Mboengqneix, mingzdan laeb- hangh aen hanghmoeg bangcienz 2022 nienzdoh cienzgoek yisuz guekgya (hanghbmoeg itbuen) fatbouh, Gvangj- sih 14 aen hanghmoeg ndaej senj- haeuj. Doenghgij yisuzbinj miz daeg- saek neix langhbaij le yisuzgai Gvangjsih hoenghfwdfwd caeuq cauh- guh cwngzgoj moq.

Ndaw 14 aen hanghmoeg ndaej senjhaeuj, heiq hung caeuq cozbinj hanghmoeg miz hangh ndeu, dwg Gvangjsih Higiyen Heiqgveiq 《Dwng Yingjcauh Dahlwg Nanzningz》; heiq iq caeuq cozbinj cauhguh hanghmoeg miz 4 hangh, faenbied dwg Gvangjsih Higiyen heiq iq 《Dangjyenz Veiz Manjyi》、heiqmuqdog 《Deqcaj》, Gvangjsih Yisuz Cangcoz Cunghsinh diuzgo 《Gvaq Dahsienghgyangh》 caeuq Liujcouh Si Yinhyozgyah Hez- vei diuzgo 《Mbanjdung Angqyangz》; meijsuz cauhguh hanghmoeg miz 3 hangh, baugvat Sangh Cin Veh- cungguek 《Bangfuz Vahai Saeh’angq Lai》, Cai Ci Vehcungguek 《Yienghmoq Baksaek》 caeuq Sunh Yenjci vehcaet 《Gyaep Moengh·Hwnq Moengh·Yienz Moengh》; youq cienzboq gyauhliuz doigvangq hanghmoeg miz 2 hangh, faenbied dwg Liujcouh Si Yisuz Giyen golaux Betgveiq: Gvangjsih Liujcouh heiqmoeg maenhndei cunzyienj, Gvangjsih Yenjyi Cizdonz Youjhan Cwzyin Gunghsih bajheiq 《Yinghyungz Mbeilaux》cunzyienj. Linghvaih, boux- coz yisuz cauhguh vunzcaiz hanghmoeg miz 4 hangh, baugvat Gvangjsih Yisuz Yozyenz Can Bingjgyangz deugaek cauhguh, Gvangjsih Yisuz Yozyen Lonz Hungzveij vehsuijcaij cauhguh, Bwzhaij Si Suhfaz Yen Yangz Gohyinz suhfaz、gaekrin cauhguh caeuq boux swyouz cizyez Hanz Gwzveij vehyouz cauhguh.

Doenghgij cozbinj neix mizmbangj haenh dangj hungmbwk, mizmbangj miz gij deihfueng daegsaek, lij mizmbangj neiyungz dwg lajmbanj saenqhwng、vutgungz gunggeng caeuq aen loqsiengj Cungguek daengj.

（Lij Cunghvwnz）