2 nyied 3 hauh, Yungzsuij Myauzcuz Swciyen Anhcuiz Yangh Gyanghmwnz Cunh Dangjcungj- cihbu suhgi、cunhveij cujyin Yangz Ningz dang hojgisouj, youq Hozbwz Canghbwz Yen Dwzswng Cunh diemjvih caeuqfaenh Baekging Dungh’auvei hojgi cienzndenq.

Canghbwz Yen Dwzswng Cunh dwg daengx guek vutgungz gunggeng senhcin cizdij, dwg aen camh daihngeih youq Hozbwz cienzndenq hojgi cieprengz. Aen diemjvih cawjdaez dwg “byaij coh saenqhwng”, lohsienq cieprengz daih’iek 3.3 goengleix, gungh miz 54 boux hojgisouj caeuq- faenh cieprengz, ndawde haujlai boux dwg gihcwngz dangjyenz ganbu youq lajmbanj guhhong.

Yangz Ningz bineix 37 bi, dwg lwg daj iq sengmaj youq Mbanjmyauz, de dayoz bizyez le couh dauqbae Yungzsuij dang cunhganbu, daiq vunzlai vutgungz baenzmiz, hawj Gyanghmwnz Cunh cingzsoq baenz gungzhoj daj 20% gyangq daengz lingz.

“Gou heuh Yangz Ningz, dwg boux cunhganbu Liujcouh Yungzsuij Yen Anhcuiz Yangh Gyangh- mwnz Cunhveijvei ndeu, cunhganbu raeuz aeu laebdaeb vih lajmbanj saenqhwng okrengz bonjfaenh.” Bi’gvaq ndwencieng, Yangz Ningz dangguh bouxvunz senhcin vutgungz gunggeng daengx guek 2020 nienz, ndaej hwnj aen cezmuz daegbied yanghsi cunhvanj 《Coh Guekcoj Bauq- lwnh》, de daiqbiuj cunhganbu daengx guek gangj- vah, caeuq beksingq daengx guek doxcaez faen- yiengj gij angqyangz hingz ndaej ciengz ciengq vutgungz gunggeng. Doengh bi neix, Yangz Ningz gonqlaeng ndaej daihbet gaiq daengx guek daudwz mozfan daezmingzciengj、daengx guek sam bet hungzgizsouj、bouxdaiqdaeuz baenzmiz lajmbanj bouxcoz daengx guek daengj cwngheuh.

(Cangh Gvannenz Couh Cizgyah)