1 nyied 22 hauh banhaet, Gvangjsih Liuz Sanhcej Vwnzva Yenzgiuvei caeuq Gvangjsih Gvei- fungh Cang’yin Vwnzva Yisuz Gyauhliuz Cunghsinh caezcaemh youq Nanzningz banh aen hoih gangjgoj coux cieng moq, “vuengzfwen Mbanj- cuengh” Vangz Cunhyen caeuq lai boux canghgo nem gak hangz boux- guhhong yisuz minzcuz, caezcaemh ciengqgok sing fwen “Liuz Sanhcej”, yungh gij minzcuz vwnzva miz feih Mbanjcuengh hohfuk cietndei cieng moq yaek daeujdaengz.

“Liuz Sanhcej” dwg gij fouzhauh daibyauj minzcuz vwnzva Gvangjsih, Gvangjsih Liuz Sanhcej Vwnzva Yenzgiuvei roengzrengz yenzgiu、swnjcienz、baujhoh caeuq cauhmoq hwngfat cienzdoengj minzcuz vwnzva, fatok gij cozyung dungxcaiz haujlai lauxhangz、yozcej， hawj vwnzva caeuq ginghci yungzhab hwngfat. Hozdung ngoenzhaenx cungfaen yienh’ok gij cunghcij caeuq daegsaek aen yenz- giuvei neix, dangciengz yienj cezmuz cungj dwg hopheux “Liuz Sanhcej” caeuq gak minzcuz cienzdoengj vwnzva yisuz Gvangjsih aen cawjdaez neix, cungfaen langhbaij gij yinxdaeuz “vwnzva Liuz Sanhcej”.

Boux canghgo mizmingz gih raeuz、bouxyienj guekgya it gaep Vangz Cunhyen dangciengz ciengq 《Mbanjranz Fwen》, haujlai canghgo yienjciengq 《Golaux Bouxcuengh》《Ranz Gou Youq Henz Dahlizgyangh》《Fwengingqlaeuj Bouxcuengh》 daengj, danz dingzdingj 《Dingzdingj Ndei Ya》、 diuq foux 《Ndwenngoenz Vuenyungz》 daengj cezmuz hix miz daegsaek Gvangjsih dangqmaz.

Hozdung ngoenzhaenx, Gvangjsih Liuz Sanhcej Vwnzva Yenzgiuvei aeu baiz hawj Gvangjsih Gveifungh Cang- yin Vwnzva Yisuz Gyauhliuz Cungh- sinh daengj aen danhvei gapguh, doenghgij danhvei caeuq giyez neix yaek dangguh aen dieggoek diuyenz lauxhangz yenzgiuvei diuyenz caeuq fugsaeh camcaz, bangrengz yenzgiu caeuq hwngfat “vwnzva Liuz Sanh- cej”, caezcaemh roengzrengz swnj- cienz vwnzva Gvangjsih、gangj ndei gojgaeq Gvangjsih.

(Sunh Bungzyenj)