（ciep banjdaeuz）

Lij Gwzgyangz youq ndaw baugau ceijok, raeuz haeujlaeg gvancez gij gezcwz baijbouh aen dangjcunghyangh aeu Siz Ginbingz dungzci guh vaedsim haenx, gvancez doeksaed gij cing- saenz Aenhoih Hong Ginghci Cunghyangh, caezcienz、cinjdeng、cienzmienh gvancez leixniemh hwng- fat moq, netsaed guh hong “roek onj” “roek bauj”, yawjnaek diuzcingj hungzgvanh hamj couhgiz caeuq nyig couhgiz, wngqdoiq gak cungj fung- yiemj deuqnyex ndeindi, cujyau guh le hong baihlaj: It dwg baumaenh hungzgvanh cwngcwz ndaej laebdaeb miz cimdoiq, doidoengh ginghci yinhhengz baumaenh youq duenh hableix; ngeih dwg guhndei caeuq doeksaed bang giyez soeng hojnanz cwngcwz, gyamaenh giekdaej soeng- hoiz ginghci; sam dwg haeujlaeg gaijgwz gyalai hailangh, laebdaeb gaijndei vanzging guhseng’eiq; seiq dwg giengzvaq cauhmoq yinxlingx, onjdingh diuzlienh canjnieb diuzlienh gunghawj; haj dwg doidoengh singz mbanj gizdieg hezdiuz hwngfat, mboujduenh guhndei ginghci baij- bouh; roek dwg gyagiengz baujhoh swnghdai vanzging, hawj lai ndaej laebdaeb hwngfat; caet dwg haenq- rengz baujcang caeuq gaijndei swnghhoz beksingq, gyavaiq hwngfat sevei saehnieb; bet dwg doicaenh hwnqguh aen cwngfuj fapceih caeuq ceihleix cauhmoq, baumaenh sevei huzndei onjdingh.

Lij Gwzgyangz youq ndaw baugau ceijok, haengjdingh cingzcik doengz- seiz, raeuz hix singjsag yawjraen gij vwndiz caeuq deuqnyex bungzdaengz. Aeu gyagiengz gij eiqsik cainanh, mbouj ndojdeuz vwndiz deuqnyex, haenqrengz bae guh hong, doiq ndaej hwnj beksingq maqmuengh.

Lij Gwzgyangz youq ndaw baugau daezok, 2022 nienz hwngfat cujyau yawhgeiz moegbiu dwg： Ndawguek swnghcanj cungjciz demmaj 5.5% baedauq; hawsingz gyalai couhnieb 1100 fanh boux doxhwnj, hawsingz diucaz saetnieb cingzsoq daengx bi guenjhanh youq ndaw 5.5%; gihminz siuhfei gyaqcienz demmaj 3% bae- dauq; gihminz souhaeuj demmaj caeuq ginghci demmaj gihbwnj caemhyamq; cincuzgouj baujonj daezcaet, gozci haeujok gihbwnj bingzbag; haeuxgwn baenzsou baumaenh youq 1.3 fanh ik gaen doxhwnj; swnghdai vanzging caetliengh laebdaeb gaijndei, doxgaiq uqlah cujyau soq baizcuengq laebdaeb gyangqdaemq; aen moegbiu siedbae naengzliengh youq ndaw duenh gviveh “cibseiq haj” dungjcouz gaujhaed, gyalai nwngzyenz dauq maj ndaej caeuq yungh yienzliuh mbouj gya- haeuj nwngzyenz siuhfei cungjlieng guenjhanh bae.

Lij Gwzgyangz youq ndaw baugau ceijok, 2022 nienz aeu netsaed guh ndei gak hangh hong: Haenqrengz onjdingh hungzgvanh ginghci daih- buenz, baumaenh ginghci yinhhengz youq aen duenh hableix; haenqrengz hawj hawciengz cawjdaej ndaej onj bauj couhnieb, gyalai rengz saedhengz hungzgvanh cwngcwz; dingjmaenh mbouj bienq haeujlaeg gaijgwz, gikfat rengzhoengh hawciengz caeuq rengz gag hwngfat engq ndei bae; haeujlaeg saedhengz aen canloz cauhmoq doinyoengx hwngfat, gyamaenh guh- hung goekrag saeddaej ginghci; giendingh saedhengz aen canloz gyalai baihndaw siuyungh, doicaenh gizdieg hezdiuz hwngfat caeuq cwngzcinva yienghmoq; haenqrengz ca ndei nungzyez swnghcanj, coicaenh laj- mbanj cienzmienh saenqhwng; gyalai doiqrog hailangh suijbingz ndei, doidoengh vaimou vaiswh bingzonj hwngfat; laebdaeb gaijndei swnghdai vanzging, doidoengh hwngfat saekheu danq noix; cietsaed baujcang caeuq gaijndei swnghhoz beksingq, gya- giengz caeuq cauhmoq sevei ceihleix.

