Mboengqneix, Liujcouh Si Liujsizlu Siuj- yoz guh Gaiq Daihroek Minzcuz Yindungvei, gyoengq lauxsae lwghag ndang daenj buhvaq gyaeundei, doxcomz gwnz cauhcangz guh aen yizsiz haimuq. Cezmuz yienhciengz lai raeuh, lumj eu golaux Dungcuz、diuq foux caij- dinvenz、foux Veizvuzwjcuz、ndaeknyenz、daenj buhvaq Bouxgun langhbaij lijyiz daengj. Sing fwen ndeidingq rwenz raeuh, gak cungj foux vaiqvued baijok gij daegsaek mbouj doengz gak minzcuz. Gyoengqde aeu lai cungj cezmuz gujli lauxsae lwghag caenhrengz doxdax、haenqrengz buekguh, caiq hawj “sam aen liz mbouj ndaej”“haj aen nyinhdoengz”daengj leixniemh minzcuz doxgiet baenaj ndaej roengzrag ndawsim vunzlai.

Ciengzgeiz doxdaeuj, aen hagdangz neix cungj yawjnaek hong son’gyauq minzcuz doxgiet, guh lai yiengh hozdung minzcuz. Seizneix, daengx hagdangz cungj maij hag lizsij vwnzva minzcuz, gagnyienh fatyiengz cingsaenz minzcuz, gyoengqvunz caemh bienqndaej engq doxgiet.

（Fu Yungjsinh Veiz Funggiz Yinj Suzcing / 傅永新 韦凤菊 尹淑静）