（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz sambak goujcib haj Gij caizcanj lajneix bouxdawzcaiq rox- naeuz bouxdaihsam miz gienz cawq- leix haenx, ndaej aeu daeuj dingjat:

(It) Gaiqranz caeuq doenghgaiq wnq bengx youq gwnz diegdeih;

(Ngeih) Gij gienzyungh dieg daj- hwnq;

(Sam) Gij gienzyungh dieghaij;

(Seiq) Doengh gaiqyungh guh- hong、yienzcaizliuh、bancwngzbinj、canjbinj;

(Haj) Gaiqranz、 aen ruz、 aen- mbinmbwn cingq cauhguh haenx;

(Roek) Gaiqdawz gyaudoeng daehyinh;

(Caet) Gij caizcanj wnq faplwd、fapgvi hingzcwng mbouj gimqhaed guh dingjat haenx.

Bouxdingjat ndaej aeu gij caiz- canj gvanj gonq lied ok haenx itheij guh dingjat.

Diuz sambak goujcib roek Giyez、boux seng’eiq gagguh、boux ginghyingz nungzyez swnghcanj, ndaej aeu gij gaiqyungh guhhong、yienz- caizliuh、bancwngzbinj、canjbinj gaenq miz lienzdaengz yaek miz haenx bae dingjat, bouxdawzcaiq daengz geiz mbouj boizcaiq, roxnaeuz ok gij yienghsaeh guhbaenz gij gienzdingjat bouxnangqsaeh iekdingh haenx, boux- cuengqcaiq miz gienz yungh gij doenghcanj mwh doekdingh caizcanj dingjat haenx ndaejboiz gonq.

Diuz sambak goujcib caet Danghnaeuz aeu gaiqranz daeujdingjat,gij gienzyungh dieg dajhwnq ndaw gvaengh gaiqranz neix ciemqyungh haenx itheij dingjat. Danghnaeuz aeu gij gienzyungh dieg dajhwnq daeuj dingjat, gaiqranz gwnz benq dieg neix itheijdingjat.

Bouxdingjat mbouj ciuq gij gvidingh gvanj gonq itheij dingjat ne，gij caizcanj caengz dingjat haenx yawj baenz itheij dingjat.

Diuz sambak goujcib bet Gij gienzyungh dieg dajhwnq aen giyez yanghcin、cunh, mbouj ndaej dandog dingjat. Danghnaeuz aeu gij ranzhong aen giyez yanghcin、cunh daengj gaiq- ranz bae dingjat, gij gienzyungh dieg dajhwnq ndaw gvaengh de ciemq- yungh haenx itheij dingjat.

Diuz sambak goujcib gouj Gij caizcanj lajneix mbouj ndaej dingjat:

（It）Gienzgaemmiz diegdeih;

（Ngeih）Gij gienzyungh diegranz、reihgaglouz、byagaglouz daengj doengh cungj diegdeih cizdij gaemmiz neix, hoeng cawz ok gij gvidingh faplwd ndaej dingjat;

(Sam)Doengh gaiqyungh gyauyuz、gaiqyungh yihliuz veiswngh caeuq gaiqyungh goeng’ik wnq ndaw hag- dangz、youwzyenz、gihgou ywbingh daengj doengh yiengh fazyinz mbouj canhcienz vih guh goeng’ik laebbaenz neix;

（Seiq）Gij caizcanj gienzgaem- miz、gienzyungh mbouj cingcuj roxnaeuz miz doxceng haenx;

(Haj) Gij caizcanj ciuqfap deng- cazfung、gaeuat、gamguenj haenx;

(Roek)Gij caizcanj wnq faplwd、fapgvi hingzcwng gvidingh mbouj ndaej dingjat haenx.

Diuz seiqbak Ndalaeb gienz- dingjat, bouxnangqsaeh wngdang raiz- saw dinghlaeb aen habdoengz dingjat.

Habdoengz dingjat baeznaengz baudaengz gij diuzgvanj lajneix:

（It）Gij gienzcaiq deng damq- bauj dwg cungj lawz、miz geijlai;

（Ngeih）Bouxdawzcaiq seizlawz boizcaiq;

(Sam)Gij mingzcoh、soqliengh caizcanj dingjat daengj yienghsaeh;

（Seiq）Aen gvaengh damqbauj.

