Daep cieng dangjyenz coq najaek、langhbaij bonjfaenh dwg dangjyenz、yaengx sang geizdangj hoenx binghlah, “gou dwg dangjyenz gou guh gonq!”Fung nem fung saenq cingjgouz dingjhoenx, aen dam aen yaenqfwngz hoengzfwd, coenz youh coenz vahmieng buek hoenx……Geij ngoenz doxriengz neix, Bwzswz Si gak cuz ganbu ginzcung bae giz ceiq baihnaj dingjhoenx binghlah, bouxboux cungj mbouj nguh saek seiz ciuq gak aen banhfap fuengzgaemh binghlah, hawj geizdangj youq giz ceiq baihnaj dingjhoenx binghlah hoengzfwdfwd.

（Vuj Cunghgoz/伍忠国）