Liujcouh lozswhfwnj canjnieb guhcingq gak minzcuz beixnuengx daj hainduj doxdaeuj doengzcaez aeu guhbaenz siengjmuengh、doengz- caez okrengz guhsaeh、doengzcaez cauhguh、doengzcaez baenzfouq caezhoz guhbaenz siengj- muengh. Liujcouh lozswhfwnj dazyinx vunz hwnqguh 50 lai fanh moux dieggoek yenz- caizliu baudaengz haeuxnaz、rangzgwn、duhnoh、raetndaem daengj, rangh daengz nungzyez、sizbinj gunghyez、denswj sanghvu daengj lai aen hangznieb, fatmaj gunghyez lijyouz、haifat canjbinj vwnzva cauhmoq daengj, hawj daih’it、 daihngeih、 daihsam canjnieb ndaej guhdoih fatmaj. Youq gak giz guh lozswhfwnj miz gak cuz cizgungh guhdoih nyaengq hong, Liujcouh lozswhfwnj canjyezyenz miz 37 aen giyez haeuj ndaw, ndawde 9 aen dwg boux giyezgyah siujsoq minzcuz cauhbanh, sou aeu 2000 lai vunzhong, ndawde vunz siujsoq minzcuz ciemq 70% doxhwnj. Miz binghraq bwtndat le vunzhong dieg minzcuz mbouj bienh ok rog dajgoeng, Liujcouh anbaiz vunz ranzgungzhoj roxnaeuz vunzhong lw lajmbanj haeuj lozswhfwnj swnghcanj giyez guhhong, hawj 5000 lai vunz miz hong guh.

（Gvangjsih Minzcuz Yenzgiu Cunghsinh hawj gauj）