Mboengqneix, gicej cam mizgven bouhmonz roxyiuj, gih raeuz okrengz cinj fugsaeh canjnieb saenqhwng ginghci hwngfat, doicaenh aen moeg- biu “daez caetliengh、bang hwngfat” ndeindi, youq gwnz diuzroen hwngfat youh ndei youh vaiq byaij baihnaj.

Giengzvaq caetliengh dazyinx, haeujlaeg doicaenh aen canloz caet- liengh ak Gvangjsih, caetliengh ak si、yienh hozdung cwgoemq 100%. Hai ndei aen hoih hong caetliengh daengx gih, byaujcangh cujsiz caetliengh- ciengj 4 aen、daezmingzciengj 8 aen. Gveilinz aen giyez guh yw ndeu ndaej Gaiq Daihseiq Cungguek Caet- lienghciengj daezmingzciengj.

Guhndei caetliengh fugsaeh, comzyawj Gvangjsih 9 aen dieg comz canjnieb hung、13 diuz lienh canjnieb, baijbouh hwnqbaenz 41 aen bingz- daiz “itcamhsik” fugsaeh caetliengh, cwgoemq 14.6 fanh aen hawciengz cawjdaej, haiguh fugsaeh 11.8 fanh baez, gaijgez gisuz nanzdaez 2692 aen, mbaetyungh cienz 9206 fanh maenz.

Gyagiengz biucinj dazyinx, doi- doengh caetliengh daezswng, youq 72 aen dieg cungdenj doicaenh aen cidu “bouxlingxbuet” biucinj giyez, fat- bouh moq deihfueng biucinj 202 hangh, ndaej guekgya gaep biucinjvaq sawqdiemj 8 aen. Banh ndei Gaiq Daihngeih Cungguek—Dunghmungz Gozci Biucinjvaq Lundanz, ndaej aen dieggoek son’gyauq vunzcaiz gozci biucinjvaq, hwnqbaenz Cungguek—Dunghmungz biucinj yinzbingzdaiz hidungj, youq Liujcouh laebbaenz aen yozyen biucinjvaq daih’it Gvangj- sih.

Gyagiengz geiqliengh dingjcengj, fatbouh deihfueng geiqliengh gisuz gveihfan 22 hangh. Gyagiengz genjcwz nyinhcingq, dawz dangzgwn、benj- vunzcauh、raemxgwn dajcang、mbaw- caz daengj guh “gaiqndei Gvangjsih” nyinhcingq, hawj cienzdoengj daeg- saek canjnieb “cauhnieb baez ngeih”. Gyoebsuenq 402 loh huq 362 aen giyez doenggvaq Yanghgangj gauh- donh nyinhcingq, demgya yauqik 75.86 ik maenz. Mbawcingq gak loih caetliengh daengx gih miz 2.92 fanh mbaw, demgya 17.5%.

Yawj maenh fuengyiengq cog- laeng hwngfat, caeux maeuzveh diuzroen saedyienh aen moegbiu “song danq”, giyez ndaej cingq caeuq soq mbawcingq nyinhcingq danq daemq cungj baiz youq daengx guek daih’it, ndoengfaex nyinhcingq baiz daihcib、huq youjgih nyinhcingq gyalai 142 mbaw、gencaiz saekheu nyinhcingq saedyienh “dwkbyoengq lingz”.

(Vuz Gyahyoz)