Lanz Fuzlungz naeuz, Giuh Yizswngh mbouj miz daeglwg, mwngz mbouj miz daxboh, neix couh dwg yienzfaenh ho.

Baezneix gou simvueng lo, riengzlaeng gou yaek baenzlawz guh ne, gou roxnyinh aen ranz neix yaemywtywt, dangqnaj boux Giuh Yizswngh neix, couh mizdi lumj hoenzfangz yaek aeu mingh vunz nei. Gou saenzdedded naeuz, goeng、goenggeq, gou mbouj dwg Daegvaiz, gou dwg Lij Genh, daxboh gou dwg Lij Yunghgiengz——Bababa! Gou dawz gij sing sam naed lwgyinz hemq ndaej ciedmuengh raixcaix.

Dwg gou nyoengx mwngz roengz ndaw dah bae ho. Giuh Yizswngh daej hwnjdaeuj lo.

Mwngz luenhgangj gijmaz! Cangh Genz fok Giuh Yizswngh.

Ndaw ranz cij lw gou、Cangh Genz、Giuh Yizswngh sam boux vunz. Ndaw uk gou yiengjwng- wng, cungj mbouj rox Cangz Genz seizlawz heuh Daegliengq caeuq Daeginj dauqbae lo.

Giuh Yizswngh gaenq nyinhdingh gou dwg Daegvaiz daeglwg de lo, bajfwngz de itcig lumh bajnaj gou, gou dwglau raixcaix, roxnyinh bajfwngz de co lumj gyap duzgvi nei. Gou fwngz ndeu ndaetndet gaemdawz gij fwngz Cangh Genz. Cangh Genz nai gou naeuz, gaej lau, de youq henz rwz gou menhmenh naeuz, mwngz cungj bienqbaenz daeglwg de lo, de lij ndaej dawz mwngz baenzlawz yiengh dem.

Gou mbouj lau Giuh Yizswngh bienqbaenz daxboh gou, gou lau de naeuz “dwg gou nyoengx mwngz roengz ndaw dah bae”, Daegvaiz bihaenx dwg dai youq ndaw raemxrongz, mbouj miz vunz rox de dwg baenzlawz doek roengz dah bae, seizneix daxboh de naeuz dwg bonjfaenh nyoengx de roengz dah, neix caen hawj vunz naenggyaeuj mazmwnh, gou dwg lau Giuh Yizswngh sawqmwh daj laj daengq yoet ok fag cax soem ndeu, ndaemq youq gwnz aek boux “daeglwg” gou neix. Gou dwg lau gijneix. Gou naeuz Cangh Genz, mwngz hix dingqnyi lo, Daegvaiz dwg de nyoengx roengz dah bae bw. Dwg cingqcaen ha?

Giuh Yizswngh dingq roxyiuj gij vah gou, de muenghyawj Cangh Genz, lumjnaeuz cingq caj Cangh Genz doekdingh gij saeh neix nei.

Gou lij dwg baez daih’it raen Cangh Genz fatheiq, de lumj sawqmwh couh bienqbaenz bouxwnq nei, dawz gij fwngz Giuh Yizswngh daj gwnz naj gou bek roengzdaeuj, fok naeuz:“Mwngz dwg lix ndaej mbouj naihfanz luba, laux mbouj dai couh bienq iucing lo, mwngz lij siengj baenzlawz yiengh dem? Baenzneix nauh le, baezlaeng bouxlawz lij gamj daeuj ciuqgoq mwngz. Vaiq di naengh roengzdaeuj.”

Giuh Yizswngh deng Cangh Genz naenx youq gwnz daengq.

Gou 70 bi lo, lix ndaej nanz lai lo……Giuh Yizswngh naeuz. Giuh Yizswngh lij dwg dawz bonjfaenh dangguh vunz 70 bi.

Cangh Genz naeuz, mwngz mbouj siengj lix roengzbae, genjdanh raixcaix, Lij Genh, raeuz ok rog dou bae! Cangh Genz rag gou ok ranz Giuh Yizswngh. Gou siengj mbouj daengz, Cangh Genz baenzneix guh, aiq dwg de coengzlaiz mbouj raen Giuh Yizswngh yienghneix mbouj lumj baeznaengz gvaq, siengj haephaep Giuh Yizswngh. Cangh Genz itcig rag dawz gou, cungj yaek rag gou daengz bakdou ranz gou lo. Gou sawqmwh roxnyinh mizdi geizheih he, roxnyinh aiq dwg Cangh Genz lau Giuh Yizswngh caeuq gou boux daeglwg Giuh Yizswngh ngamqngamq nyinh roengzdaeuj haenx, gangj doenghgij vah mbouj wnggai gangj haenx ba. Gou mbouj caiq byaij doxbae. Seizneix daj ndaw ranz Giuh Yizswngh cienz gij sing hemq ndaej ciedmuengh、gouzngegngeg haenx okdaeuj: Daegvaiz、Daegvaiz, mwngz gaej byaij deuz ho.