Diuz seiqbak lingz it Boux miz gienzdingjat youq mwh caengz daengz seizboizcaiq, danghnaeuz caeuq boux- dingjat iekdingh bouxdawzcaiq daengz geiz mbouj boizcaiq, gij caizcanj dingjat couh gvi bouxcuengqcaiq gaemmiz ne, cijndaej ciuqfap aeu gij caizcanj dingjat de bae dienzboiz gonq.

Diuz seiqbak lingz ngeih Danghnaeuz aeu gij caizcanj diuz sambak goujcib haj gvanj daih’it hangh daih’it daengz hangh daihsam gvidingh roxnaeuz aeu aen gaiqranz cingqcaih hwnqguh hangh daihhaj aen fap neix gvidingh haenx bae dingjat, wngdang banhleix dingjat daenggeiq. Gienzdingjat daj mwh daenggeiq laebbaenz.

Diuz seiqbak lingz sam Dangh- naeuz aeu doenghcanj bae dingjat，gienzdingjat daj mwh habdoengz dingjat suenqsoq laebbaenz; mbouj ginggvaq daenggeiq, mbouj ndaej doiqdingj bouxgwnngoemx.

Diuz seiqbak lingz seiq Dangh- naeuz aeu doenghcanj bae dingjat，mbouj ndaej doiqdingj bouxcawx youq mwh cingqciengz guh seng’eiq gaenq ceihawj cienzngaenz hableix caemh- caiq aeundaej caizcanj dingjat haenx.

Diuz seiqbak lingz haj Dangh- naeuz gienz dingjat ndalaeb gaxgonq，gij caizcanj dingjat gaenq co okbae caiqlij cienjbienq ciemqmiz, gij gvanhaeh guhco yienzlaiz mbouj souh gij gienzdingjat neix yingjyangj.

Diuz seiqbak lingz roek Aen geizgan dingjat, bouxdingjat ndaej cienjnyiengh gij caizcanj dingjat.Danghnaeuz bouxnangqsaeh lingh miz iekdingh，ciuq gij iekdingh de guh. Cienjnyiengh gij caizcanj dingjat, gij gienzdingjat mbouj deng yingjyangj.

Bouxdingjat cienjnyiengh gij caizcanj dingjat, wngdang gibseiz naeuz hawj boux miz gienzdingjat rox.Danghnaeuz boux miz gienzdingjat ndaej cwngmingz cienjnyiengh gij caizcanj dingjat aiq hawj gienz- dingjat deng sonjhaih ne，ndaej cingj- gouz bouxdingjat aeu gij cienzngaenz cienjnyiengh ndaej de boiz caiq hawj boux miz gienzdingjat gonq roxnaeuz dingjdawz. Gij cienzngaenz cienj- nyiengh dingz mauhgvaq aen soq cuengqcaiq de gvihawj bouxdingjat, dingz mbouj gaeuq de youz boux- dawzcaiq boiz liux.

Diuz seiqbak lingz caet Gienzdingjat mbouj ndaej caeuq gienzcaiq faenliz bae dandog cienj- nyiengh roxnaeuz aeu bae damqbauj gij gienzcaiq wnq. Danghnaeuz cienjnyiengh gienzcaiq, gij gienz- dingjat damqbauj aen gienzcaiq neix hix itheij cienjnyiengh, hoeng cawz ok faplwd lingh miz gvidingh roxnaeuz bouxnangqsaeh lingh miz iekdingh.

Diuz seiqbak lingz bet Dangh- naeuz gij yienghsaeh bouxdingjat aiq hawj gij gyaciz caizcanj dingjat gemjnoix, boux miz gienzdingjat miz gienz heuh bouxdingjat daengx guh gij yienghsaeh de；danghnaeuz gij gyaciz caizcanj dingjat gemjnoix, boux miz gienzdingjat miz gienz cingjgouz dauqfuk gij gyaciz caizcanj dingjat, roxnaeuz daezhawj gij damqbauj caeuq gij gyaciz deng gemjnoix doxdaengh haenx. Danghnaeuz boux- dingjat mbouj dauqfuk gij gyaciz caizcanj dingjat, hix mbouj daezhawj damqbauj, boux miz gienzdingjat miz gienz heuh bouxdawzcaiq daezgonq boiz ngaenzcaiq.

