndaw gudiet yied daeuj yied gwd, doeklaeng gwd dwk ndau mbouj doengh lo. Cangh Genz daj ndaw fwngz gou ciep gvaq mboenqfaex ndau, gwnz laj fandoengh, raq heiq rangdiemz ndeu couh ci haeuj ndaw ndaeng daeuj. Cangh Genz goeb fagu hwnjdaeuj, daj ndaw cauq yot ok song diuz liu, feiz bienq duemh lo, gij heiqfw ndaw gudiet biu hwnjdaeuj haenx yied daeuj yied rang. Neix couh dwg haeux haeuxyangz lo.

Cangh Genz naeuz, doengh bihaenx, haeux haeuxyangz dwg gij doxgaiq haujlai nanz cij gwn ndaej hwnj haenx, daengx bi cij gwn ndaej geij donq. Danghnaeuz Giuh Yizswngh mbouj dangq mwngz guh Daegvaiz, de mbouj rox heuh cawj haeux haeuxyangz bw.

Laxlawz dwg yienghneix, Giuh Yizswngh caen dawz gou dangguh Daegvaiz lo, de dawz ngoenzneix dangbaenz ngoenz youqgaenj daeuj dakdaih. Doiq gou daeuj gangj, haeux haeuxyangz dwg gijgwn singjsien ndeu, hoeng doiq Daegvaiz gaenq dai bae haenx daeuj gangj, caen dwg gijfeih lajmbwn nanz miz ndeu.

Cawj haeux ndaej le, gou daek vanj ndeu hawj Giuh Yizswngh, youh daek vanj ndeu hawj Cangh Genz, bonjfaenh gou hix daek vanj ndeu. Dauqma daengz henzdaiz seiz, yawjraen Giuh Yizswngh yungh song fwngz gaem gij haeux haeuxyangz ndaw vanj, baenj baenz ngeuq haeux ndeu, gou cingq roxnyinh geizheih seiz, Giuh Yizswngh couh ndenq ngeuq haeux haeuxyangz hawj gou. Gwn ba. Giuh Yizswngh naeuz.

Gou mbouj ciep aeu. Gwn ba, Daegvaiz. Giuh Yizswngh youh dauqcungz naeuz gawq ndeu.

Gou ciep gvaqdaeuj le, henx gaemz iq ndeu, youh cuengq roengz ndawvanj bae. Ndawbak naeuz, ndei gwn ndei gwn, ndawsim gou bonjnaengz couh doiqdingj ngeuq haeux haeuxyangz faj fwngz Giuh Yizswngh ndenq gvaqdaeuj haenx, aenvih gwnzde miz gij gyap duzgvi.

Giuh Yizswngh mbouj haengj, youh gip ngeuq haeux haeuxyangz hwnjdaeuj ndenq hawj gou. Cangh Genz naeuz, gwn ba, mwngz mbouj gwn, de couh mbouj gwn lo. Cangh Genz couh sing daemq doiq gou naeuz, gaxgonq Daegvaiz couh dwg baenzneix henx gwn lo, lij dawz bae gwnz gai dauqcawq angj hawj vunz yawj ne. Giuh Yizswngh caen dwg cienzbouh dawz gou dangguh Daegvaiz lo. Hoeng gou cungj lij dawz de dangguh Giuh Yizswngh.

Gou nyaeuq naeng gyaeuj henx gwn ngeuq haeuxyangz haenx liux. Gwnznaj Giuh Yizswngh cij loh’ok riunyumnyum gig muenxeiq. Gou dawz vanj haeux haeuxyangz haenx nyoengx daengz dangqnaj Giuh Yizswngh, de youh dawz hwnjdaeuj baenj baenz ndaek, youh ndenq hawj gou baez ndeu. Gou bekbek aen dungx bonjfaenh, naeuz, gou gwn imq lo, mwngz gwn ba, Giuh Yizswngh cij mbit di haeux he cuengq haeuj ndawbak bonjfaenh bae, youh mbit di he cuengq haeuj congh bak bae, lumj duzlingz geq nei, youq duzlingz iq gwn imq le, cij cuengqsim gwn haeux. Gou fwt siengj daengz daxboh gou, youq ndaw ndaejgeiq gou, daxboh yienznaeuz mboujguenj daeglwg de geijlai, hoeng daxboh buekmingh ra cienz, hawj daeglwg bonjfaenh mbouj you gwn mbouj you daenj. De hix dwg duzlingz geq ndeu. Daegnuengx gou seizneix lumj daxboh. Neix dwg gijmingh gyoengqde. Gou sawqmwh yousim daegnuengx gou, siengj gienq daegnuengx gaej guengz lai, gou gag doiq haeuj lingh mbiengj bae dwk dienhvah hawj de. Daegnuengx gou cingq ndaq vunzbangfwngz de, de doq ndaq vunzbangfwngz de, doq caeuq gou doeng dienhvah.

