Swhyenz Yen gaenxmaenx gvan- cez doeksaed gij swhsiengj youqgaenj mizgven gyagiengz caeuq gaijndei hong minzcuz Siz Ginbingz cungj- suhgi, doenggvaq guh cawjdaez hoz- dung、comz gangj comz lwnh caeuq cauh fwen cienzciengq daengj banh- fap, cietsaed doicaenh “cukmaenh gij eiqsik caezcaemh Cunghvaz Minzcuz” haeuj uk haeuj sim.

Guh “cukmaenh gij eiqsik caez- caemh Cunghvaz Minzcuz bangrengz daengx yienh ceng cauh aen yienh yienghndei minzcuz doxgiet cinbu daengx guek veijyenz hengzdoengh”, heuhcomz yen cwnghez veijyenz caeuq bouxvunz dungjcan, haeujlaeg guh baenzroix hozdung, doidoengh hag cienz cienzdoengj vwnzva maenhndei Cunghvaz, daj ndawde hag aeu gij rengz cingsaenz gak minzcuz doxgiet haenqguh、caez naeuz hwngfat, cuk- maenh gij eiqsik caezcaemh Cunghvaz Minzcuz.

Laebbaenz aendoih gagnyienh fugsaeh senhconz “cukmaenh gij eiq- sik caezcaemh Cunghvaz Minzcuz”, gaenxmaenx cauh’ok senhconz heiq- faenh minzcuz. Doenggvaq laeb daiz senhconz、baij canjbanj、fat senhconz swhliu（huq senhconz）、gunghawj fugsaeh camcaz、haeuj ranz haeuj mbanj daengj fuengsik, haeujlaeg lienzhaeh gak cuz ganbu ginzcung, lwnh minzcuz cwngcwz fapgvi、gij cihsiz hong minzcuz, hawj ginzcung gaenxmaenx caeuqfaenh hozdung ceng cauh aen yienh yienghndei minzcuz doxgiet cinbu daengx guek, caezcaemh doxgiet haenqguh、caezcaemh mwn- hoengh hwngfat.

Gaenxmaenx cauh fwen ciengq fwen. Lienzhab vwnzyi donzdij caeuq bouxswnjcienz fwen dangdieg cauh gij fwen “cukmaenh gij eiqsik caez- caemh Cunghvaz Minzcuz”, aeu fwen ciengq hong minzcuz doxgiet okdaeuj hawj beksingq dingq, fatyiengz ndei bae, cietsaed doinyoengx cukmaenh gij eiqsik caezcaemh Cunghvaz Minz- cuz.

（Suh Siujginz Lij Bingz）