Gou yaek dauqbae cijndaej.

Cangh Genz, cuengq de boux vunz dog youq gizhaenx, ok gijmaz saeh gou dangrap mbouj hwnj ho. Gou naeuz. Lij miz lingh cungj eiqsei gou caengz gangj okdaeuj: Danghnaeuz Giuh Yizswngh mbouj dawz fag caxsoem doiqcinj gou, gou lij dwg caen maqmuengh de caeuq gou gangj di saeh gou mbouj caengz rox haenx ne, mboujguenj dwg caen roxnaeuz gyaj.

Ndei ba, mwngz dauqbae ba. Giuh Yizswngh mbouj rox sienghaih mwngz law, de gyaez Daegvaiz daeglwg de dangqmaz, Daegvaiz hix gyaez daxboh de raixcaix. Mwngz aeu saenq gou. Cangh Genz naeuz, de yungh fwngz uet lwgda. Cangh Genz lae raemxda lo. Cangh Genz naeuz, Daegvaiz dai le, Giuh Yizswngh cungj caeuq vunz naeuz dwg bonjfaenh haih dai Daegvaiz, gangj lai le couh lumj caen lo.

Gou yamq vaiq ma daengz ndaw ranz Giuh Yizswngh. Cangh Genz gaen youq baihlaeng gou. Giuh Yizswngh lumj vunzranz nei ciepcoux raeuz. Giuh Yizswngh daemh dwngx ndwn youq bakdou. Youq ndaw ranz bonjfaenh, Giuh Yizswngh baez daih’it byaij ndaej baenzneix gyae. Daegvaiz, mwngz youh dauqma la. Giuh Yizswngh naeuz.

Baez daih’it haeuj ndaw ranz Giuh Yizswngh seiz, gou dwg Lij Genh daeglwg bouxdenggaj Lij Yungjgiengz, baez daihngeih haeuj ndaw ranz Giuh Yizswngh seiz, gou dwg Daegvaiz daeglwg Giuh Yizswngh.

Mbouj miz banhfap, daj ngoenzneix hwnj, gou couh dwg daeglwg Giuh Yizswngh lo.

Gou naemj, gou dangguh Daegvaiz laeglwg Giuh Yizswngh, yienh ndaej daiq coengmingz lai. Gou youq ndaw uk dauqngeix doengh gij saeh mwh Daegvaiz youq Yejmaj Cin haenx, haidaeuz gou roxnyinh bonjfaenh mizdi doekgyaq he, lumj ndaw sawcuenh sij hakhajbinj doekroengz daengz hakcaetbinj yienghhaenx ndawsim mbouj cwxcaih saek di. Doeklaeng gou youh naemj, gou najdoiq mbouj dwg sojmiz gyoengqvunz Yejmaj Cin, youq ndaw ranz laep neix dang daeglwg ndeu, couh dwg dang daeglan youh baenzlawz yiengh. Baenzbaenz dwg bouxwnq mbouj ndaej rox.

Gou doiq Cangh Genz naeuz, mwngz gaej caeuq gij vunz ndaw cin gangj bw. Cangh Genz naeuz, gangj gijmaz?

Gangj gou deng dangguh Daegvaiz, boux vunz lix ndeu dangguh boux dai bae, cungj miz di mbouj gitleih he, gou lij siengj gyaeu ndaej bak bi bw.

Cangh Genz naeuz, mwngz haengjdingh gyaeu ndaej bak bi.

Gij fwngz Giuh Yizswngh youh daeuj cat bajnaj gou, gou gig dwgcaengz Giuh Yizswngh baenzneix guh, gou souh mbouj ndaej gij gyaezhoh nongznwd de, gwnz fwngz Giuh Yizswngh ciuqyiengh miz gij gyap lumj duzgvi nei, yaek ndojdeuz gij gyap duz gvi neix, gou naeuz: Daegvaiz cawj haeux hawj mwngz gonq. Gou heuh bonjfaenh guh Daegvaiz. Yiengh- neix caen guenj yungh, gij fwngz Giuh Yizswngh daj gwnz naj gou vad doek roengzdaeuj lo, hoeng sikhaek de youh yinx geu buhndaem gou cuengq youq ndaw ranz de naeuz, nit lo, vaiq daenj hwnjdaeuj. Couh lumj dwg minghlingh nei. De dwg lau gou nit lai, cij heuh gou daenj hwnjdaeuj hane.