Sou siengj aeu diuz mingh gou dwg mbouj dwg! Neix dwg doiq vunzbangfwngz gangj.

Mwngz baenzlawz yiengh, baenzlawz siengj daengz dwk dienhvah hawj gou? Neix dwg caeuq gou gangj.

Ndaw sam ngoenz neix, itdingh aeu ciu vunz daeuj caez bae, mbouj miz vunz, raeuz sojmiz saeh cungj dwg guh hoengq! Neix dwg daegnuengx doiq gyoengqde gangj. Aiq dwg aen cingjgvangq moq de ciu mbouj ndaej vunz ba, cingq caeuq gyoengqde fatheiq ne.

Nyaengq gvaq duenh neix le, gou couh daiq daxmeh bae Ouhcouh youz, mwngz hix caez bae. De caeuq gou naeuz.

Aeu cienz bomz! Moix boux vunz sien fat fanh maenz ndeu, cunz youq ndaw gajyinzhangz, maed- max youz gyoengqde gag laeb, mbawgaj caeuq sinhfwncwng gyoengqde sou guenj ndei dwk, guh ndaej song ndwen le, sinhfwncwng caeuq gaj couh fat hawj gyoengqde.

Daegnuengx gou hix mbouj yungzheih, seizneix vat cingjgvangq, beij daxboh gou seizhaenx hoj lai lo. Gou mboujguenj doenghgij neix, gou naeuz, nuengx, gou seizneix youq ndaw ranz Giuh Yizswngh.

Cungj dingqnyi lwi? Danghnaeuz gij diuzgienh neix cungj lij ciu mbouj ndaej vunz, sou couh dwg mou! Mwngz youq ndaw ranz Giuh Yizswngh guh gijmaz? De naeuz.

Ciuqgoq de cib ngoenz, gaxgonq cungj dwg hawj ngaenz heuh vunz bang ciuqgoq, seizneix gag daeuj ciuqgoq Giuh Yizswngh. Gou naeuz.

Raeuz daj Yejmaj Cin daeuj daengz gizneix, moix boux vunz cungj bok caengz naeng ndeu lo, gvan neix ndaej gvaqbae le, couh miz haeux gwn! Gvan neix gvaq mbouj ndaej, cungj dai caez. Daeg- nuengx naeuz.

Mwngz baenzlawz siengj daengz guh gij saeh neix, hixnaengz gvaqdaeuj bang gou ciuqgoq daxmeh ba, mizseiz daxmeh gangj daengz mwngz caeuq daxboh, de couh lae raemxda. De naeuz.

Hix dwg youqndwi mbouj miz saeh guh, gou couh dwg siengj youq gizneix, naeuz mwngz nyi gienh saeh ndeiriu ndeu. Giuh Yizswngh dangq gou guh Daegvaiz daeglwg de. Daegvaiz dai bae ngeihcib bi haenx. Gou naeuz.

Cinz Yau、Laujmaj、Laujcangh、Giminz, moix boux vunz ra ngeihcib boux vunz, mboujguenj dwg vunz guh gijmaz, caencik baengzyoux, couhcinj dwg gaujvaq, hix aeu youq ndaw sam ngoenz neix rag gvaqdaeuj, gizyawz vunz moix vunz fucwz cib boux, gou it bak fanh maenz cienzhong cungj bwh ndei lo, seizneix couh bae ra goengdaeuz lingx cienz. De naeuz.

De dwg laux moengzloengz lo, de dwg siengj lwg lo, mwngz dwg caeuq de guhcaemz guh’angq hane. De naeuz. Aiq dwg vunzbangfwngz de cungj bae ra goengdaeuz aeu ngaenz lo, daegnuengx ndaej hoengq caeuq gou gangjvah lo, seizneix daegnuengx dauqfanj mbouj siengj caeuq gou gangjvah lo. Mwngz dwk dienhvah hawj gou couh dwg yaek naeuz gou nyi, Giuh Yizswngh dangq mwngz guh daeglwg de la?

