Mboengqneix, Swcigih Cufangz Cwngzyangh Gensezdingh lwnh vunz- lai rox, bineix gih raeuz yaek laebdaeb gyagiengz baujhoh swnjcienz lizsij vwnzva, haeujcoengh aen hawsingz miz diuzgienh bauq aen singz miz- mingz lizsij vwnzva guekgya, giengz- vaq hwnqguh aen cidu baujhoh lizsij vwnzva, hainduj bienguh gviveh aen dijhi baujhoh swnjcienz lizsij vwnzva singzmbanj Gvangjsih, cungfaen vat- cimh gij gyaciz lizsij vwnzva swhyenz, gyagiengz laebdangj caetveh、baujhoh coihndei guenjleix lizsij gencuz, baex- mienx lid lai hwnq lai、caen lid gyaj hwnq.

Youq vatcimh lizsij vwnzva fuengmienh, gih raeuz yaek doidoengh gak dieg laebbaenz caeuq laebndei cangzyau gihci, laebdaeb guh nyinh- dingh bujcaz lizsij vwnzva swhyenz, vatcimh buek diuzgai lizsij vwnzva caeuq lizsij gencuz ndeu, guh daengz raen buek gipseiz nyinhdingh goeng- bouh buek, mboujduenh bouj caeuq fungsou lizsij vwnzva baujhoh mingz- loeg, guhbaenz cangzdaiva vatcimh lizsij vwnzva swhyenz. Haenqrengz gaijgez doengh gij vwndiz laeuh caz laeuh bauq、caz cix mbouj dingh、dingh cix mbouj venj diuzgai lizsij vwnzva caeuq lizsij gencuz, guh daengz wnggai bauj couh bauj, genh- gez haeddingz gak loih hingzveiz buqvaih diuzgai lizsij vwnzva caeuq lizsij gencuz.

Youq bienguh gviveh baujhoh lizsij vwnzva fuengmienh, daengx gih yaek gyavaiq guhsat gviveh geizhanh daengz 2035 nienz bauqbae bienguh gviveh baujhoh aen singz mizmingz lizsij vwnzva, giengzvaq saemjbae guenjleix gviveh baujhoh diuzgai lizsij vwnzva, caemhyamq doicaenh baujhoh coihndei caeuq leihyungh ndei diuzgai lizsij vwnzva、lizsij gencuz, cungfaen langhbaij caeuq fatok lizsij gyaciz de, hawj vunzlai youq bingzseiz couh rox lizsij, roxnyinh gij yinxdaeuz vwnzva.

Ciuq cam rox, daengz seizneix, gih raeuz gaenq cingqsik goengbouh 36 dieg diuzgai lizsij vwnzva swcigih gaep caeuq 668 dieg lizsij gencuz, ndawde Bwzhaij Si “diuzgai lizsij vwnzva Roen Cuhhaij—Gaisahciz—Roen Cunghsanh”gaenq ndaej Cufangz Caeuq Cwngzyangh Gensezbu、Goz- gyah Vwnzvuzgiz goengbouh baenz buek daih’it diuzgai lizsij vwnzva Cungguek.(Loz Vanli Vangz Ginhyi)