Dangseiz Gvangjsih gunghyez gihcuj nyomq lailai, Sanghaij giyez haeujcoengh Gvangjsih, daj dieg henzhaij dawz haujlai vunzcaiz、gisuz、sezbei daeuj Gvangjsih, hawj gij gunghyez Gvangjsih fatmaj doeklaeng de mizrengz “cauh lwed”, ok rengz hung doinyoengx Gvangjsih gunghyez fatmaj, hawj Gvangjsih hainduj miz haujlai gunghyez hangznieb. Gyoengqde daengz Gvangjsih caemh lij bauj miz gij cingsaenz gauhsang caeuq cozfungh maenhndei duh Sanghaij gunghyinz gaihgiz, gyoengq ganbu cizgungh ndaw giyez Sanghaij coengh bien, yawj leih’ik guekgya ceiq naek, youq Gvangjsih youq roengzdaeuj, dangq Gvangjsih baenz aen mbanj- ranz daihngeih, caen guh vunz Gvangjsih dahraix, okrengz ok- maeuz bonjfaenh, gensez baihnamz guekcoj ndaej lai ndei raeuh.

Guek raeuz dwg aen guek doengjit miz lai aen minzcuz, dieg minzcuz fatmaj liz mbouj ndaej daengx guek yinzminz haeujcoengh. Siz Ginbingz cungjsuhgi iugouz, guhnet guhsaed hong dieg coengh dieg, ok rengz lailai hawj minzcuz doxgiet、hawj dieg henzguek fatmaj. Haeujcoengh dieg henzguek, guek- coj aeu raeuz baenzneix guh, gensez dieg henzguek aeu raeuz baenzneix guh, cienzmienh hwnqguh aenbiengz siujgangh hix aeu raeuz baenzneix guh.

（Gvangjsih Minzcuz Yenzgiu Cunghsinh hawj gauj）