Sinhvazse Baekging 2 nyied 20 hauh dienh Aen bimusiz Gaiq Daih- ngeihseiq Aulinzbizgwz Yindungvei Seizdoeng 20 hauh banhaemh youq Guekgya Dijyuzcangz banh. Siz Ginbingz、Lij Gwzgyangz、Liz Cansuh、Vangh Yangz、Vangz Huningz、Cau Lozci、Hanz Cwng、Vangz Gizsanh daengj bouxlingjdauj dangj caeuq guekgya, Gozci Auveijvei cujsiz Bahhwz camgya aen bimusiz.

16 ngoenz gvaqbae neix, Baek- ging raen le gij siengjmuengh caeuq miznaj dijyuz doxdax, gietcomz le gij cingzngeih caeuq doxgiet vunzloih sevei. Baihlaj geizhajgien, ca mbouj geijlai 3000 boux yindungyenz daj 91 aen guekgya caeuq gizdieg daeuj haenx haenqrengz buekmingh、deuq- nyex gighanh、hamjgvaq bonjfaenh, cauh 2 hangh seiqgyaiq geiqloeg caeuq 17 hangh dungh’auvei geiqloeg moq, guh’ok gij yiengh “engq vaiq、engq sang、 engq ak——engq dox- giet”. Cungguek haekfug binghraq yingjyangj, vih banh gaiq dungh’auvei genjdanh、ancienz、ndeiyawj ndeu ok haujlai rengz, ciengzguenj sezsih doxdax ndei dangqmaz, hong cujciz fugsaeh ndei dangqmaz, ndaej daengz aen gyadingz hung aulinzbizgwz caeuq gozci sevei haenhndei. Cungguek daibyaujdonz aeu ndaej 9 gim 4 ngaenz 2 doengz cauh le mbat dungh- auvei ndeu ndaej soq gimbaiz caeuq soq ciengjbaiz song hangh geiqloeg, buengjbaizmingz gimbaiz vih daihsam, cauh le daj 1980 nienz doxdaeuj cam- gya dungh’auvei aeundaej cingzcik ceiq ndei.

20 diemj cingq, aen bimusiz haiciengz biujyienj 《Diemjrongh》 hainduj lo. Gyoengq lwgnyez fwngz riuj daeng’va naefaiq, yungh gij cienzdoengj ciet cieng cibngux diemj daeng’va, diemjrongh le cih “doeng” veiveih gwnz ciengzdieg.

Gwnz ciengzdieg okyienh le aen doz Cungguekgiet hungloet, gyoengq gizsouj fwngz gaem mbawgeiz 91 aen daibyaujdonz camgya gaiq dungh- auvei neix haeujciengz. 《Angqyangz Ciengq》 diuzgo ginghdenj yiengj hwnjdaeuj, yindungyenz daibyauj haeujciengz, daengx ciengz bouxyawj dopfwngz caeuq angqhemq huhu, cukhoh caeuq gingqeiq gyoengq yindungyenz.

Bingzmuq boqcuengq benqdinj 《2022， Miz Gou》, yienh’ok yaep ndeiyawj gyoengq yindungyenz haenqrengz buekmingh、cingsaenz gvaekgvaek. Riengzlaeng, fat ciengj hawj boux ndaej ciengj youq doengh vad nae mehmbwk 30 goengleix cizdij haidin（swyouz gisuz） hangh- moeg caeuq youq doengh vad nae bouxsai 50 goengleix cizdij haidin（swyouz gisuz） hanghmoeg.

Bingzmuq boqcuengq benqdinj Gozci Auveijvei 《Gij Rengz Saenq- niemh》, langhbaij le gij cingsaenz aulinzbizgwz “engq vaiq、 engq sang、 engq ak——engq doxgiet”.

Aen hoihhoengh yaek sat, youh daengz mwh faenbied. Vunz ciuhgeq Cungguek ciengzseiz euj nyeliux soengqbied, naeuz gij cingz ngeix- naemj. 365 boux vunz bingzciengz gak hangz gak nieb、nienzgeij mbouj doxdoengz fwngz gaem nyeliux, comz youq cungqgyang ciengzdieg, naeuz gij ngeixnaemj daengx bi 365 ngoenz.

Mbawgeiz aulinzbizgwz hainduj doxgyau. Baekging Si sicangj Cinz Gizningz vad geizhajgien, yienzhaeuh gyau hawj Gozci Auveijvei cujsiz Bahhwz. Bahhwz gyau mbawgeiz hawj Yidali Mijlanz Si sicangj Salah caeuq Goh’wjdinadanhbeicoj Si sicangj Gaidizna aen hawsingz cawj- banh gaiq laeng dungh’auvei.

Yienhciengz boq goguek Yidali, swng geizguek Yidali hwnjdaeuj. Mijlanz Si caeuq Goh’wjdinadanh- beicoj Si biujyienj le 《Song Singz Doxgap·Comz Rengz Caez Rongh》 aen cezmuz ndeiyawj.

Riengzlaeng, Baekging Dungh- au Cujveij cujsiz Cai Giz gangjvah naeuz, youq 16 ngoenz hawj vunz nanzlumz neix, gyoengq yindungyenz seiqgyaiq gak dieg youq gwnzciengz haenqrengz doxdax, langhbaij gij yinxdaeuz dijyuz, lwnhgangj gij cing- saenz aulinzbizgwz “engq vaiq、 engq sang、engq ak——engq doxgiet”. Baekging Dungh’auvei hainduj le aen seizdaih moq loh yindung naesiet daengx seiqgyaiq, raeuz aeu geiq duenh seiz dungh’au nanzlumz neix, dazfwngz haicauh coglaeng vunzloih engqgya gyaeundei.

Gozci Auveijvei cujsiz Bahhwz gangjvah. De naeuz, gaiq dungh’auvei neix auyincunh daegbied gagmiz，ciengzguenj hawj vunz haenh, hong cujciz ndei dangqmaz. Dou gyo’mbaiq Baekging Dungh’au Cujveij、 Cung- guek cwngfuj bouhmonz nem gyoengq bouxdoih doxgap caeuq gyoengq baengzyoux youq Cungguek.

Bingzmuq boqcuengq benqdinj 《Caiqraen! Doxcaez Coh Coglaeng！》， youq mwh gaiq dungh’auvei neix yaek gietsat, dingh roengz gij cingzngeih beksingq Cungguek sij mbouj ndaej biekliz bouxhek seiqgyaiq gak dieg.