1 nyied 17 hauh, Aen Hoih Baez Haj Daihcibsam Gaiq Yinzminz Daibyauj Daihhoih Gvangjsih Boux- cuengh Swcigih youq Gvangjsih Yinzminz Veidangz haimuq.

Aen hoih youz daihhoih cuj- sizdonz cangzvu cujsiz、caephengz cujsiz Liuz Ningz cujciz.

Swcigih cujsiz Lanz Denhliz daibyauj Swcigih Yinzminz Cwngfuj coh daihhoih guh cwngfuj gunghcoz baugau. Baugau faen baenz sam aen bouhfaenh：Dauqyawj gunghcoz 2021 nienz, anbaiz gunghcoz 2022 nienz, cienzmienh gyagiengz hwnqguh bonj- ndang cwngfuj.

Lanz Denhliz naeuz, 2021 nienz dwg bi dangj caeuq guekgya gwnz lizsij miz yiyi raixcaix ndeu, dwg bi youqgaenj raixcaix ndaw Gvangjsih gaijgwz hwngfat baenaj. Siz Ginbingz cungjsuhgi daeuj Gvangjsih cazyawj baez moq. Raeuz angqhoh Cungguek Gungcanjdangj laebbaenz bak bi, Cibgouj Gaiq Roekcung Cienzhoih Dangj hai ndaej baenz, raeuz caeuq daengx guek caezcaemh cienzmienh hwnqbaenz siujgangh sevei, hainduj cienzmienh hwnqguh duenh roen moq Gvangjsih sevei cujyi yendaiva. Gak cuz beksingq daengx gih geiqmaenh vahdaengq bouxdaeuz、 rap hwnj lizsij sawjmingh, gyo’mbaiq haenqguh baenaj、haekfug hojnanz haenqguh baenaj, gyamaenh gya’gvangq gij cwngzgoj yawhfuengz guenjhanh binghraq caeuq ginghci sevei hwngfat, ginghci yinhhengz laebdaeb hoiz- soeng, canjnieb saenqhwng cingzyauq yienhda, caetliengh yauqik onjyamq daezsang, cauhmoq cwngzgoj mbouj- duenh okyienh, cuengqlangh yamq ok yamqdin maenhsaed, minzswngh baujcang rengzrwd.

Lanz Denhliz naeuz, bineix yaek hai Ngeihcib Daih Dangj, guh ndei gak hangh hong yiyi hungnaek. Raeuz aeu gij ngeixnaemj sevei cujyi miz daegsaek Cungguek seizdaih moq Siz Ginbingz guh dazyinx, cienzmienh gvancez doeksaed gij cingsaenz Cibgouj Daih caeuq Cibgouj Gaiq ligbaez cienzhoih caeuq Aen Hoih Hong Ginghci Cunghyangh, haeujlaeg gvancez doeksaed gij cingsaenz gangjvah youqgaenj “4·27” Siz Gin- bingz cungjsuhgi cazyawj Gvangjsih caeuq baenzroix iugouz cijsi youq- gaenj naeuz hong Gvangjsih, fat- yiengz cingsaenz laebdangj hung- mbwk, gaenjndaet hopheux aen dijhi moegbiu yinvu “1+1+4+3+N” Swcigih Baez Daihcibngeih Dangj- daivei daezok, dungjcouz doicaenh “haj vih daej ndeu” cungjdaej baijbouh, hezdiuz doicaenh “seiq aen cienzmienh” canloz baijbouh, genhciz guh hong onjyamq youh baenaj, caezcienz cinjdeng cienzmienh gvan- cez leixniemh hwngfat moq, fugsaeh caeuq yungzhaeuj gwzgiz hwngfat moq, cienzmienh haeujlaeg gaijgwz hailangh, genhciz cauhmoq hwngfat gyaepdoengh moq, doidoengh hwngfat youh ndei youh vaiq, genhciz yungh gunghgijcwz gezgousing gaijgwz guh sienqmeh, dungjcouz yawhfuengz guenjhanh binghraq caeuq ginghci sevei hwngfat, dungjcouz hwngfat caeuq ancienz, laebdaeb guh ndei hong “roek onj” “roek bauj”, genhciz cwngcwz guh daeuz、hanghmoeg guh vuengz、vanzging guh goek、cauhmoq guh gvanhgen, doicaenh gunghyez、lajmbanj、gohgyau sam loh saenq- hwng, vatcimh hailangh doxgap、swhyenz、cwngzcinva yienghmoq sam loh rengz, soujmaenh swnghdai vanz- ging、minzswngh baujcang、ancienz hwngfat sam diuz daejsienq, laeb- daeb gaijndei minzswngh, baujmaenh ginghci yinhhengz an’onj， baujmaenh sevei daihbuenz huzndei onjdingh, giet sim comz rengz cauhlaeb aen Gvangjsih gyaeundei sevei cujyi miz daegsaek Cungguek seizdaih moq aeundaej cingzyauq moq, yungh cingzcik ndei ciepcoux Ngeihcib Daih Dangj hai ndaej baenz.

