Bonjbauq siusik （gicej Cau Dwzfeih） Mboengqneix ndawguek bouh daih’it cienzmienh cingjleix yenzgiu Sawndip caeuq sawloih ndaw cek saw《Hoiz Gej Ingjyaenq Sawmo Baeuqroxdoh Boux- cuengh》—— 《Yenzgiu Cihsaw Saw- loih〈Hoiz Gej Ingjyaenq Sawmo Baeuqroxdoh Bouxcuengh〉》 okbanj. Cek saw neix dwg aen duenzdoih Vangz Nanzginh gyausou Gvangjsih Dayoz ginggvaq cib lai bi yenzgiu gij saw ciuhgeq ndaej okdaeuj, youz Gvangjsih Gyauyuz Cuzbanjse okbanj.

《Hoiz Gej Ingjyaenq Sawmo Baeuqroxdoh Bouxcuengh》 dwg gij vwnzyen Sawndip ceiq lai seizneix yungh fuengfap yiemzmaed cingjleix sawgeq cingjleix okbanj, hix dwg gij saw youqgaenq roxyiuj caeuq yenzgiu lizsij vwnzva Bouxcuengh. Vangz Nanzginh gyausou caeuq aen duenz- doih de daj 2005 nienz couh hainduj diucaz yenzgiu gij vwnzyen fwngzcau caeuq Sawndip ndawbiengz Boux- cuengh, caemhcaiq cungdenj cingjleix yenzgiu 《Hoiz Gej Ingjyaenq Sawmo Baeuqroxdoh Bouxcuengh》. Daj hai- nduj yungh fwngz cau cih Sawndip, daengz gag sezgi cauh cihsaw、cauh cang cihsaw gisongih, yungh sugigu gyoepsuenq faenzbonj, Vangz Nanz- ginh gyausou caeuq aen duenzdoih de cienzmienh cingjleix caeuq cunghab yenzgiu yaenglwnh faenloih lijlun yiengh cihsaw Sawndip、saenqsikvaq cawqleix、gyoepsuenq soqgawq cihsaw sawloih、sawloih doxbeij、 faensik eiqsei sawloih caeuq vwnzva hamzmiz、faensik cek vwnzyen fwngzcau Boux- cuengh、 Cuengh Gun doiq hoiz daengj.

Ciuq cam rox, 《Yenzgiu Cihsaw Sawloih 〈Hoiz Gej Ingjyaenq Sawmo Baeuqroxdoh Bouxcuengh〉》 dwg aen hanghmoeg aeu cienzngaenz cienmonz coengh okbanj saw minzcuz caeuq aen hanghmoeg dajveh geizlaeng bang- cienz gij cwngzgoj maenhndei gohyenz saw vah Guekgya Yijveij.