第三百九十五条  债务人或者第三人有权处分的下列财产可以抵押：

（一）建筑物和其他土地附着物；

（二）建设用地使用权；

（三）海域使用权；

（四）生产设备、原材料、半成品、产品；

（五）正在建造的建筑物、船舶、航空器；

（六）交通运输工具；

（七）法律、行政法规未禁止抵押的其他财产。

抵押人可以将前款所列财产一并抵押。

第三百九十六条  企业、个体工商户、农业生产经营者可以将现有的以及将有的生产设备、原材料、半成品、产品抵押，债务人不履行到期债务或者发生当事人约定的实现抵押权的情形，债权人有权就抵押财产确定时的动产优先受偿。

第三百九十七条  以建筑物抵押的，该建筑物占用范围内的建设用地使用权一并抵押。以建设用地使用权抵押的，该土地上的建筑物一并抵押。

抵押人未依据前款规定一并抵押的，未抵押的财产视为一并抵押。

第三百九十八条  乡镇、村企业的建设用地使用权不得单独抵押。以乡镇、村企业的厂房等建筑物抵押的，其占用范围内的建设用地使用权一并抵押。

第三百九十九条  下列财产不得抵押：

（一）土地所有权；

（二）宅基地、自留地、自留山等集体所有土地的使用权，但是法律规定可以抵押的除外；

（三）学校、幼儿园、医疗机构等为公益目的成立的非营利法人的教育设施、医疗卫生设施和其他公益设施；

（四）所有权、使用权不明或者有争议的财产；

（五）依法被查封、扣押、监管的财产；

（六）法律、行政法规规定不得抵押的其他财产。

第四百条  设立抵押权，当事人应当采用书面形式订立抵押合同。

抵押合同一般包括下列条款：

（一）被担保债权的种类和数额；

（二）债务人履行债务的期限；

（三）抵押财产的名称、数量等情况；

（四）担保的范围。

第四百零一条  抵押权人在债务履行期限届满前，与抵押人约定债务人不履行到期债务时抵押财产归债权人所有的，只能依法就抵押财产优先受偿。

第四百零二条  以本法第三百九十五条第一款第一项至第三项规定的财产或者第五项规定的正在建造的建筑物抵押的，应当办理抵押登记。抵押权自登记时设立。

第四百零三条  以动产抵押的，抵押权自抵押合同生效时设立；未经登记，不得对抗善意第三人。

第四百零四条  以动产抵押的，不得对抗正常经营活动中已经支付合理价款并取得抵押财产的买受人。

第四百零五条  抵押权设立前，抵押财产已经出租并转移占有的，原租赁关系不受该抵押权的影响。

第四百零六条  抵押期间，抵押人可以转让抵押财产。当事人另有约定的，按照其约定。抵押财产转让的，抵押权不受影响。

抵押人转让抵押财产的，应当及时通知抵押权人。抵押权人能够证明抵押财产转让可能损害抵押权的，可以请求抵押人将转让所得的价款向抵押权人提前清偿债务或者提存。转让的价款超过债权数额的部分归抵押人所有，不足部分由债务人清偿。

第四百零七条  抵押权不得与债权分离而单独转让或者作为其他债权的担保。债权转让的，担保该债权的抵押权一并转让，但是法律另有规定或者当事人另有约定的除外。

第四百零八条  抵押人的行为足以使抵押财产价值减少的，抵押权人有权请求抵押人停止其行为；抵押财产价值减少的，抵押权人有权请求恢复抵押财产的价值，或者提供与减少的价值相应的担保。抵押人不恢复抵押财产的价值，也不提供担保的，抵押权人有权请求债务人提前清偿债务。

（25 caengz sat）

（壮文稿由中国民族语文翻译局提供）