Lanz Denhliz naeuz, bineix gih raeuz ginghci sevei hwngfat cujyau yawhgeiz moegbiu dwg：Ginghci dem- maj 6.5% doxhwnj, itbuen gunghgung yawhsuenq demmaj 3%, gveihmoz doxhwnj gunghyez gyalai demmaj 7%， dinghmaenh swhcanj okgoek demmaj 10%, huq siuhfei sevei gailingz cungj- ngeg demmaj 8%， seng’eiq cincuz- gouj cungjngeg demmaj 7%, mbaet- yungh nwngzyenz gemjnoix baiz- cuengq gyangqdaemq danq baizliengh guenjhanh youq ndaw aen moegbiu guekgya roengz de, beksingq bouxvunz bingzyaenz ndaej ceiboiq souhaeuj caeuq ginghci demmaj gihbwnj caemhyamq, cwngzcin diucaz saet- nieb cingzsoq mbouj mauhgvaq 6%, haeuxgwn onjdingh ndaej 274 ik gaen doxhwnj. Bineix ginghci demmaj yawhgeiz moegbiu daejyienh gij iugouz guh hong onj guh daeuz、ndaw onj baenaj, raeuz aeu haenqrengz baenaj、ngaem gyaeuj haenqguh, buet ok suzdu、buet ok yienghndei、buet ok cingzcik, coh moegbiu engq sang bae guh, doidoengh bien’gyaiq dieg minzcuz hwngfat youh ndei youh vaiq roemx ok diuz roen moq、gyau ok mbawgienj ndei. Aeu gyamaenh gya’gvangq gij cwngzgoj vutgungz gunggeng, cienzmienh doicaenh lajmbanj saenqhwng; demgiengz rengz gyaepdoengh cauhmoq, laebdaeb doicaenh gunghyez saenqhwng; doidoengh siuhfei onjdingh hoizsoeng, coicaenh fuzvuyez daihneix daezcaet swnggaep; gyavaiq hwnqguh hangh- moeg hungnaek, roengzrengz guh- baenz okgoek demliengh engq lai mizyauq, doidoengh suijbingz cuengq- langh engq sang, fugsaeh caeuq yungzhaeuj gwzgiz hwngfat moq langhbaij dangguh moq; laebdaeb haeujlaeg gaijgwz gizdieg cungdenj、gikfat rengzlix hawciengz cawjdaej engq hung； haeujlaeg caizcwng ginh- yungz lienzdoengh, gyalai haeuj- coengh saeddaej ginghci hwngfat; cukmaenh swnghdai ancienz bingz- cang baihnamz, doidoengh saekheu hwngfat yamq ok yamqdin moq; laebdaeb baujcang caeuq gaijndei minzswngh, mboujduenh hawj bek- singq gvaq ndwenngoenz ndei; dungj- couz ndei hwngfat caeuq ancienz, henhoh sevei daihbuenz huzndei onjdingh. Aeu genhciz caeuq henhoh “song aen dinghlaeb”, haenqrengz fatyiengz cingsaenz laebdangj hung- mbwk, cienzmienh gyagiengz hwnqguh bonjndang cwngfuj, dawzyiemz dawz- gaenj doicaenh hwnqguh aen cwngfuj seuqcengh, haeujlaeg cauhlaeb aen cwngfuj fapceih, laebdaeb roengzrengz gyagiengz hwnqguh cozfungh, laeb- daeb daezswng cwngfuj yauqnaengz, haenqrengz byaij ndei diuz roen bae ganjgauj.

Lanz Denhliz giengzdiuh, raeuz yaek engqgya gaenjndaet hopheux youq seiqhenz Dangjcunghyangh aeu Siz Ginbingz dungzci guh vaedsim, riengz Swcigih Dangjveij byaijbae, haenqrengz buekguh、haenqguh mbouj soeng, giet sim comz rengz cauhlaeb aen Gvangjsih gyaeundei sevei cujyi miz daegsaek Cungguek seizdaih moq, yungh cingzcik ndei ciepcoux Ngeih- cib Daih Dangj hai ndaej baenz!

Ciuq aen hoih anbaiz, aen hoih saemjcaz gij baugau Swcigih Yinzminz Cwngfuj mizgven swcigih 2021 nienz gozminz ginghci caeuq sevei hwngfat dajveh caephengz cingzgvang caeuq 2022 nienz gozminz ginghci caeuq sevei hwngfat dajveh caujanq、gij baugau mizgven daengx gih caeuq swcigih bonjgaep 2021 nienz yawh- suenq caephengz cingzgvang caeuq 2022 nienz yawhsuenq caujanq.

（Gungh Vwnzyingj Cinz Yizcwz）