阿牛，他说。

哎，我应了一声。邱一声这才拄着拐棍摇向自己的座椅，安然坐下。

我拉开冰箱的门，里面满满的鸡鸭鱼肉，我说，您想吃什么？阿牛给您做。

他说，玉米饭。

玉米饭？我说玉米饭怎么做？我们家从来没吃过玉米饭，所以我不知道怎么做。

张权说，我来教你做，你赶紧烧火。张权在一堆旧东西里扒拉出一口铁锅，拿到天井的水龙头下面刷。等我把火生好，铁锅也稳稳当当地架在火灶上面。

火很旺，铁锅里的水很快就开了。张权两手捧着玉米粉往里洒，我拿着竹子做成的搅粥棒不停地搅，玉米粉越放越多，锅里的粥由稀变稠，最后稠得根本搅不动。张权从我手里拿过搅粥棒，上下翻动，一股香甜的味道扑鼻而来。张权盖上锅盖，从火灶里取出两根燃烧的柴火，火变小了,锅里漫出的水汽越来越香。这就是玉米饭。

张权说，当年，玉米饭可是很久才吃得起的东西，一年到头，也就几餐。他如果不把你当阿牛，他是不会喊煮玉米饭的。

原来如此，他真的把我当阿牛了，他把今天当成重要的日子来对待。对我来说，玉米饭是一种新鲜的食物，但对已经死去的阿牛，那可是天下难得的美味。

做好饭，我给邱一声舀了一碗，给张权舀了一碗，我自己也舀了一碗。回到饭桌前，看见邱一声用两手抓碗里的玉米饭，捏成一个饭团，正觉得奇怪，邱一声把饭团递给我。吃啊。他说。

我没有接。吃啊，阿牛。他又重复了一遍。

我接过来，啃了一小口，又放回他碗里。嘴里说，好吃好吃，心里本能地抗拒他那只手递过来的饭团，因为上面有龟的甲。

邱一声不干，又捡起来递给我。张权说，吃吧，你不吃，他是不会吃的。又小声地说，当年阿牛就是这样啃，还在街上到处炫耀。他是完完全全把我当成阿牛了，可我依然把他当成邱一声。

我硬着头皮把那团玉米饭啃完。邱一声脸上才露出满意的笑容。我把那碗饭推到他面前，他又拿起来捏成一团，再一次递给我。我拍拍我的肚子，说，我吃饱了，你吃吧，他这才掰一小块放进嘴里，又掰一小块放进嘴里，像一只老狒狒，在小狒狒吃饱之后才放心地进食。我短暂地想起我的爸爸，在我的印象里，虽然他几乎没怎么管他的儿子，但是他拼命地挣钱，让他的儿子衣食无忧。他也是只老狒狒。我弟现在像他。这是他们的命。我突然担心我弟，想劝他不要太疯狂，我退到一边给我弟打电话。我弟正在训他的手下，他一边训他的手下，一边跟我通电话。

你们想要我的命是不是!这是跟手下说的。

你怎么样，怎么想到要打电话给我？这是跟我说的。

三天之内，一定要把人招齐，没有人，我们所有的事都是白忙！这是对他们说的。大概他的新矿井招不到人，在跟他们发火。

忙完这段，我带妈去欧洲旅游，你也一起去。他跟我说。

拿钱砸！每个人先发一万，存在卡里，密码由他们设，卡和身份证你们管好，干满两个月，身份证和卡发给他们。

我弟也不容易，现在挖矿，比我爸那个时候挖矿难多了。我不管这些，我说，弟，我现在在邱一声家。

都听到没有？如果这样的条件还招不到人，你们就是猪！你在邱一声家做什么？他说。

照顾他十天。以前都是给钱，现在来照顾照顾他。我说。

我们从野马镇来到这里，每个人都脱了一层皮，这一关过去，都有饭吃！这一关过不去，统统完蛋！他说。

你怎么想到这一出，干脆过来帮我照顾妈，有时候她说起你和爸爸，会流眼泪。他说。

也是闲着无事，我就是想待在这里，告诉你一件好玩的事。邱一声把我当成他儿子阿牛。死了二十年的阿牛。我说。

陈耀、老马、老枪、继民，每个人找二十人，不管什么人，亲戚朋友，就是乞丐，也要三天内给我拉过来，其他人每人负责十人，我一百万人头费都准备好了，现在去找大头领钱。他说。

他这是老糊涂了，他这是想儿子了，你这是在跟他玩过家家。他说。大概他的手下都找大头拿钱去了，他有充足的时间跟我讲话，这个时候他反而不想跟我讲了。你打电话的目的就是为了告诉我邱一声把你当儿子了？ （14）