Siz Ginbingz Vangh Yangz Vangz Huningz Cau Lozci Hanz Cwng Vangz Gizsanh Daengj Youq Cujsizdaiz Naengh

Lij Gwzgyangz Gangj Cwngfuj Gunghcoz Baugau Liz Cansuh Cujciz Aenhoih

习近平 汪 洋 王沪宁 赵乐际 韩 正 王岐山等在主席台就座

李克强作政府工作报告 栗战书主持大会

Sinhvazse Baekging 3 nyied 5 hauh dienh Gaiq Cibsam Daengx Guek Yinzminz Daibyauj Daihhoih Baez Hoih Daihhaj 5 hauh banhaet youq Baekging Yinzminz Daveidangz haimuq. Ca mbouj lai 3000 boux daengx guek yinzda daibyauj daiq gij daknaek beksingq camgya aenhoih, nyinhcaen hengz gij cizcwz fapguek caeuq faplwd hawj haenx.

Aenhoih cujsizdonz cangzvu cujsiz、caephengz cujsiz Liz Cansuh cujciz aenhoih. Aenhoih cujsizdonz cangzvu cujsiz、caephengz cujsiz Vangz Cinz、Cauz Genmingz、Cangh Cunhyenz、Sinj Yozyoz、Giz Bingjsenh、Ailizgwngh·Yihmingzbahhaij、Van Ngozsiengh、Cinz Cuz、Vangz Dungh- mingz、Bwzmajcizlinz、Dingh Cunglij、Hauj Mingzginh、Cai Dazfungh、Vuj Veizvaz、Yangz Cinvuj youq diegvih caephengz cujsiz naengh.

Siz Ginbingz、Lij Gwzgyangz、Vangh Yangz、Vangz Huningz、Cau Lozci、Hanz Cwng、Vangz Gizsanh caeuq aenhoih cujsizdonz cwngzyenz youq cujsizdaiz naengh.

Gaiq Cibsam Daengx Guek Yinzda Baez Hoih Daihhaj wngq camgya daibyauj 2951 boux. Aenhoih 5 hauh banhaet, camgya 2790 boux, noix 161 boux, soqvunz camgya hab fapdingh soqvunz.

Banhaet 9 diemj, Liz Cansuh gangj: Cunghvaz Yinzminz Gung- hozgoz Gaiq Cibsam Daengx Guek Yinzminz Daibyauj Daihhoih Baez Hoih Daihhaj haimuq, daengxcungq vunz ndaw hoihciengz ndwn hwnj- daeuj, ciengq goguek.

Ciuq aenhoih anbaiz, Gozvuyen cungjlij Lij Gwzgyangz daibyauj Gozvuyen gangj cwngfuj gunghcoz baugau hawj aenhoih. Baugau gungh faen sam aen bouhfaenh: It、Dauqyawj hong 2021 nienz; ngeih、2022 nienz ginghci sevei hwngfat cungjdaej iugouz caeuq cwngcwz aeuyiengq; sam、 2022 nienz yinvu hong cwng- fuj.

Lij Gwzgyangz youq ndaw baugau ceijok, bi gvaqbae neix dwg bi gwnz lizsij dangj caeuq guekgya miz yiyi youqgaenj ndeu. Aen dangjcungh- yangh aeu Siz Ginbingz dungzci guh vaedsim haenx doxgiet daiq daengx dangj daengx guek beksingq gak cuz, hai Aenhoih Angqhoh Cunghgoz Gungcanjdangj Laebbaenz 100 Hopbi hoenghhwd, hai baenz Cibgouj Gaiq Roekcung Cienzhoih Dangj、 dingh aen lizsij gezyi daihsam dangj, ciuqseiz dwk hingz ciengz ciengq vutgungz gunggeng, ciuqseiz cienz- mienh hwnqbaenz siujgangh sevei、saedyienh aen moegbiu bak bi buekguh daih’it, hainduj cienzmienh hwnqguh sevei cujyi yendaiva guek- gya、coh aen moegbiu bak bi buekguh daihngeih yamq hwnj roenmoq. Bi ndeu gvaqdaeuj, najdoiq gij hingzseiq ndawguek rogguek fukcab yiemzhaenq caeuq haujlai fungyiemj deuqnyex, daengx guek gwnz laj caezcaemh roengzrengz, dungjcouz yawhfuengz guenjhanh binghraq caeuq ginghci sevei hwngfat, daengx bi cujyau moegbiu yinvu guhsat haemq ndei, “cibseiq haj” saedyienh haidaeuz ndei, guek raeuz hwngfat youh aeundaej cingzcik hungnaek moq.

（cienj banj 2）