Gou mbouj roxyiuj de vihmaz hawj gou daenj buh hwnjdaeuj, hoeng, de naeuz gijmaz gou couh ciuqei guh gijmaz ba, gou daenj buhrog hwnjdaeuj.

Cangh Genz yinx gou cam Giuh Yizswngh, bohgeq, de dwg bouxlawz?

Giuh Yizswngh naenghboeb youq gwnz eij, naeuz, daeglwg Laujlij, bababa. Giuh Yizswngh yungh fwngz dangguh cungq, yinx gou hemq sam sing.

Laxlawz, de cij nyinhrox geu buhlaengj saek ndaem ndaw buhrog gou. Giuh Yizswngh dawz daenj buhlaengj saek ndaem gou dangguh daeglwg de Daegvaiz lo. Ndaw uk gou sikhaek mizok gij ngaeuz Daegvaiz, Daegvaiz lij lix seiz, cungj dwg daenj buhndaem. Mwngz gig noix raen Daegvaiz daenj buh yiengh saek wnq. Giuh Yizswngh cij nyinhrox buh, mbouj nyinhrox vunz. Yaek cwngmingz diemj neix, gou couh gig vaiq duet roengz buhrog. Giuh Yizswngh sikhaek youh daj gwnz eij ndwn hwnjdaeuj, hemq naeuz, Daegvaiz ha, youh iet fwngz gvaqdaeuj lumh bajnaj gou. Mbouj caj de iet fwngz gvaqdaeuj, gou youh vaiqvit duet roengz geu buhrog, Giuh Yizswngh youh doeknaiq dwk naenghnag roengzbae.

Neix caen dwg miz yinx raixcaix lo. Gaenlaeng gou yaek baenzlawz guh ne? Dwg duet buhrog laebdaeb dangbaenz Daegvaiz, vanzlij dwg dangguh Lij Genh daeglwg Laujlij daeuj laebdaeb ciuqgoq de.

Cangh Genz naeuz, gou lumz naeuz mwngz nyi lo, gaej daenj buhndaem daeuj ciuqgoq Giuh Yizswngh, de rox dawz mwngz dangbaenz Daegvaiz. Doengh bi neix, mwngz raen gou daenj gvaq buhndaem lwi. Cangh Genz coih danci, daengx ngoenz cungj dwg diuz dox ndeu venj youq gwnz ndang, daenj cungj buh lawz bouxlawz yawj ndaej ok. Couhcinj dwg ciuqgoq Giuh Yizswngh, de hix dwg cungj dajcang coih danci neix.

Aiq dwg Cangh Genz hix bungz gvaq cungj saeh ngoenzneix gou bungz daengz haenx. Youq ndaw Yejmaj Cin, haujlai vunz ciuqgoq gvaq Giuh Yizswngh, henz ndang couh miz Daegliengq caeuq Daegginj、Lanz Fuzlungz caeuq mehyah Dungj Cigoz. Gyoengqde cungj mbouj bungz daengz cungj saeh gou caeuq Cangh Genz bungz daengz neix.

Cangh Genz naeuz, de seng roengzdaeuj couh nyinhnaeuz raeuz dwg bouxcaen de. Mbouj dwg moix boux vunz de cungj dangbaenz Daegvaiz. Mbouj saenq mwngz couh hawj Daegliengq caeuq Lanz Fuzlungz daenj buhndaem sawqsawq.

Gou ndenq geu buhndaem hawj Daegliengq, Daegliengq daenj ndaej le, daegdaengq ndwn youq dangqnaj Giuh Yizswngh, gij biujcingz Giuh Yizswngh ngeizvaeg dwk cimyawj Daegliengq, mbouj haeuj hongx.

Daegliengq duet buhlaengj ndaem roengzdaeuj, ndenq hawj Lanz Fuzlungz, Lanz Fuzlungz daenj buhlaengj ndaem hwnj ndang le, Giuh Yizswngh mbouj wt mbouj ad. Gou sikhaek ndiusingj gvaqdaeuj, Cangh Genz naeuz Giuh Yizswngh seng roengzdaeuj couh caeuq raeuz caen hix mbouj deng, bouxlawz seng roengzdaeuj couh caen, bouxlawz seng roengzdaeuj mbouj caen, youh mbouj dwg gij goengfou ndaw sawcuenh mbouj rox daj gizlawz daeuj haenx. Caiq gangj lo, baenzneix gangj doiq henz ndang Daegliengq caeuq Lanz Fuzlungz mbouj goengbingz, gyoengqde sinsin hojhoj ciuqgoq Giuh Yizswngh, hix vuenh mbouj daeuj faenh cingzngeih Giuh Yizswngh dawz gyoengqde dangguh daeglwg bonjfaenh.

