4 nyied 8 hauh, “hwnqguh aen gih yienghndei cukmaenh gij eiqsik caezcaemh Cunghvaz Minzcuz ‘seiq aen gyahyenz’ baenzdauq hoz- dung——‘angqcoux ngeihcib daih·haenqguh duenhroen moq’2022 nienz Gvangjsih Gveicouh Yinznanz Huznanz lajmbanj saenqhwng doxdax eu fwen” hainduj. Bineix doxdax eu fwen vahdaez dwg eu Ngeihcib Daih Dangj、lajmbanj saenqhwng、yangh- fungh vwnzmingz、minzcuz doxgiet daengj, ciucomz fwenvuengz、cangh- fwen daengx Gvangjsih caeuq swngj gih henzgyawj, doenggvaq doujyinh、 gwnzmuengx doxdax daengj hingz- sik, sonyinx vunzlai gak minzcuz yungh sing fwen danqhaenh minzcuz doxgiet、caezcauh yaem’wenq gyaeu- ndei ndwenngoenz vuenyungz.

Vih yinxdawz canghfwen、boux- gyaez fwen Gvangjsih Gveicouh Yinznanz Huznanz seiq swngj(gih) caeuqfaenh, vatcimh vunzcaiz fwen engq lai, baez doxdax neix yungh baenz bang senjleh, youq douj- yinh bingzdaiz cauhlaeb “angqcoux ngeihcib daih·haenqguh duenhroen moq” vahdaez, gvangqlangh cam’aeu、 boq sibinz dinj eu fwen, boux caeuqfaenh mbouj hanh nienz- geij, mbouj hanh minzcuz, mbouj hanh vahgangj, mbouj hanh soqvunz, youq 4 nyied 20 hauh doekgonq cungj ndaej douzgauj.

Gwnzmuengx doxdax faen baenz cuj vunzhung、cuj fwenvuengz、cuj bouxcoz nyezrauh sam aen cuj. Seiq swngj(gih) fwenvuengz、canghfwen faen fuksaiq、gietsaiq song ciengz guh doxdax. Cujyau hopheux vahdaez Ngeihcib Daih Dangj、lajmbanj saenqhwng、yanghfungh vwnzmingz、minzcuz doxgiet daengj, doenggvaq dangciengz couciem dingh cawjdaez doiq fwen, canghfwen moix cuj dangciengz doiq eu ca mbouj geijlai 10 faen cung, gyoengq bingzveij dangciengz bingz, doeklaeng bingz ok it、ngeih、sam gak daengjciengj caeuq ciengj maenhndei geij boux. Lingh- vaih, hozdung lij cingj lauxhangz yozcej mizmingz Gvangjsih caeuq canghfwen maenhndei gak minzcuz, daengz funghcigboq guh hek, lwnh- gangj vwnzva fwen Gvangjsih caeuq gij gojgaeq cingz bonjfaenh caeuq fwen. Doenggvaq doenghgij neix, langhbaij gij yinxdaeuz vwnzva haw- fwen “Sam Nyied Sam Bouxcuengh” hawj vunzlai yawj, yienh’ok seizneix Gvangjsih Gveicouh Yinznanz Huz- nanz seiq swngj (gih) vwnzva fwen gak minzcuz doxgyau doxyungz, bangrengz gungganq gij binjbaiz vwnzva “fwen Liuz Sanhcej”, ciengqgok aen cawj- daez “cukmaenh gij eiqsik caez- caemh Cunghvaz Minzcuz, angqcoux Ngeihcib Daih Dangj hai ndaej baenz”.

(Ciengj Linz)