Hoeng gou seizneix mbouj ndaej byaij ok ndaw ranz Giuh Yizswngh, gou gaenq youq ndaw Yejmaj Cin gangjbak lo, aeu ciuqgoq Giuh Yizswngh cib ngoenz, danghnaeuz seizneix doiq okbae, couh deng vunz riu lo. Gou mbouj ndaej caeuq Giuh Yizswngh doiqdingj, caeuq boux vunzgeq lumzgeiq haenx doiqdingj, dwg gag ra haemz gwn hane. Gou aeu swnh gij singqheiq de, danghnaeuz de aenvih heiqndat le, ok gijmaz saehhux, gij cwzyin gou couh hung lo. Guh daeglwg de couh guh daeglwg de ba, cijaeu de mbouj heiqndat, cijaeu de sim’angq, de dangq gou baenz bouxlawz cungj youzcaih de ba.

Daxboh. Gou youh heuh sing ndeu. Mbaenqfaex Giuh Yizswngh yaengx hwnjdaeuj haenx couh cuengq roengzdaeuj lo, gou vaiqvid benz hwnjdaeuj, rag aen eij demh youq laj caekhaex de. Giuh Yizswngh mbouj naengh roengzbae, naeuz, gou bae cawj haeux hawj mwngz.

Gou mbouj ndaej hawj de guhhong. Daxboh, mwngz vunzlaux yietnaiq ndei dwk, gou bae cawj haeux. Gou vid genbuh hwnjdaeuj, couh yaek bae caux feiz, de naenx dawz gou ndaetndwt, rag aen eij de gvaqdaeuj, hawj gou naengh roengzbae.

De yaek guh gijmaz? Gou swnh de guh, naengh youq gwnz eij.

Daxboh doiq mbouj gvaq mwngz ho, mwngz mbouj gvaiq daxboh ba? Mwngz naeuz, mwngz haemz daxboh lwi?

Gou mbouj roxyiuj Giuh Yizswngh vihmaz baenzneix gangj.

Mbouj haemz, gou haengjheiq mwngz raixcaix ne. Gizlawz miz daeglwg haemz daxboh ne.

Gou yungh guhcaemz guh’angq daeuj doiqdaih gij ngawz Giuh Yizswngh. Youq ndaw lwgda gou, Giuh Yizswngh couh lumj gij dienheiq caet nyied, unqswnh, singqheiq rwix, mazmwnh.

Doengh bi neix mwngz baenzlawz gvaq ya? Giuh Yizswngh cam naeuz.

Aen uk gou cienq mbouj gvaqdaeuj, Giuh Yizswngh dwg cam Daegvaiz daeglwg de gvaq ndaej baenzlawz yiengh, vanzlij dwg cam daeglwg Lij Yungjgiengz Lij Genh, hix couh dwg gou, gvaq ndaej baenzlawz yiengh. Rizda Giuh Yizswngh bik gvaqdaeuj, danghnaeuz mbouj dap vah de, de mbouj cuengq gvaq gou.

Daegvaiz ngeihcib bi gaxgonq couh dai lo. Gyoengqvunz Yejmaj Cin cungj nyinhnaeuz, Daegvaiz dwg boux doyawz, baenzbaenz cungj yaek haih dai daxboh de. Seizhaenx gou lij iq, Daegvaiz gaenq dwg vunzhung lo, gou lij ndaej geiq gij yienghceij gou yungh rin dub gvaq de, de got gyaeuj buet deuz. Youq ndaw Yejmaj Cin raeuz, wnggai baenzlawz gangj ne? Ranzranz cungj miz gij goj bonjfaenh. Beijlumj ranz gou ba. Daxboh gou yiemq ngeihcib geij diuz minghvunz, caen hawj vunz dwglau luba. Beijlumj gaxgonq dwen daengz Daegmingz、Daegvei、Daegsam aeu Giuh Yizswngh dangq mingzsingh guhcaemz guh’angq sam beixnuengx haenx; Ahcinh mehyah Dungj Cigoz aeu Giuh Yizswngh dangguh doengzokheiq; lij miz Daegliengq aeu Giuh Yizswngh dangguh duzbaed daeuj caeq daengjdaengj. Ranzranz cungj miz gij goj raezrangrang sij mbouj rox liux de. Daegvaiz daeglwg Giuh Yizswngh hix dwg yienghneix. Baez siengj daengz doenghgij vunz neix, aen gyaeuj gou couh fat moengx. Doengh bi neix doxdaeuj, aenvih haengj yawj cieng dem cieng sawcuenh, doiq doenghgij saeh cawz bonjsaw le cungj mbouj leixlangh, gou itcig youzlangh youq baihrog doenghgij goj Yejmaj Cin. Gwnz ndang daxboh gou yiemq baenzlai diuz minghvunz, cij hawj gou miz di cienjbienq he. Daegvaiz, gaenq bienqbaenz gij goj engqgya gyaeraez haenx lo.