Ndaw baugau, Lij Gwzgyangz lij lwnhgangj le gyagiengz hwnqguh bonjndang cwngfuj, hong minzcuz、cunghgyau caeuq gyauzvu, hwnqguh guekfuengz caeuq bingdoih, Yangh- gangj、Aumwnz hwngfat caeuq song hamq gvanhaeh, nem vaigyauh cwng- cwz guek raeuz daengj.

Ciuq aenhoih anbaiz, aenhoih saemjcaz Gozvuyen mizgven 2021 nienz gominz ginghci caeuq sevei hwngfat dajveh caephengz cingzgvang caeuq 2022 nienz gominz ginghci caeuq sevei hwngfat dajveh caujanq baugau nem 2022 nienz gominz ginghci caeuq sevei hwngfat dajveh caujanq、Gozvuyen mizgven 2021 nienz cunghyangh caeuq deihfueng yawhsuenq caephengz cingzgvang caeuq 2022 nienz cunghyangh caeuq deihfueng yawhsuenq caujanq baugau nem 2022 nienz cunghyangh caeuq deihfueng yawhsuenq caujanq.

Ndaej daengz Daengx Guek Yinzda Cangzveijvei anbaiz, Daengx Guek Yinzda Cangzveijvei fuveij- yenzcangj Vangz Cinz faenbied naeuz gij gangjmingz mizgven gak gaep yinzda daibyauj davei caeuq deihfueng gak gaep yinzminz cwngfuj cujcizfaz coihgaij caujanq、gij gangjmingz mizgven Cibseiq Gaiq Daengx Guek Yinzda daibyauj mingzngeg caeuq senjgij vwndiz gietdingh caujanq、gij gangjmingz mizgven Yanghgangj Daegbied Hingzcwnggih senjgij Cibseiq Gaiq Daengx Guek Yinzda daibyauj banhfap caujanq、gij gangjmingz mizgven Aumwnz Daegbied Hingz- cwnggih senjgij Cibseiq Gaiq Daengx Guek Yinzda daibyauj banhfap caujanq.

Gij gangjmingz mizgven gak gaep yinzda daibyauj davei caeuq deihfueng gak gaep yinzminz cwngfuj cujcizfaz coihgaij caujanq ceijok, deihfueng cujcizfaz dwg gij gihbwnj faplwd aen cidu guhhong caeuq cujciz mizgven deihfueng yinzda、deihfueng cwngfuj, dwg gij saedhengz laebfap mizgven deihfueng cwnggenz hwnqguh gvidingh fapguek, dwg gij cidu baujcang youqgaenj deihfueng gak gaep guekgya genzliz gihgvanh、hingzcwng gihgvanh hengz cizgenz、hengz cizcwz. Cibbet Daih Dangj doxdaeuj, aen dangjcunghyangh aeu Siz Ginbingz dungzci guh vaedsim haenx gig yawjnaek guhhong caeuq hwnqguh guekgya cwnggenz gihgvanh, guh’ok baenzroix baijbouh hungnaek、doicaenh baenzroix hong hungnaek、aeundaej baenzroix cwngzgoj hung- naek. Gvancez fapceih swhsiengj Siz Ginbingz、gij swhsiengj youqgaenj mizgven baujmaenh caeuq laebndei aen cidu yinzminz daibyauj davei Siz Ginbingz cungjsuhgi, doeksaed gij gezcwz baijbouh hungnaek aen dangjcunghyangh caeuq gij cingsaenz Aenhoih Hong Yinzda Cunghyangh, miz aeuyungh couh nyinhcaen cungjgez saedguh gingniemh, coih- gaij laebndei deihfueng cujcizfaz. Caujanq gungh 48 diuz, cujyau coihgaij neiyungz baugvat：Cungsaed “cungjcwz” it cieng neiyungz; laeb- ndei gij cujciz、cizgenz daengj mizgven gvidingh deihfueng gak gaep yinzda caeuq aen cangzveijvei de; laebndei gij cujciz、cizgenz daengj mizgven gvidingh deihfueng gak gaep yinzminz cwngfuj; hab’wngq aen dijci gamcaz gaijgwz aeuyungh gyalai mizgven neiyungz; dinghmingz aen gihci gizdieg doxgap hwngfat; cung- saed cukmaenh gij eiqsik caezcaemh Cunghvaz Minzcuz daengj neiyungz caemhcaiq laebndei mizgven gvi- dingh.

