Gou rwix raixcaix, siengj daj boux vunzlaux lumzgeiq gizhaenx rox de dwg baenzlawz haih dai daeglwg bonjfaenh. Yienznaeuz de gangj okdaeuj mbouj itdingh dwg caen.

Geiq mbouj ndaej lo. Geiq mbouj ndaej lo. Giuh Yizswngh naeuz.

Gou roengzrengz dauqngeix gij saeh Daegvaiz oksaeh seizhaenx. Ngeihcib bi gaxgonq, gou lij dwg boux nyezrauh ndeu, boux vunzhuk Daegvaiz neix ngoenznaengz cungj deng vunz yoeg ma guh’angq, cijaeu de mbouj youq gwnz gai, gij ndwenngoenz Yejmaj Cin couh caemdingh bae dingz ndeu. Gij ndwenngoenz haujlai vunz haemzhoj raixcaix, hoeng miz Daegvaiz le, caezgya cungj roxnyinh ndwen- ngoenz mbouj baenzhaenx siliengz lo. Mwh seizhah, daxmeh gou naeuz Daegvaiz doek roengz ndaw dah bae dai lo. Ranz gou mbouj miz saek boux vunz roxnyinh geizheih, lumjnaeuz bouxhuk couh wnggai dwg yienghneix nei. Doeklaeng daxboh gou deng gaj, gou hix dwg cungj roxnyinh neix, lumjnaeuz dwg goeng lauxbanj vat gvangq ciengzseiz yungh cienz daeuj cawx mingh haenx couh wnggai dwg baenzneix nei.

Daegvaiz dai caeuq gwnz Yejmaj Cin sojmiz vunz dai bae doxlumj, sojmiz vunz gwn le donq haeux ndeu, Daegvaiz dai ndaej vaiq lai, ndigah haem de hix vaiq dangqmaz. Ngamq guh ngoenz ndeu, begsaeh couh guh liux lo.

Mbouj miz Daegvaiz le, gwnz gai caemdingh haujlai. Gou couh rox doenghgij neix lo.

Siengj mbouj daengz Daegvaiz dai ndawde lij miz saegndumj. Gou ndaej saenq Giuh Yizswngh lwi? Giuh Yizswngh vunzlaux vunzgeq lo, aen uk de yaep ndeu youq gwnz biengz, yaep ndeu youq ndaw fangz. Gou ngamq haeujdaeuj seiz, de lij nyinh ndaej ok gou dwg Lij Genh daeglwg Lij Yungjgiengz, gou duet bae geu buh ndeu, de couh dangq gou baenz Daegvaiz daeglwg de lo. Gou yaek saenq de lwi?

Caen ha? Caen dwg mwngz dik gou roengz dah ha? Gou ngiengx gyaeuj cam Giuh Yizswngh.

Vaiq heuh Cangh Genz. Giuh Yizswngh naeuz. Cangh Genz dwg caencik Giuh Yizswngh, de dwg siengj heuh Cangh Genz daeuj cwngmingz, dwg de dik Daegvaiz roengz dah bae lwi.

Gou dwk dienhvah hawj canghdoz Dungj Cigoz, heuh de bang gou daengz bouqcoihci henz hangznoh heuh Cangh Genz daeuj ranz Giuh Yizswngh. Dungj Cigoz naeuz, couh mwngz miz saeh lai, roxyiuj ciuqgoq Giuh Yizswngh mbouj yungzheih luba, ciuqgoq boux vunz ndeu, mbouj dwg ciuqgoq duz mou ndeu, lij siengj ciuqgoq cib ngoenz, aiq dwg ngoenz ndeu mwngz couh naet ndaej fatbag lo. Dungj Cigoz mbouj cuengq dienhvah, aenvih youq ndaw dienhvah, gou dingqnyi de hemq Cangh Genz naeuz: Cangh Genz, ok saehhung lo, mwngz vaiq bae ranz Giuh Yizswngh. Dungj Cigoz mbouj caeuq Cangh Genz gangj vahhoengq, cijmiz dwg yienghneix gangj, Cangh Genz cij vaiq di daeuj daengz henz ndang gou.

Baenz bang vunz vaiqvit daeuj daengz henz ndang gou. Miz Cangh Genz、Lanz Fuzlungz、mehyah Dungj Cigoz; lijmiz Daegmingz、Daegvei、Daegsam sam beixnuengx, lijmiz Daegliengq caeuq Daegginj.

Cung youq ceiq gaxgonq dwg Daegliengq caeuq Daegginj, ngamq haeuj dou, song bouxde couh daej lo, bohgeq ha……Gyoengqde raen Giuh Yizswngh lumh bajnaj gou——Gyoengqde siengj mbouj daengz Giuh Yizswngh gawqyienz ndaej ndwn hwnjdaeuj, gij sing daej gyoengqde couh gag bienq lo, “bohgeq ha”couh bienqbaenz “bohgeq bohgeq!” Gyoengqde dangq Giuh Yizswngh baenz duzbaed, gyoengqde mbouj hawj duzbaed neix ok gijmaz saeh bw.