Daegvaiz doek roengz ndaw dah dai lo. Dai gaxgonq, de dwg bouxguhriu gyoengqvunz Yejmaj Cin. Gyoengqde haengj daj ndaw bak Daegvaiz mbon ok gij vah caeuq nienzgeij de mbouj doxdaengh haenx. Ngeihcib bi gaxgonq gou ndaej cibhaj bi, ngamqngamq haidaeuz haengjheiq yawj sawcuenh, haengjheiq yawj Sez Gangh fanj Dangzcauz, haengjheiq yawj Sez Yinzgvei bae baihsae hoenxciengq. Gyoengqvunz Yejmaj Cin haengj aeu gij mwnhhuk Daegvaiz daeuj guh’angq. Doiq doenghgij saeh vunz Yejmaj Cin comzhumx Daegvaiz、riubemx Daegvaiz, gou mbouj gvansim saek di, gou couh lienz gij yienghceij Daegvaiz baenzlawz yiengh cungj lumz liux lo. Miz ngoenz ndeu, gyoengqde naeuz Daegvaiz dai lo, seizhaenx gou naemj, dai couh dai luba. Gou mbouj nyinh- naeuz neix dwg gienh saeh hung ndeu. Daegvaiz dai lo, Yejmaj Cin bouxlawz dai bae, gou cungj dangbaenz dwg ndaw sawcuenh youh dai boux vunz ndeu. Couh dwg daxboh gou deng gaj, gou hix lujluj lawqlawq miz cungj roxnyinh neix, danghnaeuz mbouj dwg daxmeh gou ndwn youq bangxhenz gou, gou aiq ganjnaeuz dwg daxboh bouxwnq dai ne.

Seizneix, gou deng daxboh Daegvaiz cam mwngz gvaq ndaej baenzlawz yiengh. Giuh Yizswngh haengjdingh dwg gvansim daeglwg de, mbouj dwg gvansim daeglwg Lij Yungjgiengz gvaq ndaej baenz- lawz yiengh.

Gou naeuz daxboh, gou gvaq ndaej ndei raixcaix. Gou sawqmwh siengj hwnj Daegvaiz lij lix seiz, gyoengqvunz ndaw Yejmaj Cin cungj haengj comzhumx ngonzyawj de. Gou naeuz, daxboh, gou gvaq ndaej ndei dangqmaz.

Gou rod saej gvet dungx gag naemj, gij yienghceij gvaq ndaej ndei haenx, wnggai dwg baenzlawz yiengh ne, daengx aen Yejmaj Cin, bouxvunz gvaq ndaej ceiq ndei haenx, wnggai dwg gou luba, gwn daenj mbouj you, daengx ngoenz youq ndwi, siengj guh gijmaz couh guh gijmaz.

Gou han naeuz, cijaeu mwngz yawjyawj gou, mwngz couh rox gou gvaq ndaej ndei mbouj ndei lo. Seizneix, yungh naj hoengz naj maeq daeuj dajbeij gou cungj mbouj habcik geijlai. Daxmeh gou daengz Yinznanz le, moix gek duenh seizgan he, couh geiq ywbouj nywjnon hawj gou, heuh gou caeuq ndok aeuq raemxdang gwn.

Gij fwngz Giuh Yizswngh lumhlumh bajnaj gou, lumjnaeuz lumh gaiq nyawh ndei ndeu nei.

Daegvaiz, mwngz mbouj haemz daxboh ba.

Gou naemj, Giuh Yizswngh dwg gijmaz eiqsei ne? Mbouj haemz law, gou hai bak couh naeuz.

Dwg gou dik mwngz roengz ndaw dah bae ho. Giuh Yizswngh daejnge’nge hwnjdaeuj. Lumj daej daeglwg dai bae yienghhaenx daej.

Gou daenghbob naengh roengz gwnz namh, lumjnaeuz gij hoenz Daegvaiz hwnj ndang gou nei, ndawsim baez suk gaenj. Gij fwngz Giuh Yizswngh vaiq di daeuj ra bajnaj gou, gou roxnyinh dwglau raixcaix, gou roxnyinh bajfwngz Giuh Yizswngh lumj gyap duzfw nei. Daengx aen ranz fwt couh bienq ndaej dwglau raixcaix lo.

Mwngz、mwngz naeuz gijmaz? Gij sing gou saenzdedded.

Dwg gou dik mwngz roengz dah bae ho. Gij raemxda Giuh Yizswngh ndik youq gwnz dingj gyaeuj gou, naeng gyaeuj gou mazmwnh liux.

Gou roxyiuj, gou bungq daengz ndaw Yejmaj Cin youh gienh saehhung ndeu lo.

