Vih caenh’itbouh haeujlaeg guh hong “song gemj” caeuq “haj hangh guenjleix”, 2 nyied 24 hauh, Sanglinz Yen Minzcuz Saedniemh Hagdangz guh aen hozdung langhbaij hanzgyaj cozyez miz daegsaek aen cawjdaez “duzguk vifung”.

Baezneix gungh langhbaij coz- binj maenhndei 140 fuk, ndawde baugvat it nienzgaep “ceijdangz bienq ndang”; ngeih nienzgaep “cauh’eiq gou ceiq ak”； sam nienzgaep “gya faenh saekheu hawj ciengmoq” caeuq seiq、haj、roek nienzgaep vehveh seiq senj it minzsuz vehcieng、doiqcieng、daet vacueng、“gou vih Baekging Dungh’auvei gyayouz”. Doenghgij cozyez yiengh cauhmoq miz daeg- diemj、cozyez yiengh saedguh damqra miz daegsaek、cozyez loih yungzhab hamj yozgoh cauh’eiq lailai, gij laeb- laeng son’gyauq dajveh miz laiyiengh、miz daegdiemj、miz cengca, cigsoh daengz dieg doeklaeng son vunz、buenx hagseng vuenyungz majhung.

Ciuq cam rox, aen hagdangz neix binaengz genhciz daj vwnzva yozgoh、yidij yozgoh、cunghab saedguh roengz fwngz, guh mbaw dan gyajgeiz cozyez miz cauh’eiq, hawj hagseng youq ndaw angqyangz hag, youq ndaw hag majhung, hawj lwgnyez bouxboux cungj ndaej gvaq aen gyajgeiz laiyiengh、cungcuk youh miz yiyi ndeu.

(Dwng Lingz Dangz Gijbinh Lij Lanzyen)