Bonjbauq siusik（gicej Vangz Yinz） 1 nyied 6 hauh, Aen Yizsiz Fat Gij Ciengj Gvendaengz Hozdung Angqhoh Cunghgoz Gungcanjdangj Laebbaenz 100 Hopbi——Eu Fwen Lwnhrox Cawzdaez“Fwen Biengz Gvangjsih Gyo’mbaiq Dangj” youq Nanzningz guh, baez hozdung neix youz Swcigih Minzcunghveij cawjbanh、Gvangjsih Sam Nyied Sam Cazcise caeuq Gvangjsih Hungzsuijhoz Vwnzva Lijyouz Gunghswh doxgap ciepbanh. Baez hozdungh neix gungh soucomz ndaej 63 cuj 1260 lai hot fwen, gungh bingz 2 aen cozbinj ndaej itdaengjciengj、5 aen cozbinj ndaej ngeihdaengjciengj、8 aen cozbinj ndaej samdaengjciengj. Ndawdoz dwg yizsiz baez fatciengj neix.