Dawz Daegvaiz daeglwg bonjfaenh dik roengz ndaw dah? Gou yaek saenq de lwi? Neix dwg gienh saehhung ndeu ha. Gou naeuz daxboh, mwngz dwg baenzlawz dik gou roengz ndaw dah bae ne.

可我现在不能离开，我已经在野马镇夸下海口，要照顾他十天，如果此时打退堂鼓，那是要被人笑话的。我不能跟他较真，跟一个失忆的老人较真，是自讨苦吃。我得顺着他，如果他因为生气而出什么意外，我的责任就大了。当他儿子就当他儿子吧，只要他不生气，只要他高兴，他把我当成谁我都不计较。

爸爸。我又喊一声。他举着的棍子就放下来了，我赶紧爬起来，把椅子垫在他屁股下面。他没有坐下，说，我给你做饭去。

我不能让他劳动。爸爸，您老人家好好休息，我来做饭。我撸起袖管，就要去生火，他死死按住我，拉过他的座椅，要我坐下。

他要干什么？我顺着他，坐在椅子上。

爸对不起你啊，你不怪我吧？你说，你恨不恨我？

我不明白他为什么会这样说。

不恨，我喜欢你还来不及呢。哪有儿子讨厌爸爸的。

我用游戏来对待他的糊涂。在我眼里，他就像七月的天气，慈祥，粗暴，呆。

这些年你是怎么过的？他说。

我脑子里转不过弯，他是问他儿子阿牛过得怎么样呢，还是问李永强的儿子李谦，也就是我，过得怎么样。他的眼神饥渴，如果不回答他，他不会放过我。

阿牛二十年前就死了。野马镇所有的人都觉得，阿牛是个累赘，迟早会害死他爹。那时我还小，阿牛已经是个大人，我还记得我用石头砸过他，他抱头鼠窜的样子。我们野马镇，该怎么说呢？每一户人家都有故事。比如说我家。我爸欠有二十几条人命，够吓人的吧。比如说前面提到的拿邱一声当娱乐明星的阿明、阿卫、阿三三兄弟；拿邱一声当出气筒的董志国的老婆阿珍；还有拿邱一声当神来供奉的阿亮；等等，哪一家都有长得写不完的故事。

邱一声的儿子阿牛自然不例外。一想到这些人我的头脑就发胀。这么多年来，由于喜欢看章回小说，对除了书本之外的事情一概不理，我一直游离于野马镇的故事之外。我爸欠很多条人命在身，才使我有一点点转变。而阿牛，已经变成更加遥远的故事了。

阿牛跌河死。死之前在野马镇是众人的开心果。他们喜欢从他嘴里淘出与他年龄不相符的话。二十年前我十五岁，刚刚开始喜欢看小说，喜欢薛刚反唐，喜欢薛仁贵征西。野马镇的人喜欢拿阿牛的弱智开心。对野马镇的人围观阿牛，取笑阿牛的事我一点不关心，我甚至连阿牛长什么样都忘了。有一天他们说他死了，当时我想，死就死呗。我不认为这是件多大的事。阿牛死了，野马镇任何一个人死了，我都当成是小说里又死了一个人。就是我爸被枪毙，我恍恍惚惚也有这样的感觉，要不是我妈站在我旁边，我还以为死的是别人的爸爸。

现在，我被阿牛的爸爸问你过得怎么样。他肯定是关心他的儿子，而不关心李永强的儿子过得怎么样。

我说爸爸，我过得很好。我突然想起阿牛活在野马镇的时候人们喜欢围观他。我说，爸爸，我真的过得很好。

我搜肠刮肚地想过得很好应该是什么样子，整个野马镇，过得最好的应该是我了吧，衣食无忧，整日无所事事，想干嘛就干嘛。

我说，只要你看看我，你就知道我过得好不好。这个时候，用红光满面来形容我都不大恰当。我妈到云南后，每隔一段时间，就给我寄来冬虫夏草，叫我放在骨头汤里煲。

他的手摸着我的脸，像摸一块上好的玉。

阿牛，你不恨爸爸吧。

我心想，他什么意思？不恨！我脱口而出。

是我把你踢下河啊。他哭了起来。像哭死去的儿子那样哭了起来。

我一屁股就坐到地上，好似阿牛灵魂附体，心缩了一下。他的手赶紧来找我的脸，我感到害怕，我感到他那只手长着龟的甲。这个房子一下子变得恐怖起来。

你、你说什么？我声音发抖。

是我把你踢下河啊。他的眼泪滴在我头上，我头皮发麻。

我知道我碰到了野马镇上的又一件大事。

我知道我碰到了野马镇上的又一件大事。

把自己的儿子阿牛推下河?我要不要相信他?这可是件大事。我说爸爸，你是怎么把我踢下河的。 （10）