Aen Yihyen Aeu Max Doz

Dwzngoz dwg aen cin youq diegbya doekgungx laeng Gvangjsih Lungzlinz Yen. Bi 1969 nienzdaej, lai boux “canghyw Denhcinh”daeuj coengh Gvangjsih, bae daengz gak aen veiswnghyen dieg de. Seizde, diegbya haeujok hoj lai, yaek daj ndawmbanj soengq boux vunzbingh bae veiswnghyen, ca mbouj geijlai bouxmizrengz daengx mbanj cungj bae coengh cijndaej, mbaq rap fwngz daix, gvaq ndoi gvaq bya. Doengh boux “canghyw Denhcinh” Gu Cunghvei、Yangz Hinghyungz daengj roxnyinh vunzlai dieg de yawjbingh hojnanz, couh gag dwennaeuz youz canghyw veiswngh- yen aeu duzmax doz yw caeuq hongdawz ywbingh bae gak mbanj liebbyaij. Yienghneix vunzlai couh mbouj hoj buet gwnz buet laj youh ndaej gibseiz ywbingh. Gyoengq canghyw cungj ngaekgyaeuj naeuz ndei, foenfoen gyahaeuj aen doih liebbyaij yawjbingh, saet gwnz saet laj, dangciengz caeuq vunzlai yawjbingh ywbingh. Miz mbangj lij youq ndawranz vunzbingh hai mbonqbingh, yienhciengz guh lanz- veijyenz、saej saekcaet daengj soujsuz bingh gaenj. Vunzlai dieg- bya doekfwz dieg de yawjbingh ywbingh couh mbouj baenzlai hoj lo. Aen doih liebbyaij yawjbingh neix ndaej vunz doxndiep heuhguh “aen yihyen aeu max doz”. （2）

（Gvangjsih Minzcuz Yenzgiu Cunghsinh hawj gauj）