Mboengqneix, Sanhgyangh Dungcuz Swciyen Minzgoh Hezvei cujciz gyoengq boux gyaez fwen 3 swngj(gih) 10 yangh 100 cunh dieg henzgyaiq Gvangjsih Huznanz Gvei- couh yungh cukmaenh gij eiqsik caezcaemh Cunghvaz Minzcuz guh cawjdaez, doenggvaq soujgih veihsin、QQ ginz daengj bingzdaiz, guh sam swngj(gih) youq gwnzmuengx doxdax eu fwen.

Ciuq cam rox, baez doxdax neix daj 3 nyied ndawcib hainduj. Doxdax faen Gvangjsih Sanhgyangh Dungcuz Swciyen、Huznanz Dunghdau Dung- cuz Swciyen、Gveicouh Lizbingz Yen sam dieg doxdax, moix dieg faenbied cujciz 1000 boux canghfwen Dungcuz、 canghgo Bizbaz Dungcuz guh doxdax youq gwnzmuengx senj- leh. Gak dieg doxdax yaek cujciz vangjminz douzbyau, senjleh 100 boux canghfwen maenhndei caeuq canghgo Bizbaz okdaeuj. Duenh laeng doxdax, yaek cujciz senjleh 300 boux maenhndei Gvangjsih Huznanz Gveicouh okdaeuj, youq 8 nyied daej doxcomz Sanhgyangh Dohyeh Gvangjcangz guh doxdax, cujciz lauxhangz caeuq bouxroxlai ciuq bingzdingh biucinj goengbingz bingzdingh, daj ndawde bingz ok 30 boux canghfwen Dungcuz maenhndei、30 boux canghgo Bizbaz Dungcuz maenhndei. Bingz it、ngeih、sam daengjciengj caeuq ciengj maenh- ndei, fat mbaw cingq mingzdaeuz, doiqyienh dajciengj.

(Liu Ciyungz Lungz Vwnz)