Mboengqneix, Swcigih Yinzminz Cwngfuj Bangunghdingh yaenqfat 《Fueng’anq Hengzguh Daezswng Gyauyuz Dieg Bien’gyaiq Gvangjsih》(baihlaj heuh 《Fueng’anq》), yungh lai cungj banhfap gyavaiq daezswng gyauyuz suijbingz dieg bien’gyaiq.

《Fueng’anq》 daezok aeu doi- caenh soqcih ndawhag cienzmienh cienzdoh, baujmaenh daengz 2025 nienz, 100% dwg soqcih ndawhag. Doengzseiz, aeu laebndei duzsuh- gvanj、funghyawjsaw、vwnzva cangz- langz daengj sezsih, guh hozdung langhbaij vwnzva hagdangz, hwnq- guh aen funghyausij、funghlanghbaij daengj miz gij goengnaengz gyauyuz.

《Fueng’anq》 haeujcoengh dieg bien’gyaiq saedhengz gunghfei swh- fanswngh giva、dwzgangj giva, gung- ganq bouj 1000 boux doxhwnj dinghyiengq swhfan bizyezswngh, ciu 800 boux doxhwnj lauxsae dwzgangj lajmbanj daengz dieg bien’gyaiq guh lauxsae. 《Fueng’anq》 iugouz laeb- ndei aen gihci gikcoi lauxsae, doek- saed lauxsae yivu gyauyuz bingzyaenz gunghswh souhaeuj suijbingz mbouj daemq gvaq fapdingh iugouz gungh- vuyenz dangdieg bingzyaenz gunghswh souhaeuj suijbingz; doidoengh gyalai daezswng bouj cienz hawj lauxsae lajmbanj, ciuq hagdangz ganhoj bien gyae bouj hawj mbouj doxdoengz; gak loih vunzcaiz hanghmoeg、mingzdaeuz byaujcangh、bingz ciengj bingz ndei ngeng coh lauxsae dieg bien’gyaiq.

《Fueng’anq》 dungjcouz anbaiz Gvangjsih 5 aen gauhyau caeuq aen gyauyuz yenzgiu gihgou ndeu, gapdoih bang dieg bien’gyaiq hwngfat gyau- yuz. Gvangjsih Swhfan Dayoz gapdoih bang Fangzcwngzgangj Si Fangzcwngz Gih、Dunghhingh Si caeuq yozcenz gyauyuz dieg bien’gyaiq; Nanzningz Swhfan Dayoz gapdoih bang Dasinh Yen、Ningzmingz Yen; Bwzswz Yozyen gapdoih bang Nazboh Yen、Cingsih Si; Gvangjsih Minzcuz Swhfan Yozyen gapdoih bang Lungzcouh Yen、Bingzsiengz Si；Yilinz Swhfan Yozyen caeuq Gvangjsih Gyauyuz Yenzgiuyen lienzhab vixyinx hong gyauyenz dieg bien’gyaiq.

《Fueng’anq》 iugouz cwngcwz bang cienz hagseng ngeng coh dieg bien’gyaiq, hagseng youq hagdangz yivu gyauyuz dieg bien’gyaiq cungj hawj cienzbouj, cienzhag doeg cungh- dwngj cizyez gyauyuz caeuq cienz- hagcab bujdungh gauhcungh hagseng ranz hojndoq mbouj aeu cienz, aeu cienzbanghag guekgya hawj hagseng hab diuzgienh. Hagseng hugouj youq bien’gyaiq 0—3 goengleix caemhcaiq youq bonj yienh(si、gih) doeg bujdungh gauhcungh、cunghdwngj cizyez gyauyuz moix bi moix boux ndaej 1500 maenz cienzbouj gvaq ndwenngoenz. Hagseng ngamq bae dayoz hugouj youq bien’gyaiq 0—3 goengleix moix boux ndaej 2000 maenz cienzbouj haeujhag. Hagseng youq hagdangz(hamz youwzyenz、diemjsonhag) bien’gyaiq 0—3 goeng- leix doegsaw, cienz baujyuz gyauyuz duenh yozcenz gyauyuz、cienzhag duenh bujdungh gauhcungh gyauyuz de youz caizcwng bouj cienz hawj caez.(Liz Yihveiz)