Seizneix, youh daengz seizciet ndaem maenzdoengzlingz seizcou- doeng Gvangjsih bi ndaem baez. Ciuq cam rox, bineix daengx gih seizcin sou maenzdoengzlingz najdieg miz 83 fanh moux baedauq, bi ndaem ok maenzdoengzlingz 65 fanh dun, bang bouxguhnaz laisou ca mbouj lai 30 ik maenz.

Geij bi neix daeuj, Gvangjsih yawjnaek ndaem maenzdoengzlingz lailai. Cingjhab nungzyez、gohyenz、sonhag、doigvangq daengj rengz gisuz, okdaiz aen biucinj deihfueng gwnz gozci aen daih’it “son dinfwngz ndaem maenzdoengzlingz goemq fiengz mbouj yungh raeq”, maenz- doengzlingz ndaem ndaej bingzyaenz moux 2000 goenggaen baedauq, ndaej boux lauxhangz yenzgiu maenz- doengzlingz Sunh Veiswngh haenh baenz “Ciengz gwzming dajndaem ndeu, haicauh le seiqgyaiq vunq- sik”.

Caengz dem caengz dingh cwzyin, youq daengx gih laeb miz 85 aen dieg guhyiengh dinfwngz ndaem maenz baenz lai bak moux doxhwnj. Song bi neix daeuj, gungh youq 14 aen cungdenjyen（si、gih） guh hong cauh- laeb dieg ndei ndaem maenzdoengz- lingz, najdieg ndaem、soq baenz maenz ciemqbeij cungj mauhgvaq daengx gih 50% doxhwnj.

Yungh doigvangq “gunghswh+nungzhu”“hezvei+nungzhu” daengj guenjguh fuengsik, caeuq “haeux- caeux baenz vaiq+haeuxlaeng baenz vaiq+seizdoeng ndaem maenz- doengzlingz”“haeuxcaeux+haeux- yangz diemz+maenzdoengzlingz”“haeuxmiuzngeih+maenzdoengzlingz seizcou+maenzdoengzlingz seizcin”daengj bi ndaem sam miuz. Guh doenghgij neix le, bouxguhnaz fanj- dauq lai gyaez ndaem maenzdoengz- lingz seizcoudoeng, ndaw gih rog gih haujlai giyez、bouxak ginghci、boux guh nungzcangz caeuqfaenh huhu.

Bi’gvaq, Gvangjsih Bwzfanz Gveicungj Nungzyez Gisuz Gunghswh youq Bozbwz Yen doenggvaq “gunghswh+gihdi+ranzgungzhoj” vunqsik ndaem maenzdoengzlingz seizdoeng 509 moux, bineix maenz- doengzlingz seizcin gujsuenq moux ndaej 2892.9 goenggaen, huq gai daengz hawciengz Dunghnanzya.

(Dangz Gvangjswngh Fangh Gyanghlingz Vangz Swjgenh)