Vanzgyangh dwg aen Mauz- nanzcuz Swciyen daengx guek dandog, dwg aen yienh bangfuz youqgaenj lajmbanj saenqhwng guekgya. 2020 nienz 5 nyied, Vanzgyangh Mauz- nanzcuz Swciyen doiqok aen yienh gungzhoj, saedyienh daengx cuz vutgungz. Vanzgyangh laebdin Swh- wnh Cin Cinzsangh Cunh swhyenz lai caeuq giekdaej canjnieb, cungfaen vatcimh siujsoq minzcuz vwnzva, baujlouz minzcuz daegsaek, doicaenh gizdieg minzcuz lajmbanj saenq- hwng.

Ciuq cam rox, Vanzgyangh haenqrengz cauhlaeb “aen cunghab- daej suen naz Mauznanz gyaeundei”, aeundaej cingzcik ndei. Daengx aen cunghabdaej suen naz gungh bued- cienz 2.5 ik maenz, daengz seizneix, gaenq buedcienz 1.94 ik maenz; dieg hanghmoeg bouxvunz bingzyaenz souhaeuj daj 1995 nienz mbouj daengz 500 maenz daezsang daengz 2021 nienz 18700 lai maenz, ndwenngoenz vunzlai bienqvaq hung.

Siujsoq minzcuz vwnzva lij- youzyez laebdaeb daezcaet swnggaep. Vanzgyangh yungh gij vunqsik “nungzyez+minzcuz vwnzva+lijyouz”, doidoengh nungzvwnz yungzhab hwngfat, hwnqbaenz suenva yawj- ngonz、dieg youqndwi epbya、dieg langhbaij minzcuz vwnzva、dieg langhbaij canjnieb vwnzva daengj.

Yiengh mbanj miz daegsaek gunghcwngz guh baenaj. Vanzgyangh giethab gak mbanj minzcuz daegsaek、vwnzva goekdaej caeuq swhyenz diuzgienh mbouj doxdoengz, haenq- rengz dajcauh sam aen mbanj guhyiengh huqndei miz cawjdaez daegsaek. Doenggvaq yiengh minzcuz daegsaek gaijguh daezswng, mbouj- duenh daezswng rengz yingjyangj huq minzcuz vwnzva, hawj vunzlai ndaejgeiq vwnzva, baujhoh vwnzva yizcanj aen mbanj.

Laebdaeb haifat siujsoq minzcuz vwnzva miz daegsaek. Vanzgyangh cungfaen leihyungh Cinzsangh Cunh minzcuz doxgiet yungzhab vwnzva swhyenz caeuq siujsoq minzcuz daeg- saek vwnzva swhyenz, hwnqguh diengzhong swnjcienz feihyiz vwnzva、diengzhong dajnyumx、diengzhong dajsan、diengzhong dajveh. Doengz- seiz, Vanzgyangh yungh ngoenzciet siujsoq minzcuz guh sienqmeh, cingjhab ngoenzciet cienzdoengj, saedyienh ndwenndwen miz aen ciet iq、geiqgeiq miz aen ciet hung, ndwenndwen miz ngoenzciet.

(Mungz Gyahlungz Dangz Denz)