Riengzlaeng dwg Lanz Fuzlungz, ngamq byaij haeuj dou de couh hemq, daengz seizneix lo cungj lijcaengz cawj haeux, mwngz siengj iek dai de ha? Yawjraen Giuh Yizswngh lumh bajnaj gou, Lanz Fuzlungz doenq yamq ndeu, de coengzlaiz caengz raen cungj yienghsiengq neix gvaq, gaxgonq de raen gvaq haenx, mbouj dwg Giuh Yizswngh ninz youq gwnz congz, couh dwg naengh youq gwnz eij. Lanz Fuzlungz naeuz, Giuh Yizswngh dauq oiq lumj lwgnyez lo.

Daegmingz、Daegvei、Daegsam dwg daeuj yawj nauhyied hane, yawjraen Giuh Yizswngh mbouj miz saek yiengh saeh, gwnz naj sam beixnuengx miz di saetmuengh he. Gyoengqde dawz gij mbouj muenxeiq saj youq gwnz ndang Dungj Cigoz bae, Daegmingz naeuz, boux Dungj Cigoz neix, daez- gungh cingzbauq gyaj, baezlaeng gij vah de mbouj ndaej saenq lo. Gangj sat, de caeuq song daegnuengx de couh byaij ok dou lo. Aenvih gyoengqde roxyiuj, Giuh Yizswngh mbouj haengj- heiq gyoengqde. Gyoengqde caiq youq gizneix yaep ndeu, mbouj rox Giuh Yizswngh gaenq ndaej ndwn hwnjdaeuj haenx yaek guh ok gijmaz saehguengz dem.

Mehyah Dungj Cigoz gaen youq haihlaeng, de daengx naj ngeizvaeg, gij biujcingz neix dwg vunz Yejmaj Cin cungj miz ndeu. Gij biujcingz neix ndaej cung doxbae hix ndaej doenq dauqlaeng: Dangh- naeuz Giuh Yizswngh ok saeh, mwngz ndaej nyinhnaeuz dwg siengsim daj ndawsim okdaeuj; danghnaeuz Giuh Yizswngh mbouj ok saeh, mwngz hix ndaej naeuz dwg saeh maz cungj liz mbouj ok goekgaen, neix dwg cungj biujcingz haemq onjdingh ndeu. Gizsaed gij biujcingz neix dwg deng ndwenngoenz bik okdaeuj hane. Cungj biujcingz neix gou haemq sug, bi daxboh gou deng gaj haenx, haujlai vunz cungj dwg cungj biujcingz neix, mwngz cungj mbouj roxyiuj gyoengqde dwg sim’angq roxnaeuz siengsim. Mehyah Dungj Cigoz youq ciuqgoq Giuh Yizswngh seiz, dawz Giuh Yizswngh dangbaenz Dungj Cigoz daeuj ndaq mbouj dingz, hix dwg deng bik ndaej fouznaih hane, danghnaeuz mbouj dwg baenzneix guh, de couh deng bik ndaej fatvangh bae lo.

Cangh Genz song fwngz boihcienj dwk, dwg boux ceiq doeklaeng daeuj daengz, menhyabyab byaij haeujdaeuj. De dwg bouxvunz daih’it ciuqgoq Giuh Yizswngh, youq rangh dieg neix diegvih sang dangqmaz, gij hoengzsaeh begsaeh rangh dieg neix cungj dwg youz de daeuj cijveih, mwngz aiq ndaej daekcoih cincangj, mwngz mbouj ndaej daekcoih Cangh Genz bw.

Giuh Yizswngh yawjraen Cangh Genz, couh yinx gou naeuz, Daegvaiz, Daegvaiz.

Dingqnyi Giuh Yizswngh naeuz Daegvaiz. Sojmiz vunz cungj doeksaet yat.

Lanz Fuzlungz naeuz, gvaiq mbouj ndaej ndwn hwnjdaeuj lo, laxlawz dwg siengj Daegvaiz lo.

Daegliengq caeuq Daegginj yawjyawj gou, boux ndeu naeuz, de dawz Lij Genh dangguh Daegvaiz lo. Boux ndeu naeuz, Lij Genh, de yawj mwngz baenz Daegvaiz, mwngz hixnaengz aeu de guh daxboh mwngz, song ranz vunz bienqbaenz ranz ndeu suenq lo.

Lanz Fuzlungz naeuz, Lij Genh, bouxwnq ciuqgoq de ngoenz ndeu, mwngz ciuqgoq de cib ngoenz, de dangq mwngz guh daeglwg de lo.

