Bonjbauq siusik（gicej Maj Veiyungz）12 nyied 25 hauh, Aen Hoih Fatbouh Saw Moq《Ra Gij Ndaekndaw Vwnzva Doenghgo Bouxcuengh》youq Nanzningz hai. Baez hoih neix caemh youq gwnzsienq lajsienq banh, gyangciengz lij guh hozdung ciemcoh soengq saw. 《Ra Gij Ndaekndaw Vwnzva Doenghgo Bouxcuengh》youz Gvangjsih Minzcuz Dayoz goeng gyausou、bozswswngh daujswh Mungz Yenzyau raiz, Gvangjsih Minzcuz Cuzbanjse 10 nyied okbanj. Bonj saw neix dingh ndei gij mingz Vahcuengh、Vahgun、Yinghyij、Lahdingh Yozmingz 600 lai cungj doenghgo ranghdieg Bouxcuengh. Ndawdoz dwg gyangciengz fatbouh saw moq.