Giuh Yizswngh vihmaz yienghhaenx dawz bihaenx Cangh Genz caeuq gou seizneix dangbaenz Daegvaiz, dwg aenvih bihaenx Cangh Genz ciuqgoq de caeuq gou seizneix hainduj ciuqgoq de seiz, gij nienzgeij raeuz caeuq daeglwg dai bae de, hix couh dwg gij nienzgeij Daegvaiz doxlumj. Daegvaiz daeglwg de, youq lumj gou baenzneix hauxseng seiz dai bae. Nienzgeij couh lumj geu buhndaem wnq ndeu, dienh le Giuh Yizswngh baez ndeu. De couh dawz gou dangguh Daegvaiz lo.

Gij fatyienh neix hawj gou roxnyinh miz di sim’angq. Youh siengj daengz gij saeh haxbaenh Giuh Yizswngh naeuz de nyoengx Daegvaiz roengz dah bae, caiq siengj daengz gij saeh ndaw fwngz daxboh gou miz haujlai diuz minghvunz, doeklaeng deng gaj lo, gou roxnyinh bonjfaenh lix ndaej ndei raixcaix.

Mwngz heuh gou daeuj couh dwg aenvih gienh saeh neix? Cangh Genz naeuz.

Seizneix gou cij roxnyinh daengz gou ca di he couh lumz lo, Cangh Genz dwg gou dwk dienhvah heuh daeuj cwngmingz Daegvaiz dwg mbouj dwg Giuh Yizswngh nyoengx roengz ndaw dah bae ne.

Mbouj dwg aenvih gijneix. Gou naeuz. Gou siengj depgaenh henz rwz Cangh Genz cij gangj, naeuz haxbaenh Giuh Yizswngh caeuq gou gangj gij saeh de nyoengx Daegvaiz roengz dah, hoeng gou youh siengj, lij dwg youz Giuh Yizswngh caeuq de gangj ba. Geu buhlaengj ndaem haenx lij daenj youq gwnz ndang Lanz Fuzlungz, gou daj gwnz ndang Lanz Fuzlungz duet geu buhlaengj ndaem roengzma, daenj youq gwnz ndang gou.

Yawjraen gou daenj buhndaem, diuz heiq gatduenh haenx youh dauqcungz yienj roengzbae lo, gij fwngz Giuh Yizswngh ndaetndet dep youq gwnz naj gou, caepcatcat.

Cangh Genz, mwngz naeuz, dwg mbouj dwg gou nyoengx de roengz ndaw dah ya?

Gij saeknaj Cangh Genz fwt bienq. Hoeng yaepyet couh bienq dauqma lo.

Luenhgangj, mwngz luenhgangj gijmaz! Luenh- gangj, de cingq gangj vahmoengx ne! Cungj gvaiq mwngz, mbouj miz saeh daenj gijmaz buhndaem, nyex de gikdoengh, de danghnaeuz ok gijmaz saeh, mwngz couh okmingz lo. Gij vah youqgaenj Cangh Genz, yaep ndeu youq gwnz ndang Giuh Yizswngh, yaep ndeu youq gwnz ndang gou. De gangj ndaej mbouj loek, danghnaeuz Giuh Yizswngh aenvih gikdoengh le ok gijmaz saeh, mbouj gangj bouxwnq, youq henz ndang gou Daegliengq caeuq Daegginj haengjdingh mbouj cuengq gvaq gou. Gyoengqde dawz Giuh Yizswngh dangguh duzbaed. Gou ngamq baenzneix naemj, Daegliengq sikhaek gvaqdaeuj duet roengz geu buhndaem gou.

Baezlaeng mwngz gaej daenj buhndaem lo. Daegliengq naeuz, danghnaeuz mwngz roxnyinh vi lai, gou hawj cienz mwngz. Youq Yejmaj Cin, cawz daxboh daxmeh doiq gou naeuz gou hawj cienz mwngz le, lij mbouj caengz miz boux daihsam naeuz gvaq gawq vah neix, seizneix, Daegliengq dwg boux daihsam.

Daegginj naeuz, Lij Genh, danghnaeuz mwngz lau mazfanz, gou daeuj lawh mwngz ciuqgoq bohgeq. Mwngz baema yawj sawcuenh, ndei mbouj ndei?

Hoeng nguh lo, Daegliengq yienznaeuz bok roengz geu buh gwnz ndang gou, Giuh Yizswngh mbouj lumj daxbaenh yienghneix naenghboeb youq gwnz eij, bajfwngz Giuh Yizswngh lij ndaetndet dep youq gwnz naj gou.

Daegvaiz, Giuh Yizswngh laemxsim dawz gou dangguh Daegvaiz lo. Geu buhndaem haenx seizneix saetbae goeng’yauq. Gou couh dwg mbouj daenj geu buhndaem haenx, Giuh Yizswngh hix dawz gou gangguh Daegvaiz lo. Diuz danzvangz ndaw uk Giuh Yizswngh danz gvaqdaeuj le, couh mbouj rox caiq danz dauqma dem lo, lumj diuz cag ndeu nei, dawz gou cug baenz daeglwg de lo.

