Geij bi neix daeuj, Swcigih Liengzsiz Caeuq Vuzswh Cuzbei Giz giethab gij cingzgvang hwngfat canj- nieb haeuxgwn gih raeuz, haeujlaeg guh cawjdaez hozdung “minzcuz dox- giet·haeux an fouq minz” daengj, youq gohyoz romyo haeuxgwn、 aen gunghcwngz haeuxgwn ndei、soucawx haeuxnaz miz boujdiep daengj fueng- mienh bued cienz caemhcaiq ngeng- gonz cwngcwz dem, haenqrengz hawj dieg minzcuz haeuxgwn lai ancienz.

Doigvangq gohyoz romyo haeux- gwn. Sonyinx boux ndaem haeux doenggvaq gyaranz romyo haeuxgwn gyamaenh gij giekdaej haeuxgwn ancienz, boiq aen cang gohyoz romyo haeuxgwn hawj 8.6 fanh ranz nungz- hoh Yungzsuij、Sanhgyangh、Lungz- linz、Bahmaj、Duh’anh daengj siujsoq minzcuz swciyen, bued cienz 1510 fanh maenz hwnqguh caeuq gaijguh gij sezsih aen cang romyo haeuxgwn siujsoq minzcuz swciyen, vih ancienz romyo haeuxgwn gunghawj diuzgienh rengzrwd, gemjnoix haeuxgwn sonj- saet.

Hengzguh aen dajveh hengz- doengh “liengzyouz ndei Cungguek”. Youq Yungzsuij、Lozcwngz daengj siujsoq minzcuz swciyen anbaiz cienz boujdiep Cunghyangh 500 fanh maenz, doenggvaq aen giyez lingx- daeuz daiqdoengh, sonyinx dangdieg diuzcingj ndei gezgou dajndaem, guh ndei mwh soucawx huq ndei gai ndaej gyaqcienz sang, cietsaed hawj haeuxgwn caetliengh yauqik lai sang. Cingjhab cienz caizcwng 2890 fanh maenz, youq Yungzsuij、Lungzswng、Gunghcwngz、Fuconh daengj siujsoq minzcuz swciyen hwnqbaenz 10 aen cungsim fugsaeh haeuxgwn baenzsou, bang gyoengqvunz ndaem haeux gangqhawq、dak、sourom daengj.

Swcigih Liengzsiz Caeuq Vuzswh Cuzbei Giz gungh anbaiz soucawx 13.5 fanh dun haeuxnaz miz boujdiep siujsoq minzcuz swciyen, gungh bued cienz 4040 fanh maenz, gyoengqvunz ndaem haeuxnaz ciuq dajveh gai haeuxgwn le ndaej cienz boujdiep, hawj vunzlai dieg minzcuz ndaem haeux souik ndaej onjdingh.

(Danz Cozvwnz Se Yijfanz）