Mboengq gvaqcieng, daengx gih gak dieg gungh doiok 546 aen hozdung angqhoh ngoenzciet, doiok 144 hangh banhfap mizleih, vwnzlij hawciengz yienh’ok “feih cieng noengznwd、cauh’eiq moqsag、daegsaek ronghsien” daengj daegdiemj, baeyouz byonghngoenz、baeyouz ngoenz ndeu、baeyouz seiqhenz daengj hawj vunzlai haengjgyaez. Ciuq gyoebsuenq, 7 ngoenz ngoenzciet, daengx gih gungh ciepdaih bouxhek ndawguek 2053.64 fanh vunzbaez, saedyienh lijyouz souhaeuj 129.63 ik maenz.

Vwnzva lijyouz minzsuz hozdung feih cieng noengznwd. Daengx gih gak dieg feihyiz baujhoh cunghsinh doiok “vwnzva haeuj fanh ranz, sibinz cigboq cieng ranzmbanj” hozdung, gwnzsienq fatbouh danz gimzyienzdog 《Gingh Mung Yauz》、caez roq gyong laz 《Fwen Mizdu》、caijcaz 《Nonjliuz》 daengj ndaejdaengz vangjyouj haengj- gyaez. Gak si gunghgung vwnzva cangzgvanj laj- sienq doiok heiqngaeuznaeng、cuknyumx、heiq- yungh、daetceij daengj lai loh feihvuzciz vwnzva yizcanj langhbaij hozdung, gak dieg lijyouz gingjgih（diemj） guh daejniemh guhcaz、guhceiz、foux lungz foux saeceij daengj lai loh minzsuz biujyienj hozdung.

Huq lijyouz miz daegsaek lairaeuh. Daengx gih gak dieg comzyawj Baekging Dungh’auvei、 baeyouz lajmbanj、 saekhoengz gyauyuz daengj neiyungz, guh baenzroix hozdung coux ciengmoq miz daegsaek. Ndawde, “coux dungh’au” baenz aen cawjdaez miz daegsaek gvaq ngoenzciet, Liujcwngz Yen Daibingz Cin Lungzhingh Cunh Mbanjgujmwh daengj 3 aen mbanj ndaej senjhaeuj “angqyangz gvaq cieng·angqcoux dungh’auvei——ndwenngoenz gyaeundei dou” 2022 nienz daengx guek “cunhvanj” diemj guhyiengh hozdung, caemhcaiq youq guekgya gunghgung vwnzvayinz bingzdaiz guh langhbaij.

Mboengq ngoenzciet, gak loih “sang moq geiz” huq vwnzlij caeuq hozdung baeyouz miz daegsaek baenz diemjrongh, vwnzlij siuhfei hawciengz bienq hoenghhwd. Nanzningz AC Mall Gohgi Yisuz Cungh- sinh yungh 《Doz Cingmingz Hwnj Haw》 guh cawj- daez, yungh gauhgohgi yienh’ok 《Doz Cingmingz Hwnj Haw》 gij gingj nauhyied hoenghhwd moq, dajcauh “vwnzva+gohgi” vwnzlij siuhfei yienghmoq. Gveilinz、Liujcouh、Ginhcouh daengj dieg doiok bae vad ruz、bae vad saz、daejniemh mbin liengj daengj hozdung miz daegsaek, bouxhek gaenxmaenx caeuq- faenh.(Vuz Libingz Lijciyungz)