Hoeng gou miz lingh cungj roxnyinh lo, haenx couh dwg, gou daenj hwnj geu buhndaem neix le, gou cij engqgya lumj Daegvaiz daeglwg de, caeuq bouxyienjheiq daenj hwnj buhheiq le, cijndaej youq gwnz daizheiq yienj heiq gij dauhleix haenx doxlumj. Gou vaiqvid daenj buh hwnjdaeuj.

蓝伏龙说，他没有儿子，你没有爸爸，这就是缘啊。

这下我紧张起来，接下来我该怎么办，我觉得这个屋子阴森森的，眼前的邱一声有点像索命的鬼魂。我战战兢兢地说，老、老爹，我不是阿牛，我是李谦，我爸是李永强——啪啪啪！我把三颗子弹的声音喊得很绝望。

是我把你推下河哟。邱一声哭了起来。

瞎说什么你！张权冲邱一声说。

屋里面只剩下我、张权、邱一声三个人。我脑子里嗡嗡响，都不知道张权是怎么把阿亮和阿锦支走的。

邱一声已经认定我是他的儿子阿牛，他的手一直摸我的脸，我非常害怕，感觉他手上有龟的甲。我一只手紧紧抓住张权。张权安慰我不要害怕，他在我耳边轻轻说，你都变成他儿子了，他还能把你怎么样。

我没有害怕他成为我爸爸，我害怕他说的“是我把你推下河哟”，阿牛当年死于洪水，没人知道他是怎么掉下河去的，如今他爸爸说是他把他推下去的，这让人头皮发麻，我是怕他突然从凳子下面抽出一把尖刀，捅在我这个“儿子”的胸口上。我是怕这个。我说张权，你也听到了，阿牛是他推下河的。是真的吗?

邱一声听懂我的话，他望着张权，似乎在等张权的确认。

我还是第一次看见张权发飙，他突然之间变了一个人似的，把邱一声的手从我的脸上拍掉，吼道：“你是活得不耐烦了，老不死变成妖，你还想怎么样？！这样闹以后谁还敢来照顾你。快点坐下！”

邱一声被张权按在凳子上面。

我70了，活得太久了……邱一声说。他还是把自己当成70岁的人。

张权说，你不想活，很简单，李谦，我们走！张权把我拉出邱一声家。我没想到张权会这样干，大概他从来没见过邱一声这样反常，想吓唬吓唬他。他一直拉着我，都快把我拉到我家门口了。我突然觉得有点蹊跷，觉得张权大概是怕邱一声跟我这个他刚刚认下的儿子说些什么不该说的话。我不再往前走。这时候从邱一声家传来绝望、哀求的喊声：阿牛，阿牛啊，你不要走啊。

我得回去。

张权，把他一个人扔在那里，出什么意外我担当不起。我说。还有另一层意思我没说出来：如果邱一声不拿一把尖刀对准我，我还真的希望他跟我说些我不知道的事情，不管是真是假。

好吧,你去吧。他不会害你，他很爱很爱他的儿子阿牛，阿牛也很爱很爱他爸爸。你要相信我。张权说，他用手抹眼睛。他流泪了。张权说，阿牛死后，他总是跟人说是他害死阿牛，说多了就跟真的一样。

我快步来到邱一声家中。张权跟在我后面。邱一声像亲人一样迎接我们。他拄着拐棍站在门口。在自己家,他第一次走这么远。阿牛，你又回来了。他说。

第一次进他家门的时候，我是死刑犯李永强的儿子李谦，第二次进他家门的时候，我是他的儿子阿牛。

没办法，从今天起，我是邱一声的儿子。

我想，我作为邱一声的儿子阿牛，显得太过聪明。我在脑子里回忆阿牛在野马镇的点点滴滴，开始的时候我感觉自己有点掉价，像章回小说里的五品官被降成七品官那样不舒服。后来想，我面对的不是所有野马镇的人，在一个黑屋子里当儿子，就是当孙子那又怎么样。反正别人不知道。

我对张权说，你不要跟镇上的人讲。张权说，讲什么?

讲我被当成阿牛，一个活着的人被当成死去的人，总归有些不吉利，我还想长命百岁呢。

张权说，你肯定能长命百岁。

邱一声的手又一次擦着我的脸，我很讨厌他这样，我受不了他的款款深情，他的手上依然有龟的甲，为了躲这龟的甲，我说：阿牛先给您做饭。我把自己叫作阿牛。这一招很管用，他的手从我脸上滑落，但是马上又指着我离开他家时落下的那件黑衣服，说，冷，穿上。几乎是命令的语气。他是怕我冷才叫我穿上。

可我有另外的一种感觉，那就是穿上这件黑色的衣服之后，我才更像他的儿子阿牛，跟一个演员穿上戏服，才可以上台表演一样的道理。我飞快地穿上衣服。

（13）