Gij gangjmingz mizgven Cibseiq Gaiq Daengx Guek Yinzda daibyauj mingzngeg caeuq senjgij vwndiz gietdingh caujanq ceijok, ciuq fapguek caeuq mizgven faplwd gvidingh, Daihcibsam Gaiq Daengx Guek Yinzminz Daibyauj Davei daengz 2023 nienz 3 nyied nyaemhgeiz muenxsat, Daihcibseiq Gaiq Daengx Guek Yinzminz Daibyauj Davei daibyauj wnggai 2023 nienz 1 nyied senjok. Guh ndei hong senjgij daengx guek yinzda daibyauj, dwg gienh saeh hung ndaw cwngci swnghhoz dangj caeuq guekgya, doiq gyamaenh gij giekdaej dangj ciengzgeiz dawzgienz, gyagiengz hwnqguh cwnggenz guek- gya, hwngfat daengx gocwngz beksingq minzcuj, baumaenh caeuq laebndei aen cidu yinzminz daibyauj davei, doicaenh guekgya ceihleix dijhi caeuq ceihleix naengzlig yendaiva, gietcomz dungxcaiz caeuq rengz gak fueng- mienh cienzmienh hwnqguh sevei cujyi yendaiva guekgya, miz yiyi youqgaenj. Ciuq fapguek、fapsenjgij mizgven gvidingh, youq gwnz giekdaej gvangqlangh cam’aeu gak mizgven fuengmienh yigen, Aenhoih Daengx Guek Yinzda Cangzveijvei Veij- yenzcangj ngeixdingh Cibsam Gaiq Daengx Guek Yinzda Aenhoih Baez Haj mizgven Cibseiq Gaiq Daengx Guek Yinzda daibyauj mingzngeg caeuq senjgij vwndiz gietdingh caujanq, youq 2021 nienz 12 nyied gyau hawj Cibsam Gaiq Daengx Guek Yinzda Cangzveijvei Aenhoih Baez Daih Samcib Ngeih guh saemjlwnh, aenhoih gietdingh gyau hawj Cibsam Gaiq Daengx Guek Yinzda Aenhoih Baez Haj saemjlwnh.

Gij gangjmingz mizgven Yangh- gangj Daegbied Hingzcwnggih senjgij Cibseiq Gaiq Daengx Guek Yinzda daibyauj banhfap caujanq caeuq gij gangjmingz mizgven Aumwnz Daeg- bied Hingzcwnggih senjgij Cibseiq Gaiq Daengx Guek Yinzda daibyauj banhfap caujanq ceijok, ciuq fap- senjgij gvidingh, Yanghgangj Daeg- bied Hingzcwnggih、Aumwnz Daeg- bied Hingzcwnggih gij banhfap wngqsenj daengx guek yinzda daibyauj mingzngeg caeuq daibyauj, youz Daengx Guek Yinzminz Daibyauj Davei linghvaih gvidingh. Vihneix, youq gaiq daengx guek yinzda neix nyaemhgeiz muenxsat gaxgonq, aeu dingh gij banhfap Yanghgangj、Aumwnz senjgij Cibseiq Gaiq Yinzda daibyauj. Ciuq mizgven hong anbaiz, Daengx Guek Yinzda Cangzveijvei Fazgunghvei、Gangj Au Gihbwnj Fazveij caeuq cunghyangh mizgven bouhmonz caezcaemh yenzgiu dajgauj le gij banhfap caujanq Yanghgangj Daegbied Hingzcwnggih、Aumwnz Daegbied Hingzcwnggih senjgij Cibseiq Gaiq Yinzda daibyauj, caemhcaiq cam gij yigen Yanghgangj Daegbied Hingzcwnggih hingzcwng cangjgvanh、Aumwnz Daegbied Hingzcwnggih hingzcwng cangjgvanh, Yanghgangj Daegbied Hingzcwnggih caeuq Aumwnz Daegbied Hingz- cwnggih daengx guek yinzda daibyauj、daengx guek cwnghez veijyenz.

Youq cujsizdaiz naengh lijmiz：Dingh Sezsiengz、Liuz Hoz、Hij Gizlieng、Sunh Cunhlanz、Lij Hih、Lij Gyangz、Lij Hungzcungh、Yangz Gezciz、Yangz Yaujdu、Cangh Youyaz、Cinz Hih、Cinz Cenzgoz、Cinz Minjwj、Huz Cunhvaz、Goz Swnghgunh、Vangz Gunhmingz、Cai Giz、Youz Genz、Vei Funghoz、Vangz Yungj、Vangz Yi、Siuh Gez、Cau Gwzci、Couh Gyangz、Cangh Ginh、Cangh Gingliz、Liuz Gizbauj、Babahlah·Gwzlezlangjgez、Van Gangh、Hoz Houvaz、Luz Canjgungh、Maj Byauh、Cinz Yauj- gvangh、Liengz Cinyingh、Ya Baujlungz、Lij Binh、 Bahdwzwj、Vangh Yungjcingh、Hoz Lizfungh、Suh Veih、Cwng Genbangh、Guh Swngcuj、Liuz Sinhcwngz、Hoz Veiz、Sau Hungz、Gauh Yinzlungz, caeuq Cunghyangh Ginhveij veijyenz Lij Cozcwngz、Myauz Vaz、 Cangh Swnghminz daengj.

Aumwnz Daegbied Hingzcwnggih hingzcwng cangjgvanh Ho Yizcwngz lezsiz aenhoih caemhcaiq youq cuj- sizdaiz naengh.

Cwnghez veijyenz camgya Daengx Guek Cwnghez Gaiq Cibsam Baez Hoih Daihhaj lezsiz aenhoih.

Cunghyangh caeuq guekgya gihgvanh mizgven bouhmonz、gaij- fangginh mizgven danhvei、gak yinzminz donzdij mizgven bouxfucwz lezsiz roxnaeuz youq henz dingq hoih.

Gyoengq sijcez guekrog youq Cungguek haenx youq henz dingq hoih.