Cij miz Cangh Genz roxyiuj neix dwg vih gijmaz. De byaij gvaqbae, dawz geu buhrog haxbaenh gou ngamq daeuj ranz Giuh Yizswngh seiz duet haenx gveng hawj gou, naeuz, daenj hwnjdaeuj.

我很坏，想从一个失忆的老人那里知道他是怎么害死自己的儿子的。虽然他说出来未必就是真的。

不记得了。不记得了。他说。

我努力回忆当时阿牛出事的前前后后。二十多年前，我还是个少年，阿牛这个傻瓜整日里被人拿来当开心果，只要街上少了他，野马镇的日子就少了一半生机。很多人的日子很苦，但有了阿牛，大家都觉得日子还不至于那么惨。夏天的时候，我妈说阿牛跌河死了。我们家里的人没有一个人感到奇怪，好像那是一个傻瓜应有的结局。后来我爸被枪毙，我也是这种感觉，好像那是一个经常拿钱买命的矿老板应有的结局一样。

阿牛死去跟野马镇任何一个人死去一样，所有的人吃了一餐饭，他死的速度太快了，所以埋他的速度也很快。仅仅一天，丧事就结束了。

少了阿牛，街上冷清了许多。我知道的就是这些。

没想到他的死还有玄机。我要不要相信邱一声？他风烛残年，脑子一下子在人界，一下子在鬼界。我刚进来的时候他还认出我是李永强的儿子李谦，我脱了一件衣服，他就把我当成他的儿子阿牛。我要不要相信他？

是真的吗？你真的把我踢下河吗？我抬头问他。

快叫张权。他说。张权是他的亲戚，他是想让张权来证明, 是他把阿牛踢下河的。

我打电话给屠夫董志国，叫他帮我到猪肉行边的修车铺去喊张权来邱一声家。董志国说就你事多，知道不容易了吧，照顾一个人，不是照顾一头猪，还想照顾十天，估计一天你就累得发狂。董志国没有挂断，在电话里我听到他喊张权：张权，出大事了，你快点去邱一声家。董志国懒得跟张权废话，只有这样说张权才会飞快地来到我身边。

一群人飞快地来到我身边。有张权、蓝伏龙、董志国的老婆；还有阿明阿卫阿三三兄弟，还有阿亮和阿锦。

冲到最前面的是阿亮和阿锦，刚进门，他们两个人就哭,老爹啊……他们看到邱一声在摸我的脸——他们没想到他居然能站起来,他们的口气就变了,“老爹啊……”就变成了“老爹！老爹！”他们把邱一声当神，他们不容许他们的神出现什么意外。

接下来是蓝伏龙，刚进门他也喊，这个时候还没煮饭，你想饿死他呀？看见邱一声摸我的脸，他后退了一步，他从来没有看到这样的情景，他以前看到的，不是睡在床上的邱一声，就是坐在椅子上的邱一声。蓝伏龙说，他，返老还童了。

阿明阿卫阿三显然是来看热闹的，看见邱一声没事，脸上有一些失望。他们把不满撒在董志国身上，阿明说，这个董志国，提供假情报，以后他的话不能信。说完他和他的两个弟弟就走了。因为他们知道邱一声不喜欢他们。他们再待在这里一分钟，不知道已经站起来了的邱一声会有什么疯狂的举动。

董志国的老婆跟在后面，她一脸茫然，这是野马镇的公共表情。这样的表情进可攻退可守：如果邱一声有事，你可以认为那是悲从心中来；如果邱一声没事，你也可以说那是成竹在胸一切尽在掌握，是一种比较稳重的表情。其实这是被生活逼出来的。这种表情我比较熟悉，当年我爸被枪毙，很多人都是这样的表情，你都搞不懂他们是高兴还是悲伤。董志国老婆在照顾邱一声时不停地把他当董志国来骂，也是被逼无奈，如果不那样她就会疯掉。

张权背着手最后一个到来，慢吞吞的。他是照顾邱一声的元老级人物，在镇上地位很高，镇上的红事白事都是由他来指挥，你可以得罪镇长，你不能得罪他。

邱一声看见张权，指着我说，阿牛,阿牛。

听到邱一声说阿牛。所有的人都吃了一惊。

蓝伏龙说，怪不得站了起来，是想阿牛了。

阿亮和阿锦看着我，一个说，他是把李谦当阿牛了。一个说，李谦，他把你看成阿牛，你干脆把他看成你爸，两家人变成一家人算了。

蓝伏龙说，李谦，别人照顾他一天，你照顾他十天，他把你当亲儿子了。

只有张权知道这是为什么。他走过去，把我刚来到邱一声家时脱的外套扔给我，说，穿上。 （11）