我不知道他为什么要我穿上，他怎么说我怎么做，我穿上外套。

张权指着我问邱一声，老爹，他是谁?

邱一声跌在椅子上，说，老李的仔,叭叭叭。他把手当枪指着我喊了三声。

原来，他只认我外套里面的黑色毛衣。他把穿着黑色毛衣的我当成他的儿子阿牛了。我脑子里马上晃过阿牛的身影，他活着的时候，都是穿着黑色的衣服。你很少看见他穿其他颜色的衣服。邱一声只认衣服不认人。为了证明这一点，我很快又脱掉外套。邱一声马上又从椅子上站起来，喊道，阿牛啊，又举着手来摸我的脸。没等他的手伸过来，我又飞快地把外套穿上，他又颓然坐下去。

这真的是太有意思了。接下来怎么办？是脱掉外套继续当他的儿子阿牛，还是继续当来照顾他的老李的儿子李谦。

张权说，我忘记告诉你，不要穿黑衣服来照顾他，他会把你当成阿牛。这些年，你看见我穿过黑衣服没有。张权修自行车，成天一条蓝色的围裙挂在身上，穿什么衣服谁看得见。就是照顾邱一声，他也是一副修自行车的打扮。

估计张权也曾遇到像我今天遇到的事情。在野马镇，照顾邱一声的人多了去了，身边就有阿亮和阿锦、蓝伏龙和董志国的老婆。他们都没遇到过我跟张权这样的事。

张权说，他天然觉得我们亲。不是每一个人他都当成阿牛。不信你让阿亮和蓝伏龙穿上衣服试试。

我把衣服递给阿亮，阿亮穿上后往邱一声眼前一站，他用怀疑的表情看着阿亮，没有上当。

阿亮脱掉毛衣，递给蓝伏龙，蓝伏龙穿上后邱一声一点反应都没有。我马上醒悟过来，张权说的他天然跟我们亲也不对，谁天然亲，谁天然不亲，又不是章回小说里面来路不明的武功。再说了，这样说对身边的阿亮和蓝伏龙有点不公平，他们辛辛苦苦照顾邱一声，也换不来他把他们当儿子看的那份情。邱一声之所以那样把当年的张权以及现在的我当阿牛，是因为当年张权开始照顾他和我现在开始照顾他的时候，我们的年纪跟他死去的儿子，也就是阿牛的年纪是一样的。

他的儿子阿牛，在像我这般年轻的时候死去。年龄就像另外一件黑色的衣服，电了邱一声一下。他就把我当成阿牛了。

这个发现让我感到一丝庆幸。联想到他刚才说的他把阿牛推下河的事情，联想到我爸手上有很多条人命，最后被枪毙的事情,我觉得自己活得挺好。

你叫我来就是因为这件事？张权说。

这下我才意识到我差点忘了张权是我打电话叫来证实阿牛是不是邱一声推下河的。

不是因为这个。我说。我想跟他耳语，说邱一声刚才跟我说的他把阿牛推下河的事，但转念一想，还是由邱一声跟他说吧。那件黑色的衣服还套在蓝伏龙身上，我把衣服从蓝伏龙身上扒下来，套在身上。

看到穿上黑衣服的我，被打断的剧情又重新续上。邱一声站起来了，他的手紧紧贴在我脸上，冰凉冰凉。

张权，你说，是不是我把他推下河的?

张权脸色大变。但他很快又变了回来。

胡说，你胡说什么！胡话，他在说胡话呢！都怪你，没事穿什么黑衣服，惹得他激动，他如果有什么意外，你就出名了。张权说话的重点一下子在邱一声身上，一下子在我身上。他说得不错，如果他因激动而出现什么意外，不说别人，我身边的阿亮和阿锦肯定不会放过我。他们把他当神。刚这么想，阿亮马上过来剥我的黑衣服。

以后你不要再穿黑衣服了。阿亮说，如果你觉得亏，我给你钱。在野马镇，除了我爸我妈对我说我给你钱外，还没有第三个,现在，阿亮是第三个。

阿锦说，李谦，如果你怕麻烦，我来替你照顾老爹。你回家看你的小说，好不好?

但是晚了，阿亮虽然剥掉了我身上的衣服，邱一声没有再像刚才那样坐回椅子上，他的手紧紧贴住我的脸

阿牛。他是铁了心把我当阿牛了。那件黑色的衣服这个时候失去功效。我就是没穿这件黑色的衣服，他也把我当阿牛了。他脑子里的那根弹簧弹过来后就没再弹回去，像根绳索一样把我绑成他的儿子。 （12）